Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightലക്ഷ്യം ഇന്ത്യൻ...

ലക്ഷ്യം ഇന്ത്യൻ ക്രിക്കറ്റ്​ താരമാകുക, ഹോബി ഫുട്​ബാൾ; വൈറലായി ഇഷ്​ടങ്ങൾ കുറിച്ച കോഹ്​ലിയുടെ സ്ലാംബുക്ക്​

text_fields
bookmark_border
virat kohli slam book
cancel
camera_altകടപ്പാട്​: Twitter

ന്യൂഡൽഹി: സോഷ്യൽ മീഡിയയിൽ വൻ ആരാധകവൃന്ദമുള്ള കായിക താരമാണ്​ ഇന്ത്യൻ ക്രിക്കറ്റ്​ ടീം നായകനായ വിരാട്​ കോഹ്​ലി. കോവിഡ്​ പ്രതിരോധ പ്രവർത്തനത്തിനുള്ള ധനസമാഹരണമായാലും താരത്തിന്‍റെ ചെറുപ്പകാലത്തെ ചിത്രമായാലും കോഹ്​ലിയെ കുറിച്ചുള്ള എന്തും തലക്കെട്ടുകളായി മാറാറാണ്​ പതിവ്​​.

ശനിയാഴ്ച രാത്രി ഇത്തരത്തിൽ ഒരു ചിത്രം സോഷ്യൽ മീഡിയയിൽ വൈറലായി. സ്​കൂൾ കാലത്ത്​ കോഹ്​ലി പൂരിപ്പിച്ച ഒരു സ്ലാംബുക്കിന്‍റെ ചിത്രമായിരുന്നു അത്​. കോഹ്​ലിയുടെ സുഹൃത്തായ ഷലജ്​ സോൻദിയാണ്​ ചിത്രം ഇൻസ്റ്റഗ്രാമിൽ പങ്കുവെച്ചത്​.

പുസ്​തകത്തിൽ ഇന്ത്യൻ ക്രിക്കറ്റ്​ താരമാകുകയാണ്​ തന്‍റെ ആഗ്രഹമെന്ന്​ എഴുതിയ കോഹ്​ലി ഇഷ്​ടപ്പെട്ട വിനോദമായി തെരഞ്ഞെടുത്തത്​ ഫുട്​ബാളാണ്​. ഇഷ്​ടപ്പെട്ട നിറം കറുപ്പാണ്​. ഏറ്റവും ആരാധിക്കുന്ന വ്യക്തി ബോളിവുഡ്​ നടൻ ഋതിക്​ റോഷനാണ്​. കോഹ്​ലിയുടെ ന്യൂഡൽഹിയിലെ വീടിന്‍റെ വിലാസവും ഫോൺ നമ്പറുമടക്കം സ്ലാംബുക്കിൽ എഴുതിയിട്ടുണ്ട്​. വിഷമിപ്പിച്ച മുഹൂർത്തം ഇതുവരെയില്ല എന്നാണ്​ കോഹ്​ലി പൂരിപ്പിച്ചിരിക്കുന്നത്​.

കോഹ്​ലിയുടെ സുഹൃത്തിന്‍റെ പോസ്റ്റ്​ വൈറലാകുകയും ആരാധകർ അത്​ ഒരു പ്രചോദനമാക്കി എടുക്കാൻ ആഹ്വാനം ​െചയ്യുകയുമാണ്​. കോഹ്​ലിയെപ്പോലെ ലക്ഷ്യങ്ങൾ നിറവേറ്റുന്നവരായി മാറൂ എന്നാണ്​ ഒരു ഫാൻ​ പേജ്​ ചിത്രം പങ്കുവെച്ച്​ കൊണ്ട്​ ട്വിറ്ററിൽ കുറിച്ചത്​.

കുട്ടികൾക്കും കൗമാരക്കാർക്കും ഇടയിൽ കൈമാറുന്ന ഒരു നോട്ട്ബുക്ക് ആണ് സ്ലാം ബുക്ക്​. പുസ്തകത്തിന്‍റെ ഉടമ ഒരു ചോദ്യം ചോദിച്ച്​ കൊണ്ട് ആരംഭിക്കുന്നു. പിന്നീട്​ വിവിധ ചോദ്യങ്ങൾക്കുള്ള ഉത്തരം മറ്റ്​ സുഹൃത്തുക്കൾക്ക്​ പൂരിപ്പിക്കുന്നതിന് കൈമാറുകയാണ്​ ചെയ്യുക.

ഐ.പി.എല്ലിൽ കോഹ്​ലിയുടെ നായകത്വത്തിന്​ കീഴിലിറങ്ങിയ റോയൽ ചലഞ്ചേഴ്​സ്​ ബാംഗ്ലൂർ മികച്ച ഫോമിലായിരുന്നു. ആദ്യ ഏഴ്​ മത്സരങ്ങളിൽ നിന്ന്​ അഞ്ച്​ ജയവുമായി ടീം പോയന്‍റ്​ പട്ടികയിൽ മുൻപന്തിയിലായിരുന്നു. എന്നാൽ കോവിഡ്​ വ്യാപനം മൂലം ടൂർണമെൻറ്​ അനിശ്ചിതകാലത്തേക്ക്​ മാറ്റിവെച്ചിരിക്കുകയാണ്​.

ഇംഗ്ലണ്ടിൽ നടക്കാൻ പോകുന്ന ലോകടെസ്റ്റ്​ ചാമ്പ്യൻഷിപ്പ്​ ഫൈനലിനാണ്​ ഇന്ത്യൻ ടീം ഇനി ഒരുങ്ങുന്നത്​. സതാംപ്​റ്റണിലെ ​റോസ്​ബൗളിൽ നടക്കുന്ന ഫൈനലിൽ ന്യൂസിലൻഡ്​ ആണ്​ ഇന്ത്യയുടെ എതിരാളികൾ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Virat KohlicricketViral picsslam book
News Summary - ambition to become an indian cricketer Hobby Playing Football’: Virat Kohli’s slam book viral
Next Story