ബോക്സിങ് ഫെഡറേഷൻ തെരഞ്ഞെടുപ്പ്; വാൻ ഡർ വോഴ്സ്റ്റ് നിരീക്ഷകനാകും

ന്യൂ​ഡ​ൽ​ഹി: ആ​ഗ​സ്റ്റ് 21ന് ​നി​ശ്ച​യി​ച്ച ബോ​ക്സി​ങ് ഫെ​ഡ​റേ​ഷ​ൻ ​തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യി നി​ല​വി​ലെ ഇ​ട​ക്കാ​ല പ്ര​സി​ഡ​ന്റ് അ​ജ​യ് സി​ങ് രാ​ജി​വെ​ച്ചു. ഇ​തേ പ​ദ​വി​യി​ൽ ​പു​തി​യ ഊ​ഴം തേ​ടി​യാ​ണ് രാ​ജി. വെ​ള്ളി​യാ​ഴ്ച​യാ​ണ് ഇ​ട​ക്കാ​ല സ​മി​തി തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച​ത്. തെ​ര​ഞ്ഞെ​ടു​പ്പി​ൽ നി​രീ​ക്ഷ​ക​ന്മാ​രാ​യി ലോ​ക ബോ​ക്സി​ങ് ഫെ​ഡ​റേ​ഷ​ൻ പ്ര​സി​ഡ​ന്റ് ബോ​റി​സ് വാ​ൻ ഡ​ർ വോ​ഴ്സ്റ്റും ഇ​ട​ക്കാ​ല സെ​ക്ര​ട്ട​റി ജ​ന​റ​ൽ മൈ​ക്ക് മ​ക്ആ​റ്റി​യും എ​ത്തും.

മാ​സ​ങ്ങ​ൾ നീ​ണ്ട അ​നി​ശ്ചി​ത​ത്വ​ത്തി​നൊ​ടു​വി​ൽ ലോ​ക ഫെ​ഡ​റേ​ഷ​ൻ ക​ഴി​ഞ്ഞ ഏ​പ്രി​ലി​ലാ​ണ് ഇ​ട​ക്കാ​ല സ​മി​തി​യെ വെ​ച്ച​ത്. അ​ജ​യ് സി​ങ് രാ​ജി​വെ​ച്ച​തോ​ടെ സിം​ഗ​പൂ​ർ ഫെ​ഡ​റേ​ഷ​ൻ പ്ര​സി​ഡ​ന്റ് ഫൈ​റൂ​സ് മു​ഹ​മ്മ​ദി​ന് ഇ​ന്ത്യ​യി​ൽ താ​ത്കാ​ലി​ക ചു​മ​ത​ല ന​ൽ​കി​യി​ട്ടു​ണ്ട്.

സ്പൈ​സ് ജെ​റ്റ് എ​യ​ർ​ലൈ​ൻ​സ് ചെ​യ​ർ​മാ​ൻ കൂ​ടി​യാ​യ അ​ജ​യ് സി​ങ് ബോ​ക്സി​ങ് ഫെ​ഡ​റേ​ഷ​ൻ അ​ധ്യ​ക്ഷ പ​ദ​വി​യി​ൽ ര​ണ്ട് ഊ​ഴ​ങ്ങ​ളി​ലാ​യി എ​ട്ടു വ​ർ​ഷം പൂ​ർ​ത്തി​യാ​ക്കി​യാ​ണ് മൂ​ന്നാം ത​വ​ണ​യും അ​വ​സ​രം തേ​ടു​ന്ന​ത്. എ​തി​രാ​ളി​യാ​യി മു​ൻ കാ​യി​ക മ​ന്ത്രി അ​നു​രാ​ഗ് താ​ക്കൂ​ർ രം​ഗ​ത്തു​ണ്ട്. മാ​ർ​ച്ച് 28ന് ​നി​ശ്ച​യി​ച്ച തെ​ര​ഞ്ഞെ​ടു​പ്പി​ലും താ​ക്കൂ​ർ രം​ഗ​ത്തു​ണ്ടാ​യി​രു​ന്നു​വെ​ങ്കി​ലും അ​ജ​യ് സി​ങ് ത​യാ​റാ​ക്കി റി​ട്ടേ​ണി​ങ് ഓ​ഫീ​സ​ർ അം​ഗീ​ക​രി​ച്ച ഇ​ല​ക്ട​റ​ൽ കോ​ള​ജി​ൽ പേ​രു​ണ്ടാ​യി​രു​ന്നി​ല്ല.

ഹി​മാ​ച​ൽ പ്ര​ദേ​ശ് ബോ​ക്സി​ങ് ഫെ​ഡ​റേ​ഷ​ന്റെ പ്ര​തി​നി​ധി​യാ​കാ​ൻ അ​ർ​ഹ​ത​യി​ല്ലെ​ന്നാ​യി​രു​ന്നു അ​ജ​യ് സി​ങ്ങി​ന്റെ വാ​ദം. ഇ​​താ​ണ് കോ​ട​തി​യു​ദ്ധ​ത്തി​ലെ​ത്തി​യ​ത്. ആ​ഗ​സ്റ്റ് 31ന​കം പു​തി​യ സ​മി​തി ചു​മ​ത​ല​യേ​ൽ​ക്ക​ണ​മെ​ന്നാ​ണ് ലോ​ക ബോ​ക്സി​ങ് ഫെ​ഡ​റേ​ഷ​ൻ ന​ൽ​കി​യ അ​ന്ത്യ​ശാ​സ​നം.