അ​ര​ങ്ങേ​റ്റ​ത്തി​ൽ ആ​ശ ശോ​ഭ​നക്ക് നാ​ലു വി​ക്ക​റ്റ്; ദ​ക്ഷി​ണാ​ഫ്രി​ക്ക​ക്കെ​തി​രെ ഇ​ന്ത്യ​ൻ വ​നി​ത​ക​ൾ​ക്ക് ജ​യം

ന്യൂ​ഡ​ൽ​ഹി: സ്മൃ​തി മ​ന്ദാ​ന സെ​ഞ്ച്വ​റി പി​ന്നി​ട്ട് 7,000 ക്ല​ബി​ൽ ഇ​ടം പി​ടി​ക്കു​ക​യും അ​ര​ങ്ങേ​റ്റ​ത്തി​ൽ മ​ല​യാ​ളി താ​രം ആ​ശ ശോ​ഭ​ന വി​ല​പ്പെ​ട്ട നാ​ല് വി​ക്ക​റ്റു​ക​ളു​മാ​യി ജ​യം പൂ​ർ​ണ​മാ​ക്കു​ക​യും ചെ​യ്ത ക​ളി​യി​ൽ ഇ​ന്ത്യ​ൻ വാ​ഴ്ച. ഇ​ന്ത്യ​ൻ പ​ര്യ​ട​ന​ത്തി​നെ​ത്തി​യ ദ​ക്ഷി​ണാ​ഫ്രി​ക്ക​ക്കെ​തി​രാ​യ ആ​ദ്യ ഏ​ക​ദി​ന​ത്തി​ൽ 143 റ​ൺ​സി​നാ​യി​രു​ന്നു ആ​തി​ഥേ​യ​രു​ടെ ജ​യം. സ്കോ​ർ ഇ​ന്ത്യ: 265/8, ദ​ക്ഷി​ണാ​ഫ്രി​ക്ക 37.4 ഓ​വ​റി​ൽ 122 റ​ൺ​സി​ന് എ​ല്ലാ​വ​രും പു​റ​ത്ത്. ആ​ദ്യം ബാ​റ്റു​ചെ​യ്ത ഇ​ന്ത്യ​ൻ നി​ര​യി​ൽ മ​ന്ദാ​ന ഒ​റ്റ​ക്കു​നി​ന്ന് ഇ​ന്ത്യ​ൻ ഇ​ന്നി​ങ്സി​നെ പി​ടി​ച്ചു​യ​ർ​ത്തു​ന്ന​താ​യി​രു​ന്നു കാ​ഴ്ച. മ​റു​വ​ശ​ത്ത് വി​ക്ക​റ്റു​ക​ൾ നി​ര​ന്ത​രം വീ​ണു​കൊ​ണ്ടി​രു​ന്ന​പ്പോ​ഴും പി​ടി​ച്ചു​നി​ന്ന് ബാ​റ്റു​വീ​ശി​യ താ​രം സെ​ഞ്ച്വ​റി തി​ക​ക്കും വ​രെ സ​മ​ചി​ത്ത​ത പു​ല​ർ​ത്തി​യ​പ്പോ​ൾ പി​ന്നീ​ട് ആ​ക്ര​മ​ണ​ത്തി​ന് മൂ​ർ​ച്ച​കൂ​ട്ടി.

127 പ​ന്തി​ൽ 117 റ​ൺ​സെ​ടു​ത്ത മ​ന്ദാ​ന 12 ഫോ​റും ഒ​രു സി​ക്സും പ​റ​ത്തി​യാ​യി​രു​ന്നു ച​രി​ത്ര​ത്തി​ലേ​ക്ക് അ​വ​ർ ബാ​റ്റു​വീ​ശി​ക്ക​യ​റി​യ​ത്.

ക​രി​യ​റി​ൽ മ​ന്ദാ​ന​ക്കി​ത് ആ​റാം സെ​ഞ്ച്വ​റി​യാ​ണ്. രാ​ജ്യാ​ന്ത​ര ക്രി​ക്ക​റ്റി​ൽ 7,000 റ​ൺ​സ് പി​ന്നി​ട്ട് മ​ന്ദാ​ന ച​രി​ത്രം കു​റി​ച്ച​താ​യി​രു​ന്നു ചി​ന്ന സ്വാ​മി മൈ​താ​ന​ത്തെ ഹൈ​ലൈ​റ്റ്. മു​ൻ ക്യാ​പ്റ്റ​ൻ മി​ഥാ​ലി രാ​ജ് മാ​ത്ര​മാ​ണ് ഇ​ന്ത്യ​യി​ൽ​നി​ന്ന് ഇ​ത്ര​യും വ​ലി​യ ഉ​യ​രം തൊ​ട്ട​ത്. ല​റ്റ​ത്ത് ദീ​പ്തി ശ​ർ​മ, പൂ​ജ വ​സ്ത്ര​ക​ർ എ​ന്നി​വ​രും പി​ടി​ച്ചു​നി​ന്നു. ഓ​പ​ണ​ർ ഷ​ഫാ​ലി വ​ർ​മ ഏ​ഴു റ​ൺ​സി​ന് കൂ​ടാ​രം ക​യ​റി​യ​പ്പോ​ൾ ഹേ​മ​ല​ത, ഹ​ർ​മ​ൻ​പ്രീ​ത് കൗ​ർ, ജ​മീ​മ റോ​ഡ്രി​ഗ​സ്, റി​ച്ച ഘോ​ഷ് എ​ന്നി​വ​രെ​ല്ലാം ചെ​റി​യ ടോ​ട്ട​ലി​ന് മ​ട​ങ്ങി. ദീ​പ്തി ശ​ർ​മ 37 എ​ടു​ത്ത​പ്പോ​ൾ പു​റ​ത്താ​കാ​തെ നി​ന്ന വ​സ്ത്ര​ക​ർ 31 റ​ൺ​സു​മെ​ടു​ത്തു.

എ​ട്ടു വി​ക്ക​റ്റി​ൽ 265 റ​ൺ​സ് എ​ന്ന മി​ക​ച്ച സ്കോ​റു​മാ​യി എ​തി​രാ​ളി​ക​ളെ മ​റു​പ​ടി ബാ​റ്റി​ങ്ങി​ന​യ​ച്ച ഇ​ന്ത്യ ബൗ​ളി​ങ്ങി​ലും ഉ​ഗ്ര രൂ​പം പു​റ​ത്തെ​ടു​ത്തു.

ഇ​ന്ത്യ​ൻ ആ​ക്ര​മ​ണ​ത്തി​ന്റെ കു​ന്ത​മു​ന​യാ​യ ദീ​പ്തി ശ​ർ​മ തു​ട​ക്ക​ത്തി​ൽ ര​ണ്ടു​പേ​രെ മ​ട​ക്കി​യ​പ്പോ​ൾ പി​ന്നീ​ടു​ള്ള ദൗ​ത്യം ആ​ശ ഏ​റ്റെ​ടു​ത്തു. 8.4 ഓ​വ​റി​ൽ 21 റ​ൺ​സ് മാ​ത്രം വ​ഴ​ങ്ങി​യാ​യി​രു​ന്നു നാ​ലു വി​ക്ക​റ്റു​ക​ൾ പി​ഴു​ത​ത്. ദീ​പ്തി ശ​ർ​മ ആ​റോ​വ​റി​ൽ 10 റ​ൺ​സ് വ​ഴ​ങ്ങി ര​ണ്ടു​പേ​രെ​യും മ​ട​ക്കി.