ഉയരെ ഉയരെ ഒരേയൊരു ബർഷിം

ദോ​ഹ: ചൊ​വ്വാ​ഴ്ച രാ​വി​ലെ ദോ​ഹ​യി​ൽ സൂ​ര്യ​ൻ ഉ​ദി​ച്ചു​യ​രു​മ്പോ​ൾ, അ​മേ​രി​ക്ക​യി​ലെ യൂ​ജി​ൻ അ​സ്ത​മ​ന ക​ല​യും ക​ട​ന്ന്​ ഇ​രു​ട്ടി​ലേ​ക്ക്​ നീ​ങ്ങു​ക​യാ​യി​രു​ന്നു. അ​പ്പോ​ൾ, ഹെ​യ്​​വാ​ഡ്​ സ്​​റ്റേ​ഡി​യ​ത്തി​ലെ ഫ്ല​ഡ്​​ലി​റ്റ്​ വെ​ള്ളി​വെ​ളി​ച്ച​ത്തി​നു കീ​ഴി​ൽ ഖ​ത്ത​റി​ന്‍റെ പൊ​ൻ താ​രം മു​അ​ത​സ്​ ബ​ർ​ഷിം ക്രോ​സ്ബാ​റി​ന്​ മു​ക​ളി​ൽ കു​തി​ച്ചു​യ​രു​ന്ന​ത്​ കാ​ണാ​ൻ അ​റേ​ബ്യ​ൻ പെ​നി​ൻ​സു​ല​യി​ലെ ഇ​ത്തി​രി​പ്പോ​ന്ന രാ​ജ്യം നേ​ര​ത്തെ ഉ​ണ​ർ​ന്ന്​ കാ​ത്തി​രു​ന്നു. ആ ​കാ​ത്തി​രി​പ്പു​ക​ൾ ഇ​ക്കു​റി​യും വെ​റു​തെ​യാ​യി​ല്ല.

നി​റ​ഗാ​ല​റി​യും, ഒ​പ്പം പോ​രാ​ടാ​ൻ എ​തി​രാ​ളി​ക​ളും, മു​ന്നി​ൽ ല​ക്ഷ്യം നി​ശ്ച​യി​ച്ചൊ​രു ക്രോ​സ്​​ബാ​റു​മു​ണ്ടെ​ങ്കി​ൽ വി​ഖ്യാ​ത​മാ​യ 'ഫോ​സ്​​ബ​റി ​േഫ്ലാ​പ്പ്​' ശൈ​ലി​യി​ൽ ഊ​ർ​ന്നി​റ​ങ്ങു​ന്ന​ത്​ പ​തി​വാ​ക്കി​യ ബ​ർ​ഷിം യൂ​ജി​നി​ലും ല​ക്ഷ്യം തൊ​ട്ടു. ആ​വേ​ശ​ക​ര​മാ​യ അ​ങ്ക​ത്തി​ൽ എ​തി​രാ​ളി​ക​ൾ​ക്കൊ​ന്നും ഇ​ടം ന​ൽ​കാ​തെ​യാ​യി​രു​ന്നു ബ​ർ​ഷി​മി​ന്‍റെ ഓ​രോ ചാ​ട്ട​ങ്ങ​ളും. ഒ​ടു​വി​ൽ എ​ല്ലാ​വ​രും പ​രാ​ജ​യ​പ്പെ​ട്ട ഉ​യ​ര​മാ​യ 2.37 മീ​റ്റ​ർ ചാ​ടി ഖ​ത്ത​റി​ന്‍റെ ചാ​മ്പ്യ​ൻ​താ​രം ലോ​ക​ചാ​മ്പ്യ​ൻ​ഷി​പ്പി​ൽ ത​ന്‍റെ മൂ​ന്നാം സ്വ​ർ​ണം സ്വ​ന്ത​മാ​ക്കി ച​രി​ത്ര​വും കു​റി​ച്ചു. ലോ​ക അ​ത്​​ല​റ്റി​ക്സി​ൽ തു​ട​ർ​ച്ച​യാ​യി മൂ​ന്ന്​ ഹൈ​ജം​പ്​ സ്വ​ർ​ണം നേ​ടു​ന്ന താ​ര​വു​മാ​യി.

