സ്വിസ് ഓപൺ: സിന്ധു, പ്രണോയ് സെമിയിൽ

ബാസൽ: സ്വിസ് ഓപൺ ബാഡ്മിന്റൺ ടൂർണമെൻറിൽ ഇന്ത്യയുടെ പി.വി. സിന്ധുവും മലയാളി താരം എച്ച്.എസ്. പ്രണോയിയും സെമി ഫൈനലിൽ കടന്നു.

രണ്ടാം സീഡായ സിന്ധു അഞ്ചാം സീഡായ കാനഡയുടെ മിഷേൽ ലീയെ 21-10, 21-19നാണ് തോൽപിച്ചത്. സെമിയിൽ തായ്‍ലൻഡിന്റെ സീഡില്ലാതാരം സുപനിദ കാറ്റെതോങ്ങാണ് സിന്ധുവിന്റെ എതിരാളി. നാട്ടുകാരൻ പി. കശ്യപിനെ 21-16, 21-16നാണ് പ്രണോയ് തോൽപിച്ചത്. മൂന്നാം സീഡ് ഇന്തോനേഷ്യയുടെ സിനിസുക ജിന്റിങ്-ഇന്ത്യയുടെ സമീർ വർമ മത്സര വിജയികളാണ് സെമിയിൽ പ്രണോയിയുടെ എതിരാളി.