യോഗ്യതക്കരികിൽ വീണ ഖത്തറിന്റെ ഓർമയിൽ ആദിൽ ഖമീസ്​

ദോ​ഹ: ഫി​ഫ ലോ​ക​ക​പ്പ് ഫു​ട്ബാ​ളി​ൽ ഒ​രി​ക്ക​ലെ​ങ്കി​ലും ബൂ​ട്ട​ണി​യു​ക​യെ​ന്ന​ത് ഓ​രോ ക​ളി​ക്കാ​ര​ന്റെ​യും ചി​ര​കാ​ലാ​ഭി​ലാ​ഷ​മാ​യി​രി​ക്കും. എ​ന്നാ​ൽ, ചി​ല​ർ​ക്ക് മാ​ത്ര​മേ അ​ത് നി​റ​വേ​റ്റാ​നു​ള്ള ഭാ​ഗ്യം സി​ദ്ധി​ക്കു​ക​യു​ള്ളൂ. മ​റ്റു ചി​ല​ർ​ക്ക​ത് ഒ​രി​ക്ക​ലും നേ​ടാ​ൻ ക​ഴി​ഞ്ഞെ​ന്നു വ​രി​ല്ല. അ​തേ​സ​മ​യം ചി​ല​രു​ണ്ട്, യോ​ഗ്യ​ത​ക്ക് തൊ​ട്ട​രി​കി​ലെ​ത്തി സ്വ​പ്ന​ഭാ​ര​ങ്ങ​ളെ ഇ​റ​ക്കി​വെ​ക്കേ​ണ്ടി വ​ന്ന​വ​ർ. ഖ​ത്ത​ർ ദേ​ശീ​യ ടീ​മി​ന്റെ മു​ൻ മ​ധ്യ​നി​ര താ​ര​മാ​യി​രു​ന്ന ആ​ദി​ൽ ഖ​മീ​സ്​ അ​വ​രി​ലൊ​രാ​ളാ​ണ്. ത​ന്റെ ക​രി​യ​റി​ൽ ര​ണ്ടു ത​വ​ണ​യാ​ണ് ലോ​ക​ക​പ്പി​ന്റെ പ​ടി​വാ​തി​ൽ​ക്ക​ലെ​ത്തി പി​ൻ​വാ​ങ്ങേ​ണ്ടി വ​ന്ന​ത്. 1990ലും 1998​ലും. 1990ൽ ​ഇ​റ്റ​ലി​യി​ലേ​ക്കു​ള്ള ലോ​ക​ക​പ്പ് ഒ​രു പോ​യ​ൻ​റ് വ്യ​ത്യാ​സ​ത്തി​നാ​ണ് ഖ​ത്ത​റി​ന് ന​ഷ്​​ട​മാ​യ​തെ​ങ്കി​ൽ 1998ൽ ​യോ​ഗ്യ​ത റൗ​ണ്ടി​ൽ സൗ​ദി അ​റേ​ബ്യ​യു​മാ​യി ജ​യി​ക്കേ​ണ്ട മ​ത്സ​രം പ​രാ​ജ​യ​പ്പെ​ട്ടാ​ണ് ഖ​ത്ത​ർ പു​റ​ത്താ​യ​ത്.

ഫ്രാ​ൻ​സി​ലേ​ക്കു​ള്ള യാ​ത്ര വ​ള​രെ ദു​ഷ്ക​ര​മാ​യി​രു​ന്നു. അ​വ​സാ​ന നി​മി​ഷ​ത്തി​ൽ പ്ര​തീ​ക്ഷ​ക​ളു​ണ്ടാ​യി​രു​ന്നെ​ങ്കി​ലും അ​ത് സം​ഭ​വി​ച്ചി​ല്ല. ആ ​ദി​വ​സം ഞ​ങ്ങ​ളെ​ല്ലാ​വ​രും ക​ര​യു​ക​യാ​യി​രു​ന്നു -ആ​ദി​ൽ ഖ​മീ​സ്​ ഓ​ർ​ക്കു​ന്നു.

