Begin typing your search above and press return to search.
exit_to_app
exit_to_app
tokyo olympics
cancel
Homechevron_rightSportschevron_rightഒളിമ്പിക്​സ്​...

ഒളിമ്പിക്​സ്​ റദ്ദാക്കുമോ? എന്തും സംഭവിക്കാമെന്ന സൂചനയുമായി ജപ്പാൻ ഭരണകക്ഷി നേതാവ്​

text_fields
bookmark_border

ടോകിയോ: കോവിഡിൽ കുരുങ്ങി ഒരു വർഷം നീണ്ട 2020​ലെ ടോകിയോ ഒളിമ്പിക്​സിന് തിരശ്ശീലയുയരാൻ​ ആഴ്​ചകൾ ബാക്കിനിൽക്കെ ലോകകായിക മാമാങ്കം റദ്ദാക്കുമെന്ന സൂചന നൽകി ജപ്പാൻ ഭരണകക്ഷി നേതാവ്​. സമൂഹ മാധ്യമങ്ങളെ സംശയമുനയിൽ നിർത്തി ലിബറൽ ഡെമോക്രാറ്റിക്​ പാർട്ടി സെക്രട്ടറി ജനറൽ തോഷിഹിരോ നികായ്​ ആണ്​ വെടി​െപാട്ടിച്ചത്​. ''ഒളിമ്പിക്​സിന്​ ആതിഥേയത്വം വഹിക്കൽ അസാധ്യമാണെന്ന്​ തോന്നുന്നു. ഇനി അത്​ സമ്പൂർണമായി അവസാനിപ്പിക്കുകയാകും പോംവഴി''- ടെലിവിഷൻ ചാനലിന്​ നൽകിയ അഭിമുഖത്തിൽ അദ്ദേഹം പറഞ്ഞു. ഒളിമ്പിക്​സ്​ കോവിഡ്​ വ്യാപനത്തിന്​ സഹായിക്കുമെങ്കിൽ പിന്നെ എന്തിന്​ അതു നടത്ത​ണമെന്നും അദ്ദേഹം ചോദിക്കുന്നു.

നാലാം തരംഗമായി ജപ്പാനിൽ കോവിഡ്​ അതിവേഗം പടരുന്നത്​ അടുത്തിടെ ഒളിമ്പിക്​സ്​ നിർത്തിവെക്കണമെന്ന ചർച്ചകൾക്കിടയാക്കിയിരുന്നു. കായിക മാമാങ്കം നടത്തുന്നതിലാണ്​ അടിയന്തര ശ്ര​ദ്ധയെന്നായിരുന്നു ദേശീയ ഒളിമ്പിക്​ കമ്മിറ്റി പ്രതികരണം.

ജപ്പാൻ പ്രധാനമന്ത്രി യോഷിഹിദെ സുഗയുടെ വിശ്വസ്​തനാണ്​​ തോഷിഹിരോ നികായ്​. അതിനാൽ, നികായിയുടെ വാക്കുകൾ നടക്കുമെന്ന്​ സമൂഹ മാധ്യമങ്ങൾ പറയുന്നു.

Show Full Article
TAGS:Olympics cancelled Japan 
News Summary - Are the Olympics cancelled? Japan official's comments sow doubts
Next Story