'കൊച്ചി ടസ്​കേഴ്​സിനായി കളിച്ചതി​െൻറ പൈസ താരങ്ങൾക്ക്​ കിട്ടാനുണ്ട്​'; ബി.സി.സി.ഐയോട്​ വല്ല വഴിയുമുണ്ടോയെന്ന്​ ചോദിച്ച്​ ബ്രാഡ്​ ഹോഡ്​ജ്​

സിഡ്​നി: കേരളത്തെ പ്രതിനിധീകരിച്ച്​ ഐ.പി.എല്ലിലുണ്ടായിരുന്ന കൊച്ചിൻ ടസ്​കേഴ്​സിനായി കളിച്ചതി​െൻറ പണം ഇനിയും കിട്ടിയില്ലെന്ന്​ വെളുപ്പെടുത്തി ആസ്​ട്രേലിയൻ താരം ബ്രാഡ്​ ഹോഡ്​ജ്​. 2011ലെ ഒരേയൊരു സീസണിൽ മാത്രമാണ്​ കൊച്ചി ടസ്​കേഴ്​സ്​ കളത്തിലുണ്ടായിരുന്നത്​.

''പത്ത്​ വർഷം മുമ്പ്​ ഐ.പി.എല്ലിൽ കൊച്ചി ടസ്​കേഴ്​സിനായി കളിച്ചപ്പോഴുള്ള പ്രതിഫലത്തി​െൻറ 35% തുക ഇനിയും താരങ്ങൾക്ക്​ ലഭിച്ചിട്ടില്ല. ആ പൈസ ലഭിക്കാൻ വല്ല മാർഗവുമുണ്ടോ?'' -ബി.സി.സി.ഐയെ മെൻഷൻ​ ചെയ്​ത്​ ഹോഡ്​ജ്​ ട്വീറ്റ്​ ചെയ്​തു. ഇന്ത്യൻ വനിതതാരങ്ങൾക്ക്​ ട്വൻറി20 ലോകകപ്പ്​ ഫൈനലിൽ എത്തിയതി​െൻറ പണം ഇനിയും നൽകിയില്ലെന്ന 'ടെലഗ്രാഫ്​ യു.കെ' ട്വിറ്റർ വാർത്തയുടെ പശ്ചാത്തലത്തിലായിരുന്നു ഹോഡ്​ജി​െൻറ പ്രതികരണം.

1.95 കോടിക്കായിരുന്നു അന്ന്​ ഹോഡ്​ജിനെ ടസ​്​കേഴ്​സ്​ സ്വന്തമാക്കിയത്​. ബ്രണ്ടൻ മക്കല്ലം, ശ്രീശാന്ത്​, രവീന്ദ്ര ജദേജ, ജയവർധനെ, വി.വി.എസ്​ ലക്ഷ്​മൺ, സ്​റ്റീവ്​ സ്​മിത്ത്​ അടക്കമുള്ള വൻ താരനിര ടസ്​കേഴ്​സിലുണ്ടായിരുന്നു. ഭേദപ്പെട്ട പ്രകടനം കാഴ്​ചവെച്ചിട്ടും സീസണിൽ വ്യവസ്ഥകൾ ലൃഘിച്ചു എന്ന കുറ്റം ചുമത്തി ടസ്​കേഴ്​സിനെ ബി.സി.സി.ഐ പുറത്താക്കിയിരുന്നു. കൊച്ചി ടസ്​കേഴ്​സും ബി.സി.സി.ഐയും തമ്മിലുള്ള സാമ്പത്തിക ബാധ്യതയും നിയമപ്രശ്​നങ്ങളും ഇനിയും അവസാനിച്ചിട്ടില്ല. ഒന്നിലധികം കമ്പനികളുടെ കൺസോർഷ്യമായ കൊച്ചി ക്രിക്കറ്റ് പ്രൈവറ്റ് ലിമിറ്റഡിന്റെ കീഴിലായിരുന്നു ടീം കളത്തിലിറങ്ങിയിരുന്നത്​.