ഏ​ഷ്യ​ൻ അ​ത്‍ല​റ്റി​ക്സ് ചാ​മ്പ്യ​ൻ​ഷി​പ്; ക​ന​ക വെ​ള്ളി

ഗു​മി (ദ​ക്ഷി​ണ കൊ​റി​യ): ഏ​ഷ്യ​ൻ അ​ത്‍ല​റ്റി​ക്സ് ചാ​മ്പ്യ​ൻ​ഷി​പ്പി​ന്റെ നാ​ലാം നാ​ളും ഇ​ന്ത്യ​യു​ടെ സ്വ​ർ​ണ​വേ​ട്ട. വെ​ള്ളി​യാ​ഴ്ച മൂ​ന്ന് സ്വ​ർ​ണ​മാ​ണ് അ​ക്കൗ​ണ്ടി​ലെ​ത്തി​യ​ത്. പു​രു​ഷ​ന്മാ​രു​ടെ 5000 മീ​റ്റ​ർ ഓ​ട്ട​ത്തി​ൽ ഗു​ൽ​വീ​ർ സി​ങ്ങും വ​നി​ത ഹൈ​ജം​പി​ൽ പൂ​ജ സി​ങ്ങും ഹെ​പ്റ്റാ​ത്ത​ല​ണി​ൽ ന​ന്ദി​നി അ​ഗ​സാ​ര​യും ജേ​താ​ക്ക​ളാ​യി. വ​നി​ത 3000 മീ​റ്റ​ർ സ്റ്റീ​പ്പ്ൾ ചേ​സി​ൽ പാ​രു​ൾ ചൗ​ധ​രി ദേ​ശീ​യ റെ​ക്കോ​ഡോ​ടെ വെ​ള്ളി​യും ക​ര​സ്ഥ​മാ​ക്കി. ആ​ദ്യ ദി​നം 10,000 മീ​റ്റ​ർ ഓ​ട്ട​ത്തി​ലും ഗു​ൽ​വീ​ർ സ്വ​ർ​ണം നേ​ടി​യി​രു​ന്നു.

അ​തേ​സ​മ​യം, പു​രു​ഷ 4 x 100 മീ​റ്റ​ർ റി​ലേ ടീ​മി​നെ ബാ​റ്റ​ൺ കൈ​മാ​റ​ലി​ലെ പി​ഴ​വി​നെ​ത്തു​ട​ർ​ന്ന് പ്രാ​ഥ​മി​ക റൗ​ണ്ടി​ൽ അ​യോ​ഗ്യ​രാ​ക്കി. ചാ​മ്പ്യ​ൻ​ഷി​പ്പ് ശ​നി​യാ​ഴ്ച സ​മാ​പി​ക്ക​വെ എ​ട്ട് സ്വ​ർ​ണ​വും ഏ​ഴ് വെ​ള്ളി​യും മൂ​ന്ന് വെ​ങ്ക​ല​വു​മാ​യി 18 മെ​ഡ​ലു​ക​ളാ​ണ് ഇ​ന്ത്യ​യു​ടെ സ​മ്പാ​ദ്യം. ക​ഴി​ഞ്ഞ ത​വ​ണ ആ​റ് സ്വ​ർ​ണ​മ​ട​ക്കം 27 മെ​ഡ​ലു​ക​ളു​ണ്ടാ​യി​രു​ന്നു.

13 മി​നി​റ്റ് 24.77 സെ​ക്ക​ൻ​ഡി​ൽ ഫി​നി​ഷ് ചെ​യ്താ​ണ് 5000 മീ​റ്റ​റി​ൽ ഗു​ൽ​വീ​ർ ജേ​താ​വാ​യ​ത്. ഹൈ​ജം​പി​ൽ പൂ​ജ ഏ​റ്റ​വും മി​ക​ച്ച വ്യ​ക്തി​ഗ​ത പ്ര​ക​ട​ന​മാ​യ 1.89 മീ​റ്റ​ർ ചാ​ടി സ്വ​ർ​ണം പി​ടി​ച്ചെ​ടു​ത്തു. 5941 പോ​യ​ന്റ് നേ​ടി​യാ​ണ് ഹെ​പ്റ്റാ​ത്ത​ല​ണി​ൽ ന​ന്ദി​നി പൊ​ന്ന​ണി​ഞ്ഞ​ത്. 3000 മീ​റ്റ​ർ സ്റ്റീ​പ്പ്ൾ​ചേ​സി​ൽ ക​സാ​ഖ്സ്താ​ന്റെ നോ​റ ജെ​റൂ​ട്ടോ ത​നൂ​യി​ക്ക് പി​ന്നി​ൽ ഫി​നി​ഷ് ചെ​യ്ത പാ​രു​ൾ ഒ​മ്പ​ത് മി​നി​റ്റ് 12.46 സെ​ക്ക​ൻ​ഡി​ലാ​ണ് വെ​ള്ളി നേ​ടി​യ​ത്.

വ​നി​ത 400 മീ​റ്റ​ർ ഹ​ർ​ഡ്ൽ​സി​ൽ മ​ല‍യാ​ളി ആ​ർ. അ​നു​വും വി​ത്യ രാം​രാ​ജും ഫൈ​ന​ലി​ലെ​ത്തി​യി​ട്ടു​ണ്ട്. പു​രു​ഷ​ന്മാ​രു​ടെ 200 മീ​റ്റ​റി​ൽ അ​നി​മേ​ഷ് കു​ജൂ​റും വ​നി​ത​ക​ളി​ൽ ജ്യോ​തി യാ​രാ​ജി​യും നി​ത്യ ഗാ​ന്ധെ​യും മെ​ഡ​ൽ മ​ത്സ​ര​ത്തി​ന് ടി​ക്ക​റ്റെ​ടു​ത്തു. നി​ല​വി​ലെ ഒ​ളി​മ്പി​ക് ചാ​മ്പ്യ​ൻ പാ​കി​സ്താ​ന്റെ അ​ർ​ഷ​ദ് ന​ദീം മ​ത്സ​രി​ക്കു​ന്ന ജാ​വ​ലി​ൻ ത്രോ ​ഫൈ​ന​ലി​ൽ ഇ​ന്ത്യ​യു​ടെ പ്ര​തി​നി​ധി​ക​ളാ​യി സ​ച്ചി​ൻ യാ​ദ​വും യ​ശ് വീ​ർ സി​ങ്ങു​മു​ണ്ടാ​വും.