ക്രിക്കറ്റ്​ താരങ്ങളായ അശോക്​ ദിണ്ഡ ബി.ജെ.പി ടിക്കറ്റിലും മനോജ്​ തിവാരി തൃണമൂൽ ടിക്കറ്റിലും വിജയിച്ചു

കൊൽക്കത്ത: ബംഗാൾ നിയമ സഭ തെരഞ്ഞെടുപ്പിൽ കന്നി അങ്കത്തിനിറങ്ങിയ ക്രിക്കറ്റ്​ താരങ്ങളായ അശോക്​ ദിണ്ഡക്കും മനോജ്​ തിവാരിക്കും വിജയം. മുൻ ഇന്ത്യൻ പേസ്​ ബൗളറായ ദിണ്ഡ ബി.ജെ.പി ടിക്കറ്റിലും ബാറ്റ്​സ്​മാനായിരുന്ന മനോജ്​ തിവാരി തൃണമൂൽ കോൺഗ്രസ്​ ടിക്കറ്റിലുമാണ്​ വിജയം കണ്ടത്​.

പശ്ചിമ ബംഗാൾ തെരഞ്ഞെടുപ്പിനോട്​ അനുബന്ധിച്ചാണ്​ ഇരുവരും രാഷ്​ട്രീയ പ്രവേശം നടത്തിയത്​. 1260 വോട്ടുകൾക്കായിരുന്നു ദിണ്ഡയുടെ വിജയമെങ്കിൽ 32,339 വോട്ടുകളുടെ കൂറ്റൻ വിജയമാണ്​ മനോജ്​ തിവാരിക്ക്​ ലഭിച്ചത്​. ഷിബ്​പൂർ മണ്ഡലത്തിൽ നിന്നായിരുന്നു മനോജ്​ തിവാരി ജനവിധി തേടിയത്​.

മനോജ്​ തിവാരി ഇന്ത്യക്കായി 12 ഏകദിനങ്ങളിലും മൂന്ന്​ ട്വന്‍റി 20 കളിലും കളത്തിലിറങ്ങിയിട്ടുണ്ട്​. 13 ഏകദിനങ്ങളിലും ഒൻപത്​ ട്വന്‍റി 20ലുമാണ്​ ദിണ്ഡ ഇന്ത്യൻ ജഴ്​സിയണിഞ്ഞിട്ടുള്ളത്​. ഇരുവരെയും െഎ.പി.എൽ മത്സരങ്ങളിലൂടെയാണ്​ ആരാധകർക്ക്​ കൂടുതൽ സുപരിചിതം.