You are here

പരാജിതരായി ഇന്ത്യൻ ടീം

15:50 PM
14/08/2018

മുരളി വിജയ്​: 0/10 (വളരെ മോശം)
സ്​കോർ: 0,0
രണ്ട്​ ഇന്നിങ്​സിലും ഇന്ത്യക്ക്​ ആദ്യം നഷ്​ടമായ വിക്കറ്റ്​. ആൻഡേഴ്​സ​​െൻറ പന്തുകൾക്കു മുന്നിൽ പേടിയോ​െട ബാറ്റ്​ ചെയ്​ത വിജയ്​ തീർത്തും പരാജയമായി. 

കെ.എൽ. രാഹുൽ: 1/10 (വളരെ മോശം)
സ്​കോർ: 8, 10
ഇൗ പരമ്പരയിലൂടെ ​രാഹുൽ ഏത്​ ​േഫാർമാറ്റിലും ഉപയോഗിക്കാവുന്ന ബാറ്റ്​സ്​മാൻ എന്ന്​ തെളിയിക്കുമെന്നായിരുന്നു പ്രതീക്ഷ. ധവാനു പകരം ഒാപണറായിറങ്ങിയ രാഹുൽ രണ്ട്​ ഇന്നിങ്​സിലും ആൻഡേഴ്​സനു മുന്നിൽ കീഴടങ്ങി. പ്രതിഭയുള്ള താരം ഇംഗ്ലീഷ്​ സീമർമാർക്കുമുന്നിൽ പ്ലാനില്ലാത്ത ഒാപണറായിമാറി. 

ചേതേശ്വർ പുജാര: 3/10 (മോശം)
സ്​കോർ: 1, 17
പ്രതീക്ഷയോടെയാണ്​ പുജാരയെ രണ്ടാം ടെസ്​റ്റിൽ ഉൾപ്പെടുത്തിയത്​. പക്ഷേ, ഒന്നാം ഇന്നിങ്​സിൽ ദൗർഭാഗ്യകരമായ റൗൺഒൗട്ട്​. രണ്ടാം ഇന്നിങ്​സിൽ 87 പന്ത്​ നേരി​ട്ട്​ പൊരുതാൻ ശ്രമിച്ചെങ്കിലും വിക്കറ്റ്​ സൂക്ഷിക്കാനായില്ല. വരാനിരിക്കുന്ന ടെസ്​റ്റിൽ ഇന്ത്യയുടെ ഭാവി പുജാരയുടെ ബാറ്റിൽ തന്നെയാണ്​. 

വിരാട്​ കോഹ്​ലി: 3/10 (മോശം)
സ്​കോർ: 23, 17
ഒന്നാം ടെസ്​റ്റിൽ കോഹ്​ലി മാത്രമായിരുന്നു ഇന്ത്യ. ലോഡ്​സിൽ അദ്ദേഹവും നിരായുധനായി. ആൻഡേഴ്​സനെ കരുതലോടെ കൈകാര്യം ചെയ്​ത കോഹ്​ലി, വോക്​സി​​െൻറ പന്തിലാണ്​ ആദ്യം പുറത്തായത്​. അടുത്ത ഇന്നിങ്​സിൽ പിന്നോട്ടിറങ്ങിയ ബാറ്റ്​ ചെയ്​തെങ്കിലും ഇംഗ്ലീഷ്​ ഫീൽഡിങ്​ സ്​കിൽ തിരിച്ചടിയായി. നായക​െനന്ന നിലയിലും കോഹ്​ലിയുടെ തീരുമാനങ്ങൾ ചോദ്യംചെയ്യപ്പെട്ടു. 

അജിൻക്യ രഹാനെ: 2/10 (മോശം)
സ്​കോർ: 18,13
ഉപനായക​​െൻറ ഉത്തരവാദിത്തമില്ലാതെയായിരുന്നു രഹാനെയുടെ പ്രകടനം. നാലുവർഷം ​മുമ്പ്​ ഇതേ മൈതാനിയിൽ സെഞ്ച്വറി നേടിയ രഹാനെയിൽനിന്ന്​ മറ്റൊരു മികച്ച ഇന്നിങ്​സ്​ പ്രതീക്ഷിച്ചെങ്കിലും പരാജയമായി. രണ്ടുതവണയും പുറത്തായത്​ സ്ലിപ്പിൽ പിടികൊടുത്ത്​. വിദേശമണ്ണിലെ വിശ്വസ്​തനിൽനിന്ന്​ ഇന്ത്യ കൂടുതൽ പ്രതീക്ഷിക്കുന്നു.

