സാത്വിക്- ചിരാഗ് സഖ്യം സ്വിസ് ഓപൺ സെമിയിൽ

ഡബ്ൾസിൽ ഇന്ത്യൻ സ്വപ്നങ്ങൾ ഏറെ ഉയരത്തിൽ നിർത്തി സാത്വിക് സായിരാജ് രങ്കിറെഡ്ഡി- ചിരാഗ് ഷെട്ടി സഖ്യം സ്വിസ് ഓപൻ സെമിയിൽ. ഡെന്മാർക് ജോഡികളായ ജെപ്പി ബേ- ലാസ് മോൽഹീഡ് എന്നിവരെയാണ് 54 മിനിറ്റ് നീണ്ട പോരാട്ടത്തിൽ 15-21, 21-11, 21-14ന് വീഴ്ത്തിയത്.

പി.വി സിന്ധു, ലക്ഷ്യ സെൻ അടക്കം പ്രമുഖരെല്ലാം മടങ്ങിയതോടെ അവശേഷിക്കുന്ന ഇന്ത്യൻ സാന്നിധ്യമാണ് ഇരുവരും. അഞ്ചാം സീഡായിരുന്ന എച്ച്.എസ് പ്രണോയ് രണ്ടാം റൗണ്ടിൽ മടങ്ങി. നേരത്തെ ഓൾ ഇംഗ്ലണ്ട് ഓപണിൽ ഇരുവരും നേരത്തെ മടങ്ങിയിരുന്നു.