Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right'വീണ്ടും രക്ഷകനായി...

'വീണ്ടും രക്ഷകനായി ഡിവില്ലിയേഴ്​സ്​'; ബാംഗ്ലൂരിന്​ ഭേദപ്പെട്ട സ്​കോർ

text_fields
bookmark_border
വീണ്ടും രക്ഷകനായി ഡിവില്ലിയേഴ്​സ്​; ബാംഗ്ലൂരിന്​ ഭേദപ്പെട്ട സ്​കോർ
cancel

ഹൈദരാബാദ്​: ആശങ്കയുടെ കാർമേഘം മൂടിനിന്ന റോയൽ ചാലഞ്ചേഴ്​സ്​ ബാംഗ്ലൂരിനായി എ.ബി ഡിവില്ലിയേഴ്​സ്​ ഒരിക്കൽ കൂടി പെയ്​തിറങ്ങി. 42 പന്തിൽ നിന്നും 75 റ​ൺസെടുത്ത ഡിവില്ലിയേഴ്​സിന്‍റെ ചുമലിലേറി അഞ്ചിന്​ 171 റൺസ്​ എന്ന നിലയിലാണ്​ ബാംഗ്ലൂർ ഇന്നിങ്​സ്​ അവസാനിപ്പിച്ചത്​. ​ഐ.പി.എല്ലിലെ തന്‍റെ 40ാം അർധ സെഞ്ച്വറി കുറിച്ച എ.ബി.ഡി 5000 റ​ൺസെന്ന നാഴികക്കല്ലും പിന്നിട്ടു.


ടോസ്​ നഷ്​ടപ്പെട്ട്​ ബാറ്റിങ്ങിനിറങ്ങിയ ബാംഗ്ലൂരിന്‍റെ സ്​കോർ 30ൽ നിൽക്കേ അടുത്തടുത്ത പന്തുകളിൽ നായകൻ വിരാട്​ കോഹ്​ലിയും (12), ദേവ്​ദത്ത്​ പടിക്കലും (17) കുറ്റിതെറിച്ച്​ മടങ്ങിയതോടെ ബാറ്റിങ്​ നിര സമ്മർദ്ദത്തിലായിരുന്നു. തുടർന്നെത്തിയ ​െഗ്ലൻ മാക്​സ്​വെൽ (20 പന്തിൽ 25) മികച്ച തുടക്കം മുതലെടുക്കാനാവാതെ പുറത്തായി. 22പന്തിൽ നിന്നും 31 റ​ൺസെടുത്ത രജത്​ പട്ടീഥാറിനെ കൂട്ടുപിടിച്ച്​ ഡിവില്ലിയേഴ്​സ്​ പതിയെ ബാംഗ്ലൂരിനെ എടുത്തുയർത്തുകയായിരുന്നു. മാർകസ്​ സ്​റ്റോയ്​നിസ്​ എറിഞ്ഞ അവസാന ഓവറിൽ മൂന്നു സിക്​സറുകളക്കം അടിച്ചു കൂട്ടിയ 23 റൺസാണ്​ ബാംഗ്ലൂർ സ്​​േകാർ 170 കടത്തിയത്​.

Show Full Article
TAGS:Ab de Villiers RCB IPL 2021 
News Summary - Ab de Villiers fires RCB to 171
Next Story