ദിനേശ്​​ കാർത്തിക്​: 2/10 (മോശം)
സ്​കോർ: 1, 0
വൃദ്ധിമാൻ സാഹക്ക്​ പകരക്കാരനാവാൻ കാർത്തിക്കിന്​ കഴിഞ്ഞില്ല. ഒന്നാം ടെസ്​റ്റിൽ പുജ്യത്തിൽ മടങ്ങിയ താരം ലോഡ്​സിലും നിരാശയായി. എന്നാൽ, വിക്കറ്റിനുപിന്നിൽ ബെയർസ്​റ്റോയെ പറന്നെടുത്ത ക്യാച്ചിൽ പുറത്താക്കിയതും കുക്കിനെ മടക്കിയതും ആശ്വാസം. ഋഷഭ്​ പന്ത്​ അവസരം കാത്തിരിക്കു​േമ്പാഴാണ്​ കാർത്തിക്​ നിറംമങ്ങുന്നത്​. 

ഹാർദിക്​ പാണ്ഡ്യ: 5/10 (ശരാശരി)
സ്​കോർ: 11, 26 വിക്കറ്റ്​: 3
പാണ്ഡ്യ കപിൽദേവല്ല. പക്ഷേ, സഹതാരങ്ങളേക്കാൾ മെച്ചമാണ്​. ബാറ്റിലും ബൗളിലും പാണ്ഡ്യ ശരാശരി പ്രകടനം കാഴ്​ചവെച്ചു. ടീമിലെ മൂന്നാം സ്​പിന്നർ എന്ന നിലയിൽ നന്നായി കളിച്ചുവെന്നു പറയാം. രണ്ടാം ഇന്നിങ്​സിൽ അശ്വിനൊപ്പം നിർണായക ഇന്നിങ്​സിൽ പങ്കാളിയായി. 

ആർ. അശ്വിൻ: 5/10 (ശരാശരി)
സ്​കോർ: 29, 33*
പ്രധാന സ്​പിന്നർ എന്ന നിലയിൽ ബൗളിങ്ങിൽ കാര്യമായ സംഭാവന ചെയ്യാനായില്ലെങ്കിലും ബാറ്റിങ്ങിൽ അശ്വിൻ തിളങ്ങി. രണ്ട്​ ഇന്നിങ്​സിലെയും ഇന്ത്യയുടെ ടോപ്​സ്​കോററായിരുന്നു. ബാക്​ഫൂട്ടിൽ നിലയുറപ്പിച്ച ഷോട്ടുകളുമായി ഇംഗ്ലീഷ്​ ബൗളിങ്ങിനെ നേരിടാൻ അശ്വിന്​ മാത്രമേ ചങ്കൂറ്റമുണ്ടായുള്ളൂ. 

കുൽദീപ്​ യാദവ്​: 1/10 (വളരെ മോശം)
സ്​കോർ: 0, 0
ബാറ്റിലും ബൗളിലും കുൽദീപ്​ പൂജ്യം. താരത്തി​​െൻറ ചൈനാമെൻ ആയുധംപോലും നിർവീര്യമായി. 9 ഒാവറിൽ വഴങ്ങിയത്​ 44റൺസ്​. ഇംഗ്ലീഷ്​ ബാറ്റ്​സ്​മാൻമാർ ഭയന്നത്ര വില്ലനല്ല കുൽദീപെന്ന്​ ലോഡ്​സ്​ തെളിയിച്ചു.

ഇശാന്ത്​ ശർമ: 3/10 (മോശം)
സ്​കോർ: 0, 2, വിക്കറ്റ്​: 1
ബൗളിങ്ങിലായിരുന്നു ഇശാന്തിൽ പ്രതീക്ഷ. പക്ഷേ, 22ഒാവറിൽ 101 റൺസ്​ വഴങ്ങി നേടിയത്​ ഒരുവിക്കറ്റ്​ മാത്രം. ​മൂന്നാം ദിനത്തിലെ പിച്ച്​ ഇശാന്തിനെ തുണക്കുന്ന രീതിയിലായിരുന്നില്ല. വരാനിരിക്കുന്ന മത്സരങ്ങളിൽ സീനിയർ ബാറ്റ്​സ്​മാനിൽനിന്ന്​ ഇന്ത്യ കൂടുതൽ പ്രതീക്ഷിക്കുന്നു.

മുഹമ്മദ്​ ഷമി: 5/10 (ശരാശരി)
സ്​കോർ: 10*, 0, വിക്കറ്റ്​: 3
ടൂർണമ​െൻറിൽ ഇന്ത്യയുടെ മികച്ച ബൗളർ ഷമിയാണെന്നതിൽ സംശയമില്ല. 23 ഒാവറിൽ 96 റൺസ്​ വഴങ്ങിയ താരം വിലപ്പെട്ട മൂന്ന്​ വിക്കറ്റ്​ വീഴ്​ത്തി ഇംഗ്ലണ്ടിനെ വിറപ്പിച്ചിരുന്നു. പരമ്പരയിലുടനീളവും ഇന്ത്യ പ്രതീക്ഷിക്കുന്നത്​ ഷമിയുടെ സ്​ഥിരതയാർന്ന പ്രകടനം.

റേറ്റിങ്​ കാർഡ്​: 0-1 വളരെ മോശം, 2-4 മോശം, 5-6 ശരാശരി, 7 ഗുഡ്​, 8-9 വെരിഗുഡ്​, 10-എക്​സലൻറ്​.


 

Loading...
COMMENTS