Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightസൈലന്‍റ്​ നായകന്...

സൈലന്‍റ്​ നായകന് വൈബ്രന്‍റ്​ വരവേൽപ്പ്​:​ രഹാനെയെ രാജകീയമായി ആനയിച്ച്​ അയൽവാസികൾ VIDEO

text_fields
bookmark_border
സൈലന്‍റ്​ നായകന് വൈബ്രന്‍റ്​ വരവേൽപ്പ്​:​ രഹാനെയെ രാജകീയമായി ആനയിച്ച്​ അയൽവാസികൾ VIDEO
cancel

മുംബൈ: ആസ്​ട്രേലിയൻ മണ്ണിൽ ചരിത്രവിജയം നേടി മടങ്ങിയെത്തിയ ഇന്ത്യൻ നായകൻ അജിൻക്യ രഹാനെക്ക്​ ഗംഭീരവരവേൽപ്പ്​. പൂക്കളെറിഞ്ഞും ചുവന്നപരവതാനിവിരിച്ചും വാദ്യോപകരണങ്ങൾ മുഴക്കിയുമാണ്​ രഹാനെയെ വീട്ടിലേക്ക്​ വരവേറ്റത്​.

രഹാനെ താമസിക്കുന്ന മുംബൈയിലെ റസിഡൻഷ്യൻ കോംപ്ലക്​സിലെ അയൽവാസികളാണ്​​ ഗംഭീര സ്വീകരണം ഒരുക്കിയത്​. ആരവങ്ങൾക്കിടയിലൂടെ കുഞ്ഞിനെയും എടുത്ത്​ ശാന്തനായി നടന്നുവരുന്ന രഹാനെയുടെ വിഡിയോ സമൂഹമാധ്യമങ്ങളിൽ പറപറക്കുന്നുണ്ട്​. 'ആലാ രേ ആല അജിൻക്യ ആലാ' എന്നുതുടങ്ങുന്ന വരികളും ചിലർ പാടി.

ദാദറിൽ റുപാറെൽ കോളജിന്​ സമീപത്ത്​ ഭാര്യ രാഥിക ധോപാവ്​കർക്കും രണ്ടുവയസ്സുകാരിയായ മകൾ ആര്യക്കുമൊപ്പമാണ്​ രഹാനെ താമസിക്കുന്നത്​. ഒന്നാം ടെസ്റ്റിലെ തോൽവിക്ക്​ ശേഷം മുൻനിശ്ചയിച്ച പ്രകാരം ഗർഭിണിയായ ഭാര്യയുടെ അടുത്തേക്ക്​്​ ക്യാപ്​റ്റൻ വിരാട്​ കോഹ്​ലി മടങ്ങിയതോടെയാണ്​ രഹാനെ ഇന്ത്യയുടെ നായകസ്ഥാനം ഏറ്റെടുത്തത്​. പരിക്കിൽ ഉലഞ്ഞ ഇന്ത്യയെ ഒരു പിടി യുവതാരങ്ങളെയും കൊണ്ട്​ കിരീടം ചൂടിച്ച രഹാനെയുടെ നായകമികവ്​ ലോകമെമ്പാടും വലിയ പ്രശംസ നേടിയിരുന്നു.


Show Full Article
TAGS:Ajinkya Rahane India-australia 
News Summary - Ajinkya Rahane Gets Grand Welcome As He Returns Home
Next Story