ഒ​ളി​മ്പി​ക്സി​ലും ലോ​ക​ചാ​മ്പ്യ​ൻ​ഷി​പ്പി​ലും ഏ​ഷ്യ​ൻ ഗെ​യിം​സി​ലു​​മെ​ല്ലാം മാ​റി​മാ​റി ഉ​യ​ര​ങ്ങ​ളി​ലേ​ക്ക്​ പ​റ​ന്ന്​ വി​ജ​യ​ങ്ങ​ൾ ശീ​ല​മാ​ക്കി​യാ​ണ്​ ബ​ർ​ഷിം യൂ​ജി​നി​ലു​മെ​ത്തി​യ​ത്. നേ​ര​ത്തേ, 2017 ല​ണ്ട​നി​ലും, 2019ൽ ​ദോ​ഹ​യി​ലും പൊ​ന്ന​ണി​ഞ്ഞി​രു​ന്നു. 2013 മോ​സ്​​കോ ലോ​ക​ചാ​മ്പ്യ​ൻ​ഷി​പ്പി​ൽ വെ​ള്ളി​യും നേ​ടി. ക​ഴി​ഞ്ഞ ടോ​ക്യോ ഒ​ളി​മ്പി​ക്സി​ലെ സ്വ​ർ​ണ​ത്തി​ന്​ പു​റ​മെ, 2012 ല​ണ്ട​നി​ലും 2016 റി​യോ​യി​ലും വെ​ള്ളി​യും സ്വ​ന്ത​മാ​ക്കി ഹൈ​ജം​പി​ൽ ബ​ർ​ഷിം എ​തി​രാ​ളി​ക​ളി​ല്ലാ​ത്ത താ​ര​മാ​യി മാ​റി. ഏ​ഷ്യ​ൻ ഗെ​യിം​സ്, വേ​ൾ​ഡ്​ ഇ​ൻ​ഡോ​ർ, ഏ​ഷ്യ​ൻ ഇ​ൻ​ഡോ​ർ, പാ​ൻ അ​റ​ബ്​ തു​ട​ങ്ങി കൊ​യ്​​തെ​ടു​ത്ത സ്വ​ർ​ണ​ങ്ങ​ളു​ടെ എ​ണ്ണം നി​ര​വ​ധി​യാ​ണ്.

ദോ​ഹ​യി​ലെ ഒ​രു സു​ഡാ​നി കു​ടും​ബ​ത്തി​ൽ 1991 ജൂ​ൺ 24നാ​യി​രു​ന്നു ബ​ർ​ഷി​മി​ന്‍റെ ജ​ന​നം. അ​ഞ്ചു​ആ​ൺ​കു​ട്ടി​ക​ളും ഒ​രു പെ​ൺ​കു​ട്ടി​യു​മ​ട​ങ്ങു​ന്ന കു​ടും​ബ​ത്തി​ൽ നി​ന്നും ന​ല്ലൊ​രു അ​ത്​​ല​റ്റാ​യ പി​താ​വി​ന്റെ കൈ​പി​ടി​ച്ച്​ ട്രാ​ക്കി​ലി​റ​ങ്ങി​യ ബ​ർ​ഷിം പി​ന്നെ ഉ​യ​ര​ങ്ങ​ളു​മാ​യി കൂ​ട്ടാ​യി. ഓ​ട്ട​വും ലോ​ങ്​​ജം​പു​മാ​യി​രു​ന്നു ആ​ദ്യ ഇ​ന​ങ്ങ​ളെ​ങ്കി​ൽ 15ാം വ​യ​സ്സി​ൽ ഹൈ​ജം​പ്​ സീ​രി​യ​സാ​യി. ആ​സ്​​പെ​യ​ർ സ്​​പോ​ർ​ട്​​സ്​ അ​ക്കാ​ദ​മി​യി​ൽ ചേ​ർ​ന്ന​തോ​ടെ​യാ​ണ്​ വി​ജ​യ​ക​ഥ തു​ട​ങ്ങു​ന്ന​ത്. 2009ൽ ​ആ​സ്​​പെ​യ​റി​ലെ പ​രി​ശീ​ല​നം പൂ​ർ​ത്തി​യാ​ക്കി, അ​പ്പോ​ൾ മി​ക​ച്ച ഉ​യ​രം 2.14 മീ​റ്റ​ർ ആ​യി​രു​ന്നു. ഇ​തി​നി​ടെ​യാ​ണ്​ നി​ല​വി​ലെ കോ​ച്ച്​ ​സ്​​റ്റാ​നി​സ്ലാ​വി​നെ ക​ണ്ടു​മു​ട്ടു​ന്ന​ത്. പ​തി​റ്റാ​ണ്ടി​ലേ​റെ​യാ​യി പി​താ​വി​നെ​യും മ​ക​നെ​യും പോ​ലെ​യാ​ണ്​ പോ​ള​ണ്ടു​കാ​ര​നാ​യ സ്​​റ്റാ​നി​യും 31കാ​ര​നാ​യ ബ​ർ​ഷി​മും. 2009ൽ ​തു​ട​ങ്ങി​യ കൂ​ട്ട്​ ഇ​ന്നും തു​ട​രു​ന്നു.