Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightOther Gameschevron_rightBadmintonchevron_rightഫോബ്​സ്​ പട്ടികയിൽ...

ഫോബ്​സ്​ പട്ടികയിൽ ഇടം നേടാനായതിൽ സന്തോഷം, പക്ഷേ പി.വി. സിന്ധുവിൻെറ പ്രഥമ ലക്ഷ്യം മറ്റൊന്ന്​

text_fields
bookmark_border
ഫോബ്​സ്​ പട്ടികയിൽ ഇടം നേടാനായതിൽ സന്തോഷം, പക്ഷേ പി.വി. സിന്ധുവിൻെറ പ്രഥമ ലക്ഷ്യം മറ്റൊന്ന്​
cancel

ന്യൂഡൽഹി: പി.വി. സിന്ധുവിനെ സംബന്ധിച്ച്​ കരിയറിലെ ഏറ്റവും പ്രധാനപ്പെട്ട വർഷമായിരുന്നു 2019. ലോക ബാഡ്​മിൻറൺ ചാമ്പ്യൻഷിപ്പിൽ ജേതാവാകുന്ന ആദ്യ ഇന്ത്യൻ താരമായി മാറിയ സിന്ധു ലോകത്ത്​ ഏറ്റവും കൂടുതൽ പ്രതിഫലം വാങ്ങുന്ന വനിത കായിക താരങ്ങളുടെ പട്ടികയിലും ഇടം നേടിയിരുന്നു.

എന്നാൽ പണം കളിക്കളത്തിൽ മികവ്​ പ്രകടിപ്പിക്കാൻ പ്രേരിപ്പിക്കുന്നതാണെങ്കിലും മെഡലുകൾ നേടുന്നതിനാണ്​ താൻ പ്രഥമ പരിഗണന നൽകുന്നതെന്ന്​ ഹൈദരാബാദുകാരി പറഞ്ഞു. എന്നിരുന്നാലും ഫോബ്​സ്​ പട്ടികയിൽ ഇടം നേടാനായതിലെ ആഹ്ലാദവും അവർ മറച്ചു​​ വെച്ചില്ല.

2019ൽ ഏറ്റവും കൂടുതൽ പ്രതിഫലം വാങ്ങിയ വനിത താരങ്ങളുടെ പട്ടികയിൽ നിന്ധു 13ാം സ്​ഥാനത്താണ്​. 5.5 ദശലക്ഷം ഡോളർ സമ്പാദിച്ച സിന്ധു തന്നെയാണ്​ ഇന്ത്യയിൽ ഏറ്റവും മാർക്കറ്റുള്ള വനിത കായിക താരം. 2018ൽ ബി.ഡബ്ല്യു.എഫ്​ വേൾഡ്​ ടൂർ ഫൈനൽസിലും 2019ൽ ലോക ചാമ്പ്യൻഷിപ്പിലും കിരീടം ചൂടിയതാണ്​ സിന്ധുവിന്​ തുണയായത്​.

'എൻെറ പേര്​ ഫോബ്​സ്​ പട്ടികയിൽ കാണാനായതിൽ സന്തോഷമുണ്ട്​. കായിക രംഗത്തെ മറ്റ്​ സൂപ്പർ താരങ്ങളോടൊപ്പം പട്ടികയിൽ ഇടം കണ്ടെത്താനായത്​ എൻെറ ശ്രദ്ധ തെറ്റിക്കുന്നില്ല മറിച്ച്​ അത്​ മികച്ച പ്രചോദനമാണ്'- സിന്ധു പറഞ്ഞു​.

'ഷൂട്ടിങ്ങിന്​ പോകുന്നത്​ ഞാനേറെ ആസ്വദിക്കുന്നുണ്ട്​. ബാഡ്​മിൻറൺ അല്ലാതെ വ്യത്യസ്​ഥമാ​യത്​ ചെയ്യുന്നതായത്​ കൊണ്ട്​ അതെനിക്ക്​ ഇഷ്​ടമാണ്​' - സിന്ധു ഇന്ത്യ ടുഡേക്ക്​ നൽകിയ അഭിമുഖത്തിൽ പറഞ്ഞു.

പ്രൈസ്​മണി ഇനത്തിൽ അഞ്ചുലക്ഷം ഡോളറും പരസ്യ വരുമാനത്തിലൂടെ അഞ്ച്​ ദശലക്ഷം ഡോളറുമാണ്​ സിന്ധു നേടിയത്​. ബ്രിജ്​സ്​റ്റോൺ, ജെ.ബി.എൽ, ഗാറ്റോറേഡ്​, പനാസോണിക്​ എന്ന്​ തുടങ്ങി നിരവധി ബ്രാൻഡുകളുടെ മോഡലാണ്​ സിന്ധു.

പിതാവ്​ പി.വി. രാമണ്ണക്കൊപ്പമാണ്​ സിന്ധു അഭിമുഖത്തിൽ പ​ങ്കെടുത്തത്​. തൻെറ മകളെ​പ്പോലെ ഒരു അത്​ലറ്റ്​ എത്ര പണം സമ്പാദിക്കുന്നു എന്നതിലല്ല മറിച്ച്​ വലിയ കാര്യങ്ങൾ സാധിക്കുമ്പാൾ സ്വന്തം മൂല്യങ്ങളും വളർന്നുവന്ന സാഹചര്യവും മറക്കാതിരിക്കുന്നതുമാണ്​ മുഖ്യമെന്ന്​ അദ്ദേഹം പറഞ്ഞു. 1986 ഏഷ്യൻ ഗെയിംസിൽ വെങ്കലം നേടിയ ഇന്ത്യൻ വോളിബാൾ ടീമിൽ അംഗമായിരുന്നു രാമണ്ണ.

Show Full Article
TAGS:PV Sindhu badminton forbes pv ramanna 
Next Story