'1998 ലോ​ക​ക​പ്പി​നു​ള്ള യോ​ഗ്യ​ത റൗ​ണ്ടി​ലെ അ​വ​സാ​ന മ​ത്സ​രം എ​നി​ക്ക് ന​ഷ്​​ട​മാ​യി. മു​ൻ റൗ​ണ്ടു​ക​ളി​ൽ ര​ണ്ട് മ​ഞ്ഞ കാ​ർ​ഡു​ക​ൾ ല​ഭി​ച്ച​തി​നാ​ൽ സ​സ്​​പെ​ൻ​ഷ​നി​ലാ​വു​ക​യാ​യി​രു​ന്നു. 61ാം മി​നി​റ്റി​ൽ ഞ​ങ്ങ​ളു​ടെ ഹൃ​ദ​യം പി​ള​ർ​ത്തി സൗ​ദി​യു​ടെ ഇ​ബ്റാ​ഹിം അ​ൽ ഷ​ഹ്റാ​നി ഗോ​ൾ നേ​ടി. ഞാ​നും സ​ഹ​താ​ര​ങ്ങ​ളും മാ​ത്ര​മ​ല്ല, ഖ​ത്ത​ർ എ​ന്ന രാ​ജ്യം ഒ​ന്ന​ട​ങ്കം ആ ​പ​രാ​ജ​യ​ത്തി​ൽ വി​തു​മ്പി' -ആ​ദി​ൽ ഖ​മീ​സ്​ മ​ന​സ്സ് തു​റ​ന്നു.

തോ​ൽ​വി​യെ തു​ട​ർ​ന്ന് ഞാ​ൻ അ​ന്താ​രാ​ഷ്ട്ര ഫു​ട്ബാ​ളി​ൽ​നി​ന്ന് വി​ര​മി​ക്കാ​ൻ തീ​രു​മാ​നി​ച്ചു. എ​ന്നാ​ൽ, ഈ ​പി​ഴ​വു​ക​ൾ രാ​ജ്യ​ത്തി​ന്റെ നി​ശ്ച​യ​ദാ​ർ​ഢ്യ​ത്തെ ശ​ക്തി​പ്പെ​ടു​ത്തു​ക​യും പി​ന്നീ​ട് ഉ​യി​ർ​ത്തെ​ഴു​ന്നേ​റ്റ ഞ​ങ്ങ​ളു​ടെ പു​തു​ത​ല​മു​റ ഏ​ഷ്യ​ൻ ചാ​മ്പ്യ​ന്മാ​രാ​വു​ക​യും ചെ​യ്തു. ഇ​പ്പോ​ഴി​താ ഒ​രു മാ​സ​ത്തി​നു​ള്ളി​ൽ അ​വ​ർ ലോ​ക ഫു​ട്ബാ​ളി​ൽ പ​ന്തു​ത​ട്ടാ​നി​റ​ങ്ങു​ക​യാ​ണ്. ലോ​ക​ക​പ്പ് ക​ളി​ക്കു​ക​യെ​ന്ന ഖ​ത്ത​രി ക​ളി​ക്കാ​രു​ടെ സ്വ​പ്ന​ങ്ങ​ളാ​ണി​വി​ടെ സാ​ക്ഷാ​ത്ക​രി​ക്ക​പ്പെ​ടാ​ൻ പോ​കു​ന്ന​ത് -ഖ​മീ​സ്​ കൂ​ട്ടി​ച്ചേ​ർ​ത്തു.

