ശാലിനി തുഴയെറിയും, ഇന്ത്യക്കുവേണ്ടി

മട്ടാഞ്ചേരി: ഏഷ്യൻ ഗെയിംസിൽ ഇന്ത്യക്കുവേണ്ടി തുഴയെറിയാൻ ടീമിൽ ഇടം പിടിച്ച സന്തോഷത്തിലാണ് മട്ടാഞ്ചേരി പൊലീസ് സ്റ്റേഷനിലെ വനിത സിവിൽ പൊലീസ് ഓഫിസർ കെ.വി. ശാലിനി. 2018ൽ പൊലീസ് സേനയുടേ വനിതാവിഭാഗത്തിൽ നെഹ്റു ട്രോഫി മത്സരത്തിൽ പങ്കെടുത്ത് രണ്ടാംസ്ഥാനം നേടിയിരുന്നു. 2019ൽ നെഹ്റു ട്രോഫി മത്സരത്തിൽ വനിതകളുടെ വിഭാഗത്തിൽ ഒന്നാം സ്ഥാനവും ശാലിനി അംഗമായ ടീം നേടി. ഏപ്രിലിൽ പുന്നമടയിൽ നടന്ന നാഷനൽ ഗെയിംസിൽ ശാലിനി അംഗമായ വനിതാ ടീം 1000, 200 മീറ്ററുകളിൽ രണ്ട് വെള്ളി മെഡൽ സ്വന്തമാക്കി. ഈ പ്രകടന മികവാണ് ചേർത്തല സ്വദേശിനിയായ ശാലിനിയെ ഇന്ത്യൻ ടീമിൽ എത്തിച്ചത്.