ബാഡ്​മിൻറൺ ലോക ചാമ്പ്യൻഷിപ്പിൽ ഇന്ത്യയുടെ ശ്രീകാന്തിന്​ വെള്ളി

വേ​ൽ​വ (സ്​​പെ​യി​ൻ): ബാ​ഡ്​​മി​ൻ​റ​ൺ ലോ​ക ചാ​മ്പ്യ​ൻ​ഷി​പ്പി​ൽ കി​ഡം​ബി ​ശ്രീ​കാ​ന്തി​െൻറ കി​രീ​ട​നേ​ട്ട​ത്തി​​നു മു​ന്നി​ൽ വ​ഴി​മു​ട​ക്കി സിം​ഗ​പ്പൂ​ർ താ​രം ലോ​ഹ്​ കീ​ൻ യൂ. ​​കൊ​ണ്ടും കൊ​ടു​ത്തും ക​ളി​യ​ഴ​ക്​ വ​ഴി​ഞ്ഞൊ​ഴു​കി​യ ആ​വേ​ശ​പ്പോ​രി​ൽ 15-21, 20-22നാ​ണ്​​ ലോ​ഹ്​ ഇ​ന്ത്യ​ൻ താ​ര​ത്തെ കീ​ഴ​ട​ക്കി​യ​ത്.

ആ​ദ്യ ക​ളി​യി​ൽ ലോ​ക ഒ​ന്നാം ന​മ്പ​ർ താ​രം വി​ക്​​ട​ർ അ​ക്​​സ​ൽ​സ​ണെ വീ​ഴ്​​ത്തി വ​ര​വ​റി​യി​ച്ച ലോ​ഹ്​ അ​തേ മി​ക​വ്​ ഉ​ട​നീ​ളം പ്ര​ക​ടി​പ്പി​ച്ചാ​ണ്​ ഫൈ​ന​ലി​ൽ ശ്രീ​കാ​ന്തു​മാ​യി മു​ഖാ​മു​ഖം വ​ന്ന​ത്. ടൂ​ർ​ണ​മെൻറി​ലെ ആ​ദ്യ ക​ളി​ക്കു ശേ​ഷം ഒ​രു സെ​റ്റു​പോ​ലും ന​ഷ്​​ട​​പ്പെ​ടു​ത്താ​ത്ത സിം​ഗ​പ്പൂ​ർ താ​ര​ത്തെ പ​ക്ഷേ, തു​ട​ക്ക​ത്തി​ൽ പി​ടി​ച്ച്​ ശ്രീ​കാ​ന്ത്​ ക​ലാ​ശ​പ്പോ​രി​​ന്​ മൂ​ർ​ച്ച കൂ​ട്ടി. ആ​ദ്യ സെ​റ്റി​ലെ ക​ന്നി പോ​യ​ൻ​റ്​ ലോ​ഹി​നാ​യി​രു​ന്നു​വെ​ങ്കി​ലും ഒ​രു ഘ​ട്ട​ത്തി​ൽ 9-3 വ​രെ​യെ​ത്തി ഇ​ന്ത്യ​ൻ താ​രം ഏ​റെ മു​ന്നി​ൽ​നി​ന്നു. പി​ന്നീ​ട​ങ്ങോ​ട്ട്​ ന​ഷ്​​ട​മാ​യ​തെ​ല്ലാം വാ​ശി​യോ​ടെ തി​രി​കെ പി​ടി​ച്ച്​ ലോ​ഹ്​ അ​തി​വേ​ഗം സെ​റ്റ്​ പി​ടി​ക്കു​ന്ന​താ​ണ്​ ക​ണ്ട​ത്. തു​ട​ക്ക​ത്തി​ലെ ലീ​ഡും ക​ളി​ത്തി​ക​വും വ​ഴി​യി​ൽ മ​റ​ന്ന ശ്രീ​കാ​ന്തി​നെ നി​ലം​തൊ​ടീ​ക്കാ​തെ​യാ​യി​രു​ന്നു ലോ​ഹി​െൻറ പ​ട​യോ​ട്ടം.