1998ലെ ​ഫ്രാ​ൻ​സ്​ വ​ള​രെ അ​ടു​ത്താ​യി​രു​ന്നെ​ങ്കി​ലും ഞ​ങ്ങ​ൾ​ക്ക​ത് വ​ള​രെ അ​ക​ലെ​യാ​യി​രു​ന്നു. സൗ​ദി അ​റേ​ബ്യ​ക്കെ​തി​രാ​യ ഒ​രു ജ​യം. അ​താ​യി​രു​ന്നു ഞ​ങ്ങ​ൾ​ക്ക് വേ​ണ്ടി​യി​രു​ന്ന​ത്. സ്വ​ന്തം നാ​ട്ടി​ലാ​ണ് മ​ത്സ​രം ന​ട​ക്കു​ന്ന​തെ​ന്ന ആ​ത്മ​വി​ശ്വാ​സ​വും ഞ​ങ്ങ​ൾ​ക്കു​ണ്ടാ​യി​രു​ന്നു. എ​ന്നി​ട്ടും കൈ​വി​ട്ടു പോ​യി. ഒ​ട്ടും പ്ര​തീ​ക്ഷ​യി​ല്ലാ​ത്ത ഒ​രു അ​വ​സ്​​ഥ​യി​ൽ​നി​ന്നു​മാ​ണ് യോ​ഗ്യ​ത​ക്ക​രി​കി​ലെ​ത്തി​യ​ത്. ഡ​ച്ച് പ​രി​ശീ​ല​ക​ൻ ജോ ​ബോ​ൺ​ഫ്രെ​ക്ക് കീ​ഴി​ൽ യോ​ഗ്യ​ത റൗ​ണ്ടി​ലെ ആ​ദ്യ നാ​ല് മ​ത്സ​ര​ങ്ങ​ളി​ൽ മൂ​ന്ന് തോ​ൽ​വി​യും ഒ​രു സ​മ​നി​ല​യും. ഇ​തോ​ടെ ബോ​ൺ​ഫ്രെ​യെ പു​റ​ത്താ​ക്കി. പി​ന്നീ​ട് വ​ന്ന​ത് ബോ​സ്​​നി​യ​ക്കാ​ര​നാ​യ ജ​മാ​ൽ ഹാ​ജി. ഖ​ത്ത​ർ ആ​ഭ്യ​ന്ത​ര ലീ​ഗി​ലെ മി​ക​ച്ച ട്രാ​ക്ക് റെ​ക്കോ​ർ​ഡാ​ണ് ഗ​റാ​ഫ പ​രി​ശീ​ല​ക​നാ​യി​രു​ന്ന ജ​മാ​ൽ ഹാ​ജി​യെ തി​ര​ഞ്ഞെ​ടു​ക്കാ​ൻ കാ​ര​ണം. ഖ​ത്ത​ർ ദേ​ശീ​യ ടീ​മി​ന്റെ ക​ളി​രീ​തി​യെ ത​ന്നെ അ​ദ്ദേ​ഹം മാ​റ്റി​മ​റി​ച്ചു. അ​തോ​ടൊ​പ്പം ഞ​ങ്ങ​ളു​ടെ ആ​ത്മ​വി​ശ്വാ​സം ഉ​യ​ർ​ത്തു​ന്ന​തി​ൽ അ​ദ്ദേ​ഹം വി​ജ​യി​ക്കു​ക​യും ചെ​യ്തു.

