മധുമിത വിജയത്തിന്​ ഇരട്ടി മധുരം

ദു​ബൈ: അ​ന്താ​രാ​ഷ്ട്ര ബാ​ഡ്​​മി​ന്‍റ​ൺ ച​രി​ത്ര​ത്തി​ൽ​ യു.​എ.​ഇ​യു​ടെ ആ​ദ്യ ജ​യ​ത്തി​ലേ​ക്ക്​ സ്മാ​ഷു​തി​ർ​ത്ത്​ മ​ല​യാ​ളി താ​രം എ​സ്. മ​ധു​മി​ത. ലോ​ക ബാ​ഡ്​​മി​ന്‍റ​ണി​ൽ ആ​ദ്യ​മാ​യി യു.​എ.​ഇ നേ​ടി​യ വി​ജ​യം മ​ധു​മി​ത​യി​ലൂ​ടെ​യാ​യി​രു​ന്നു. ദു​ബൈ​യി​ൽ ന​ട​ക്കു​ന്ന ബാ​ഡ്​​മി​ന്‍റ​ൺ ഏ​ഷ്യ മി​ക്സ​ഡ്​ ടീം ​ചാ​മ്പ്യ​ൻ​ഷി​പ്പി​ൽ ക​സാ​ക്കി​സ്താ​ന്‍റെ കാ​മി​ല സ്മ​ഗു​ലോ​വ​യെ​യാ​ണ്​ ഈ 15​കാ​രി നേ​രി​ട്ടു​ള്ള സെ​റ്റു​ക​ൾ​ക്ക്​ പ​രാ​ജ​യ​പ്പെ​ടു​ത്തി​യ​ത്.

ആ​ദ്യ​ സെ​റ്റ്​ 21-17ന്​ ​പി​ടി​ച്ചെ​ടു​ത്ത മ​ധു​മി​ത അ​ടു​ത്ത സെ​റ്റി​ൽ കൂ​ടു​ത​ൽ മി​ക​വു​റ്റ പ്ര​ക​ട​ന​ത്തോ​ടെ 21-13ന്​ ​നേ​ടു​ക​യാ​യി​രു​ന്നു. ദു​ബൈ എ​ക്സ്​​ട്രാ അ​ക്കാ​ദ​മി താ​ര​മാ​ണ്​ മ​ധു​മി​ത. പാ​ല​ക്കാ​ട്​ സ്വ​ദേ​ശി ഗാ​യ​ത്രി​യു​ടെ​യും മ​ധു​ര​ സ്വ​ദേ​ശി സു​ന്ദ​ര പാ​ണ്ഡ്യ​ന്‍റെ​യും മ​ക​ളാ​യ മ​ധു​മി​ത ഇ​ന്ത്യ​ൻ എ​ക്സ​ല​ൻ​സ്​ പ്രൈ​വ​റ്റ്​ സ്കൂ​ളി​ലെ പ​ത്താം ത​രം വി​ദ്യാ​ർ​ഥി​യാ​ണ്. ഏ​ഴ്​ വ​ർ​ഷ​മാ​യി ബാ​ഡ്​​മി​ന്‍റ​ൺ പ​രി​ശീ​ലി​ക്കു​ന്നു.

അ​ടു​ത്ത​യാ​ഴ്ച തു​ട​ങ്ങു​ന്ന പ​ത്താം ത​രം പ​രീ​ക്ഷ​ക്ക് ശേ​ഷം അ​ന്താ​രാ​ഷ്ട്ര മ​ത്സ​ര​ങ്ങ​ളി​ലേ​ക്ക്​ കൂ​ടു​ത​ൽ ശ്ര​ദ്ധ ചെ​ലു​ത്തു​മെ​ന്ന്​ മ​ധു​മി​ത പ​റ​ഞ്ഞു. ടൂ​ർ​ണ​മെ​ന്‍റി​നാ​യി ത​യാ​റെ​ടു​പ്പു​ക​ൾ ന​ട​ത്തി​യി​രു​ന്നു. എ​ന്നാ​ൽ, ബോ​ർ​ഡ്​ പ​രീ​ക്ഷ​ക്കാ​യി ഒ​രു ത​യാ​റെ​ടു​പ്പും ന​ട​ത്തി​യി​ട്ടി​​ല്ല.

അ​തേ​സ​മ​യം, യു.​എ.​ഇ​യു​ടെ ര​ണ്ടാം ജ​യം എ​ത്തി​യ​ത്​ ഇ​ന്ത്യ​ൻ ഇ​ര​ട്ട സ​ഹോ​ദ​ര​ങ്ങ​ളി​ലൂ​ടെ​യാ​ണ്. ദേ​വ്​ അ​യ്യ​പ്പ​നും ധീ​ര​ൻ അ​യ്യ​പ്പ​നു​മാ​ണ്​ പു​രു​ഷ ഡ​ബി​ൾ​സി​ൽ ക​സാ​ഖ്​​സ്ഥാ​ന്‍റെ ദി​മി​ത്രി പ​നാ​റി​ൻ-​ഐ​ഷ സു​മാ​ബ​ക്​ കൂ​ട്ടു​കെ​ട്ടി​നെ തോ​ൽ​പി​ച്ച​ത്. സ്​​കോ​ർ 21-13, 29-27. വ​നി​ത ഡ​ബി​ൾ​സി​ൽ പ​രാ​ജ​യ​പ്പെ​ട്ടെ​ങ്കി​ലും മ​ല​യാ​ളി​യാ​യ ന​നോ​നി​ക രാ​ജേ​ഷി​ന്‍റെ ടീം ​മി​ക​ച്ച പോ​രാ​ട്ടം ന​ട​ത്തി.

സ​നി​ക ഗൗ​ര​വി​നൊ​പ്പം ക​ളി​ക്കാ​നി​റ​ങ്ങി​യ ന​നോ​നി​ക ദു​ബൈ എ​ക്സ്​​ട്രാ അ​ക്കാ​ദ​മി താ​ര​മാ​ണ്. ആ​വേ​ശം അ​ല​ത​ല്ലി​യ ഒ​രു ഗെ​യി​മി​ൽ 30-29നാ​ണ്​ ടീം ​പൊ​രു​തി വീ​ണ​ത്. യു.​എ.​ഇ ടീ​മി​ന്‍റെ മി​ക​ച്ച പ്ര​ക​ട​നം ആ​ശാ​വ​ഹ​മാ​ണെ​ന്നും മ​ധു​മി​ത അ​ട​ക്ക​മു​ള്ള താ​ര​ങ്ങ​ളു​ടെ വി​ജ​യം ച​രി​ത്ര​മാ​ണെ​ന്നും യു.​എ.​ഇ ബാ​ഡ്​​മി​ന്‍റ​ൺ ഫെ​ഡ​റേ​ഷ​ൻ ചീ​ഫ്​ നൂ​റ അ​ൽ ജാ​സ്മി പ​റ​ഞ്ഞു.