Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightSports Specialchevron_rightടെസ്റ്റിൽ ടീം ഇന്ത്യ...

ടെസ്റ്റിൽ ടീം ഇന്ത്യ അ​േമ്പ പരാജയം; കാരണം വ്യക്​തമാക്കി പുജാര

text_fields
bookmark_border
ടെസ്റ്റിൽ ടീം ഇന്ത്യ അ​േമ്പ പരാജയം; കാരണം വ്യക്​തമാക്കി പുജാര
cancel

മുമ്പ്​ ടെസ്​റ്റ്​ ക്രിക്കറ്റ്​ നടക്കുന്നത്​ വിദേശത്തായാലും സ്വദേശത്തായാലും വി.വി.എസ്​ ലക്ഷ്​മണും രാഹുൽ ദ് രാവിഡുമുണ്ടെങ്കിൽ ടീം ഇന്ത്യയും കോടിക്കണക്കിന്​ ആരാധകരും ഹാപ്പിയാണ്​. എന്നാൽ, ഇന്ന് വിരാട്​ കോഹ്​ലിയുടെ നീ ലപ്പട ‘യഥാർഥ ക്രിക്കറ്റെന്ന്’പറയപ്പെടുന്ന​ ടെസ്​റ്റ് ക്രിക്കറ്റിൽ അ​േമ്പ പരാജയമാണ്​. പ്രത്യേകിച്ച്​ വിദേശ മത്സരങ്ങളിൽ. ടീം ടെസ്റ്റ്​ മത്സരങ്ങളോട്​ കാണിക്കുന്ന വിമുഖതയാണ്​ അതിന്​ കാരണമെന്ന്​ സാക്ഷ്യപ്പെടുത്തുന്നത്​ മറ്റാരുമല്ല, ടെസ്​റ്റ്​ ക്രിക്കറ്റ്​ സ്​പെഷ്യലിസ്റ്റ്​ ചേതേശ്വർ പുജാര തന്നെ.

സമീപകാലത്തെ ഇന്ത്യയുടെ ഓവർസീസ്​ ടെസ്റ്റ്​ മത്സരങ്ങൾ പരിശോധിച്ചാൽ താരങ്ങളുടെ പ്രകടനവും ടീമിൻെറ സ്ഥിരതയും എത്രത്തോളം ദുർബലമാണെന്ന്​ മനസിലാവും. ഇംഗ്ലണ്ടിലും ദക്ഷിണാഫ്രിക്കയിലും ന്യൂസിലൻഡിലും ടെസ്​റ്റ്​ പരമ്പരകൾ അടിയറവ്​ വെച്ചതിൻെറ കാരണമായി പുജാര പറയുന്നത്​ ഇതാണ്​.

ബാറ്റ്സ്മാന്മാരുടെ ഷോട്ട് സെലക്ഷനിലെ‌ പാളിച്ചകളും അതോടൊപ്പം, ടെസ്റ്റ് ക്രിക്കറ്റിന് താരങ്ങൾ മറ്റ്​ ഫോർമാറ്റുകളേക്കാൾ കുറവ്​ പ്രാധാന്യം കൊടുക്കുന്നതുമാണ്​ പ്രധാന കാരണങ്ങളായി പുജാര ചൂണ്ടിക്കാട്ടുന്നത്​.

team-india-test-squad.jpg

കുറഞ്ഞ ഓവർ മത്സരങ്ങൾക്കാണ്​ ഇപ്പോൾ അമിത പ്രാധാന്യം. അതോടെ ടെസ്റ്റിൽ കളിപ്പിക്കാവുന്ന താരങ്ങളുടെ എണ്ണത്തിൽ കുറവ് വന്നു. ടെസ്റ്റ് പരമ്പരകൾക്ക് മുമ്പ്​ വളരെ പ്രാധാന്യം ലഭിച്ചിരുന്നു. പരമ്പരകൾക്ക് മുന്നോടിയായി താരങ്ങൾക്ക് ആവശ്യമായ വിശ്രമവും നൽകിയിരുന്നു. ഇപ്പോൾ സ്ഥിതി മാറി, സീസണുകളിൽ ഒത്തിരി പരിക്കുകൾ നമുക്ക്​ കാണാനാവുക. 10 വർഷങ്ങൾക്ക് മുമ്പ്​ ഇന്ത്യൻ ടീമിൽ ടെസ്റ്റിൽ കളിപ്പിക്കാൻ കഴിയുന്ന 30 മുതൽ 50 വരെ താരങ്ങളാണുണ്ടായിരുന്നത്​. എന്നാൽ, ഇപ്പോൾ ഇന്ത്യ, ആസ്ട്രേലിയ, ഇംഗ്ലണ്ട് എന്നീ ടീമുകളിൽ 25ഓളം താരങ്ങൾ മാത്രമാണ് ദേശീയ ടീമിൽ കളിക്കാനുള്ള പൂളിലുള്ളതെന്നും പുജാര പറഞ്ഞു.

താരങ്ങൾ കളിക്കാൻ ലഭ്യമല്ലെന്നല്ല, മറിച്ച് അവർ ടെസ്റ്റ് കളിക്കാൻ തയാറാണോ എന്നതാണ് ചോദ്യം. രണ്ട്​ വർഷത്തിനിടയിൽ ഇംഗ്ലണ്ട്, ദക്ഷിണാഫ്രിക്ക, ന്യൂസിലൻഡ് എന്നിവിടങ്ങളിൽ നടന്ന ടെസ്റ്റ് പരമ്പരകളിൽ ഇന്ത്യ പരാജയപ്പെട്ടു. ന്യൂസിലൻഡിൽ ബാറ്റ്സ്മാന്മാരുടെ ഷോട്ട് സെലക്ഷനുകൾ കുറച്ച് കൂടി മെച്ചപ്പെടേണ്ടതായിരുന്നുവെന്നും പുജാര കൂട്ടിച്ചേർത്തു. ടെസ്റ്റ് ക്രിക്കറ്റിൽ ഇന്ത്യയുടെ ഏറ്റവും വിശ്വസ്തനായ താരമാണ്​ പുജാര. ടെസ്റ്റിൽ ഇന്ത്യയുടെ‌ പല വമ്പൻ വിജയങ്ങളിലും പുജാര വഹിച്ച പങ്ക്​ ചെറുതല്ല.

Show Full Article
TAGS:Cheteshwar Pujara test series team india 
Web Title - Cheteshwar Pujara On Why Teams Fail In Overseas Test-sports news
Next Story