ദേ​ശീ​യ കാ​യി​ക നി​യ​മം ലംഘിച്ചു; അനിൽകുമാറിന് എ.ഐ.എഫ്.എഫ് സെക്രട്ടറി ജനറലാകാൻ കഴിയില്ലെന്ന് കേന്ദ്രം

ന്യൂ​ഡ​ൽ​ഹി: കേ​ര​ള​ത്തി​ൽ​നി​ന്നു​ള്ള പി. ​അ​നി​ൽ​കു​മാ​റി​ന് അ​ഖി​ലേ​ന്ത്യാ ഫു​ട്ബാ​ൾ ഫെ​ഡ​റേ​ഷ​ന്റെ (എ.​ഐ.​എ​ഫ്.​എ​ഫ്) എ​ക്സി​ക്യൂ​ട്ടി​വ് ക​മ്മി​റ്റി​യി​ലേ​ക്ക് തി​ര​ഞ്ഞെ​ടു​ക്ക​പ്പെ​ട്ട​തി​നു​ശേ​ഷം സെ​ക്ര​ട്ട​റി ജ​ന​റ​ലാ​കാ​ൻ അ​നു​വ​ദി​ക്കാ​നാ​വി​ല്ലെ​ന്ന് കേ​ന്ദ്ര കാ​യി​ക മ​ന്ത്രാ​ല​യം. ഡ​ൽ​ഹി ഫു​ട്ബാ​ൾ ക്ല​ബ് ഡ​യ​റ​ക്ട​ർ ര​ഞ്ജി​ത് ബ​ജാ​ജ് സ​മ​ർ​പ്പി​ച്ച ഹ​ര​ജി​യി​ൽ വാ​ദം കേ​ൾ​ക്കു​ന്ന​തി​നി​ടെ ഡ​ൽ​ഹി ഹൈ​കോ​ട​തി​യെ​യാ​ണ് കാ​യി​ക​മ​ന്ത്രാ​ല​യം ഇ​ക്കാ​ര്യം അ​റി​യി​ച്ച​ത്. ഹൈ​കോ​ട​തി സിം​ഗി​ൾ ബെ​ഞ്ച് ഉ​ത്ത​ര​വ് പ്ര​കാ​രം ഈ ​മാ​സം എ​ട്ടു​വ​രെ അ​നി​ൽ കു​മാ​റി​ന്റെ സെ​ക്ര​ട്ട​റി ജ​ന​റ​ൽ സ്ഥാ​നം സിം​ഗി​ൾ ബെ​ഞ്ച് സ്റ്റേ ​ചെ​യ്തി​രു​ന്നു. ദേ​ശീ​യ കാ​യി​ക നി​യ​മ​ത്തി​ൽ ന​ൽ​കി​യി​ട്ടു​ള്ള പ്രാ​യ, കാ​ലാ​വ​ധി നി​യ​ന്ത്ര​ണ​ങ്ങ​ൾ മ​റി​ക​ട​ക്കു​ന്ന​ത് ത​ട​യാ​ൻ ശ്ര​മി​ച്ച 2022ലെ ​മ​ന്ത്രാ​ല​യ നി​ർ​ദേ​ശം ലം​ഘി​ച്ചു​വെ​ന്നാ​രോ​പി​ച്ച് സ​മ​ർ​പ്പി​ച്ച ഹ​ര​ജി​യി​ലാ​യി​രു​ന്നു ന​ട​പ​ടി. ​

കാ​യി​ക മ​ന്ത്രാ​ല​യ​ത്തി​ന്റെ സ​ർ​ക്കു​ല​റി​ന്റെ ഉ​ദ്ദേ​ശ്യം പ്രാ​യ​ത്തി​ന്റെ​യും കാ​ലാ​വ​ധി​യു​ടെ​യും നി​യ​ന്ത്ര​ണ​ങ്ങ​ൾ മ​റി​ക​ട​ക്കു​ന്ന​ത് ത​ട​യു​ക മാ​ത്ര​മ​ല്ലെ​ന്ന് ഉ​ത്ത​ര​വി​ൽ ജ​സ്റ്റി​സ് സ​ച്ചി​ൻ ദ​ത്ത പ​റ​ഞ്ഞി​രു​ന്നു. നാ​ഷ​ന​ൽ സ്പോ​ർ​ട്സ് ഫെ​ഡ​റേ​ഷ​നി​ൽ തി​ര​ഞ്ഞെ​ടു​ക്ക​പ്പെ​ട്ട സ്ഥാ​നം വ​ഹി​ച്ച​യാ​ൾ​ക്ക് ശ​മ്പ​ള ത​സ്തി​ക ന​ൽ​കു​ന്ന​തി​ൽ വി​രു​ദ്ധ താ​ൽ​പ​ര്യ​മൊ​ഴി​വാ​ക്ക​ണ​മെ​ന്നും കോ​ട​തി അ​ഭി​പ്രാ​യ​പ്പെ​ട്ടി​രു​ന്നു. 2024 ജൂ​ലൈ​യി​ലാ​ണ് അ​നി​ൽ കു​മാ​ർ എ.​ഐ.​എ​ഫ്.​എ​ഫ് സെ​ക്ര​ട്ട​റി ജ​ന​റ​ലാ​കു​ന്ന​ത്. 2022 സെ​പ്റ്റം​ബ​റി​ൽ ന​ട​ന്ന എ.​ഐ.​എ​ഫ്.​എ​ഫ് തി​ര​ഞ്ഞെ​ടു​പ്പി​ൽ അ​ദ്ദേ​ഹം എ​ക്സി​ക്യൂ​ട്ടി​വ് ക​മ്മി​റ്റി അം​ഗ​മാ​യി തി​ര​ഞ്ഞെ​ടു​ക്ക​പ്പെ​ട്ടി​രു​ന്നു.