ശ്രീ​കാ​ന്ത്​ കൂ​ടു​ത​ൽ ക​രു​ത്തു​കാ​ട്ടി​യ ര​ണ്ടാം സെ​റ്റി​ൽ ആ​രും വ്യ​ക്ത​മാ​യ ലീ​ഡ്​ പു​ല​ർ​ത്താ​തെ ലീ​ഡ്​ മാ​റി​യും മ​റി​ഞ്ഞും നി​ന്നു. 9-9ന്​ ​ഒ​പ്പം നി​ന്ന ശേ​ഷം 11-9ന്​ ​പി​ടി​ച്ച ലോ​ഹി​നെ ക​ടി​ഞ്ഞാ​ണി​ട്ട്​ 20-20 വ​രെ കൂ​ടെ നി​ർ​ത്തി​യ ശ്രീ​കാ​ന്ത്​ നി​ർ​ണാ​യ​ക ഘ​ട്ട​ത്തി​ൽ ത​ള​ർ​ന്നു. അ​നാ​യാ​സ പോ​യ​ൻ​റു​ക​ളു​മാ​യി മു​ൻ ലോ​ക ഒ​ന്നാം ന​മ്പ​റി​നെ ക​ട​ന്ന്​ ലോ​ഹ്​ കി​രീ​ട​ത്തി​ലേ​ക്ക്.

ആ​ദ്യ​മാ​യാ​ണ്​ ഒ​രു സിം​ഗ​പ്പൂ​ർ താ​രം ലോ​ക ചാ​മ്പ്യ​നാ​കു​ന്ന​ത്. ഇ​ന്ത്യ​യി​ൽ​നി​ന്ന്​ ലോ​ക ചാ​മ്പ്യ​ൻ​ഷി​പ്പി​െൻറ പു​രു​ഷ വി​ഭാ​ഗ​ത്തി​ൽ ഫൈ​ന​ലി​ലെ​ത്തു​ന്ന ആ​ദ്യ താ​ര​മാ​യി ശ്രീ​കാ​ന്ത്. പ്ര​കാ​ശ്​ പ​ദു​കോ​ൺ, സാ​യ്​ പ്ര​ണീ​ത്​ എ​ന്നി​വ​ർ​ക്കു​ശേ​ഷം ല​ക്ഷ്യ സെ​ന്നി​ലൂ​ടെ വെ​ങ്ക​ലം നേ​ര​ത്തെ ഇ​ന്ത്യ​യി​ലെ​ത്തി​യി​രു​ന്നു. ഇ​ന്തോ​നേ​ഷ്യ​ൻ മാ​സ്​​റ്റേ​ഴ്​​സ്​ ഉ​ൾ​പ്പെ​ടെ സ​മീ​പ​കാ​ല ക​ളി​ക​ളി​ൽ ലോ​ഹ്​ പു​ല​ർ​ത്തി​യ മി​ക​വ്​ ഇ​വി​ടെ​യും തു​ട​രാ​നാ​യ​താ​ണ്​ ശ്രീ​കാ​ന്തി​നെ​തി​രെ തു​ണ​യാ​യ​ത്.

വനിതകളിൽ യമാഗുച്ചി

വേ​ൽ​വ (സ്​​പെ​യി​ൻ): ലോ​ക ബാ​ഡ്​​മി​ൻ​റ​ൺ ചാ​മ്പ്യ​ൻ​ഷി​പ്​ ​വ​നി​ത വി​ഭാ​ഗ​ത്തി​ൽ ജ​പ്പാ​െൻറ അ​കാ​നെ യ​മാ​ഗു​ച്ചി​ക്ക്​ കി​രീ​ടം. 39 മി​നി​റ്റ്​ മാ​ത്ര​മെ​ടു​ത്ത പോ​രാ​ട്ട​ത്തി​ൽ ലോ​ക ഒ​ന്നാം ന​മ്പ​റും ടോ​പ്​​സീ​ഡു​മാ​യ ചൈ​നീ​സ്​ താ​യ്​​പേ​യ്​ താ​രം താ​യ്​ സു ​യി​ങ്ങി​നെ നേ​രി​ട്ടു​ള്ള സെ​റ്റു​ക​ളി​ലാ​ണ്​ വീ​ഴ്​​ത്തി​യ​ത്.