മലേഷ്യ ഓപൺ: ട്രീസ ജോളി- ഗായന്ത്രി സഖ്യത്തിന് തോൽവി

കോമൺവെൽത്ത് ഗെയിംസ് വെങ്കൽ മെഡൽ ജേതാക്കളായ ട്രീസ ജോളി- ഗായത്രി ഗോപിചന്ദ് സഖ്യത്തിന് മലേഷ്യ ഓപൺ വനിത ഡബ്ൾസിൽ തോൽവി. ലോക 16ാം റാങ്കുകാരായ ഇരുവരും രണ്ടു റാങ്ക് മുന്നിലുള്ള സ്റ്റീവ സഹോദരിമാർക്കു മുന്നിലാണ് 13-21, 21-15, 17-21 എന്ന സ്കോറിന് വീണത്.

2016, 2020 ഒളിമ്പിക്സുകളിൽ മത്സരിച്ചിരുന്ന സ്റ്റീവ സഹോദരിമാർ ആദ്യ ഗെയിമിൽ തുടക്കം മുതൽ മേധാവിത്വം കാട്ടിയപ്പോൾ അടുത്ത ഗെയിം പിടിച്ച് മലയാളി താരമടങ്ങുന്ന ഇന്ത്യൻ ജോഡി തിരിച്ചടിച്ചെങ്കിലും നിർണായകമായ അവസാന സെറ്റിൽ കളി കൈവിടുകയായിരുന്നു.