ഏഷ്യൻ യൂത്ത് അത്‌ലറ്റിക് ചാമ്പ്യൻഷിപ്പിന് ഇന്ന് കുവൈത്തിൽ തുടക്കം

കു​വൈ​ത്ത് സി​റ്റി: നാ​ലാ​മ​ത് ഏ​ഷ്യ​ൻ യൂ​ത്ത് അ​ത്‌​ല​റ്റി​ക് ചാ​മ്പ്യ​ൻ​ഷി​പ്പി​ന് വ്യാ​ഴാ​ഴ്ച കു​വൈ​ത്ത് കൈ​ഫാ​ൻ ഏ​രി​യ​യി​ലെ ട്രാ​ക്ക് ആ​ൻ​ഡ് ഫീ​ൽ​ഡ് സ്റ്റേ​ഡി​യ​ത്തി​ൽ തു​ട​ക്ക​മാ​കും. 33 ഏ​ഷ്യ​ൻ രാ​ജ്യ​ങ്ങ​ളി​ൽ​നി​ന്നു​ള്ള 400ഓ​ളം കാ​യി​ക​താ​ര​ങ്ങ​ൾ മ​ത്സ​ര​ങ്ങ​ളി​ൽ പ​​ങ്കെ​ടു​ക്കാ​ൻ കു​വൈ​ത്തി​ൽ എ​ത്തി​ച്ചേ​ർ​ന്നി​ട്ടു​ണ്ട്. നാ​ലു ദി​വ​സം നീ​ളു​ന്ന മ​ത്സ​ര​ങ്ങ​ൾ രാ​ജ്യ​ത്തെ കാ​യി​ക മേ​ഖ​ല​ക്കും ഉ​ണ​ർ​വ് ന​ൽ​കു​മെ​ന്ന് പ്ര​തീ​ക്ഷി​ക്ക​പ്പെ​ടു​ന്നു. കു​വൈ​ത്ത്, സൗ​ദി അ​റേ​ബ്യ, ഖ​ത്ത​ർ, ബ​ഹ്‌​റൈ​ൻ, ഒ​മാ​ൻ, സി​റി​യ, ല​ബ​നാ​ൻ, ജോ​ർ​ഡ​ൻ, ഫ​ല​സ്തീ​ൻ, യ​മ​ൻ, ഇ​റാ​ഖ്, ഇ​റാ​ൻ, ബം​ഗ്ലാ​ദേ​ശ്, പാ​കി​സ്താ​ൻ, ബ്രൂ​ണെ, ചൈ​നീ​സ് താ​യ്‌​പേ​യ്, ഹോ​ങ്കോ​ങ്, ഇ​ന്ത്യ, ഇ​ന്തോ​നേ​ഷ്യ, ക​സാ​ഖ്സ്താ​ൻ, ദ​ക്ഷി​ണ കൊ​റി​യ, കി​ർ​ഗി​സ്താ​ൻ, ലാ​വോ​സ്, താ​യ്‌​ല​ൻ​ഡ്, മ​ലേ​ഷ്യ, നേ​പ്പാ​ൾ, മാ​ല​ദ്വീ​പ്, ഫി​ലി​പ്പീ​ൻ​സ്, സിം​ഗ​പ്പൂ​ർ, താ​ജി​കി​സ്താ​ൻ, വി​യ​റ്റ്നാം, ഉ​സ്ബ​കി​സ്താ​ൻ തു​ട​ങ്ങി​യ രാ​ജ്യ​ങ്ങ​ൾ പ​​​ങ്കെ​ടു​ക്കും. 26 ഇ​ന​ങ്ങ​ളി​ലാ​യി 29 പു​രു​ഷ​ന്മാ​രും എ​ട്ടു വ​നി​ത​ക​ളും അ​ട​ങ്ങു​ന്ന 37 കാ​യി​ക​താ​ര​ങ്ങ​ൾ കു​വൈ​ത്തി​നെ പ്ര​തി​നി​ധാ​നം​ചെ​യ്ത് മ​ത്സ​ര​ത്തി​ൽ പ​ങ്കെ​ടു​ക്കും. ഇ​ന്റ​ർ​നാ​ഷ​ന​ൽ അ​സോ​സി​യേ​ഷ​ൻ നി​യോ​ഗി​ച്ച 30 ഒ​ഫീ​ഷ്യ​ലു​ക​ൾ മ​ത്സ​ര​ങ്ങ​ൾ നി​യ​ന്ത്രി​ക്കും. ചാ​മ്പ്യ​ൻ​ഷി​പ്പി​നാ​യി എ​ല്ലാ സ​ജ്ജീ​ക​ര​ണ​ങ്ങ​ളും ഒ​രു​ക്കി​യ​താ​യി കു​വൈ​ത്ത് അ​റി​യി​ച്ചു.

നേ​ട്ടം തു​ട​രാ​ൻ ഇ​ന്ത്യ; 35 താ​ര​ങ്ങ​ൾ മ​ത്സ​രി​ക്കും

കു​വൈ​ത്ത് സി​റ്റി: ഏ​ഷ്യ​ൻ യൂ​ത്ത് അ​ത്‌​ല​റ്റി​ക് ചാ​മ്പ്യ​ൻ​ഷി​പ്പി​ൽ 35 അം​ഗ ഇ​ന്ത്യ​ൻ അ​ത്‌​ല​റ്റി​ക്സ് ടീം ​മ​ത്സ​രി​ക്കും. അ​ണ്ട​ർ 18 ദേ​ശീ​യ റെ​ക്കോ​ഡ് ജേ​താ​ക്ക​ളാ​യ ജാ​വ​ലി​ൻ​ത്രോ താ​രം ദീ​പി​ക, പോ​ൾ​വാ​ൾ​ട്ട​ർ വ​ൻ​ഷി​ക ഗം​ഗാ​സ് എ​ന്നി​വ​ർ ടീ​മി​ലെ മി​ന്നും​താ​ര​ങ്ങ​ളാ​ണ്.

ക​ഴി​ഞ്ഞ മാ​സം ന​ട​ന്ന ദേ​ശീ​യ യൂ​ത്ത് അ​ത്‌​ല​റ്റി​ക്‌​സി​ൽ 51.84 മീ​റ്റ​ർ എ​റി​ഞ്ഞ് പു​തി​യ മീ​റ്റ് റെ​ക്കോ​ഡോ​ടെ ദീ​പി​ക സ്വ​ർ​ണം നേ​ടി​യി​രു​ന്നു. ദേ​ശീ​യ യൂ​ത്ത് ചാ​മ്പ്യ​ൻ​ഷി​പ്പി​ൽ ലോ​ങ്ജം​പി​ലും ഹെ​പ്റ്റാ​ത്‍ല​ണി​ലും സ്വ​ർ​ണം നേ​ടി​യ മു​ബ്‌​സി​ന മു​ഹ​മ്മ​ദും ഇ​ന്ത്യ​യു​ടെ പ്ര​തീ​ക്ഷ​യാ​ണ്. 2019ൽ ​ന​ട​ന്ന അ​വ​സാ​ന മേ​ള​യി​ൽ ചൈ​ന​ക്കു പി​ന്നി​ൽ ഇ​ന്ത്യ ര​ണ്ടാം സ്ഥാ​നം നേ​ടി​യി​രു​ന്നു. ഇ​ത്ത​വ​ണ​യും മി​ക​ച്ച പ്ര​ക​ട​നം ന​ട​ത്താ​നാ​കു​മെ​ന്നാ​ണ് ഇ​ന്ത്യ​യു​ടെ പ്ര​തീ​ക്ഷ.