ലോക ബാഡ്മിന്റൺ റാങ്കിങ്; പത്തു കൊല്ലത്തിനുശേഷം 17ലേക്ക് താഴ്ന്ന് സിന്ധു

ന്യൂഡൽഹി: ലോക ബാഡ്മിന്റൺ റാങ്കിങ്ങിൽ ഇന്ത്യയുടെ ഒളിമ്പിക് മെഡൽ ജേത്രി പി.വി. സിന്ധു വീണ്ടും താഴോട്ട്. 12ാം റാങ്കിൽനിന്ന് 17ലേക്കാണ് വനിത സിംഗ്ൾസിൽ കൂപ്പുകുത്തിയത്.

പതിറ്റാണ്ടിനിടയിലെ ഏറ്റവും മോശം പ്രകടനം. 2013 ജനുവരിയിൽ 17ാം റാങ്കിലാ‍യിരുന്ന സിന്ധു പിന്നീട് മുന്നോട്ടുകയറി രണ്ടിൽ വരെ എത്തിയിരുന്നു. കോമൺവെൽത്ത് ഗെയിംസിനുശേഷം പരിക്ക് കാരണം കുറേനാൾ വിട്ടുനിന്ന സിന്ധു തിരിച്ചുവന്നെങ്കിലും സീസണിൽ കിരീടങ്ങളൊന്നുമില്ല.

പുരുഷ സിംഗ്ൾസിൽ മലയാളി താരം എച്ച്.എസ്. പ്രണോയ് പത്താം റാങ്കിലേക്ക് താഴ്ന്നു.