ഹാ​ജി​ക്ക് കീ​ഴി​ലു​ള്ള ആ​ദ്യ മ​ത്സ​രം കു​വൈ​ത്തി​നെ അ​വ​രു​ടെ ത​ട്ട​ക​ത്തി​ൽ പ​രാ​ജ​യ​പ്പെ​ടു​ത്തി​യാ​ണ് തു​ട​ങ്ങി​യ​ത്. പി​ന്നീ​ട് ചൈ​ന​ക്കെ​തി​രെ 3-2ന് ​അ​വ​രു​ടെ നാ​ട്ടി​ൽ ജ​യം. ശേ​ഷം ദോ​ഹ​യി​ൽ ഇ​റാ​നെ​തി​രെ 2-0ന്റെ ​മി​ക​ച്ച ജ​യം. അ​തോ​ടെ യോ​ഗ്യ​ത സ​മ​വാ​ക്യ​ങ്ങ​ളി​ൽ മാ​റ്റം വ​ന്നു. മ​റ്റു മ​ത്സ​ര​ങ്ങ​ളി​ൽ അ​നു​കൂ​ല​മാ​യ ഫ​ല​ങ്ങ​ൾ​കൂ​ടി വ​ന്ന​തോ​ടെ ഒ​രി​ക്ക​ൽ ഉ​പേ​ക്ഷി​ച്ച 1998 ഫ്രാ​ൻ​സ്​ ലോ​ക​ക​പ്പി​ലേ​ക്കു​ള്ള യോ​ഗ്യ​ത​യെ​ന്ന ക​ണ​ക്കു​കൂ​ട്ട​ലി​ലേ​ക്ക് ഞ​ങ്ങ​ൾ വീ​ണ്ടു​മെ​ത്തി. സൗ​ദി അ​റേ​ബ്യ​ക്കെ​തി​രാ​യി സ്വ​ന്തം നാ​ട്ടി​ൽ ന​ട​ക്കു​ന്ന മ​ത്സ​ര​ത്തി​ലെ ഒ​രു ജ​യം മാ​ത്രം മ​തി​യാ​യി​രു​ന്നു ഞ​ങ്ങ​ൾ​ക്ക്. എ​ന്നാ​ൽ, സ​സ്​​പെ​ൻ​ഷ​ൻ കാ​ര​ണം പ്ര​ധാ​ന​പ്പെ​ട്ട മൂ​ന്ന്-​നാ​ല് താ​ര​ങ്ങ​ൾ​ക്ക് മ​ത്സ​രം ന​ഷ്​​ട​മാ​യ​ത് ഞ​ങ്ങ​ളെ പ്ര​തി​കൂ​ല​മാ​യി ബാ​ധി​ച്ചു.

സൗ​ദി​ക്കെ​തി​രാ​യ മ​ത്സ​രം ഞാ​ൻ സ്​​റ്റാ​ൻ​ഡി​ലി​രു​ന്നാ​ണ് ക​ണ്ട​ത്. ആ​ദ്യ​പ​കു​തി​യി​ൽ ഞ​ങ്ങ​ൾ ന​ന്നാ​യി ക​ളി​ച്ചു. ഗോ​ള​വ​സ​ര​ങ്ങ​ൾ മു​ത​ലെ​ടു​ക്കാ​ൻ ക​ഴി​യാ​ത്ത​ത് തി​രി​ച്ച​ടി​യാ​യി. സ്വ​ന്തം കാ​ണി​ക​ൾ​ക്ക് മു​ന്നി​ൽ ക​ളി​ക്കു​ക​യെ​ന്ന​ത് ആ​ത്മ​വി​ശ്വാ​സം ന​ൽ​കു​ന്ന​തോ​ടൊ​പ്പം സ​മ്മ​ർ​ദ​വും കൂ​ടി​യാ​ണ് സ​മ്മാ​നി​ക്കു​ന്ന​ത്. 61ാം മി​നി​റ്റി​ൽ അ​വ​ർ ഗോ​ള​ടി​ച്ച​തോ​ടെ പൂ​ർ​ണ​മാ​യും പ്ര​തി​രോ​ധ​ത്തി​ലേ​ക്ക് വ​ലി​ഞ്ഞ​തും ഞ​ങ്ങ​ൾ​ക്ക് തി​രി​ച്ച​ടി​യാ​യി.

മ​ത്സ​ര ശേ​ഷം ഡ്ര​സ്സി​ങ് റൂ​മി​ൽ ഞ​ങ്ങ​ളെ​ല്ലാ​വ​രും ക​ര​യു​ക​യാ​യി​രു​ന്നു. ലോ​ക​ക​പ്പ് യോ​ഗ്യ​ത​യെ​ന്ന സു​വ​ർ​ണാ​വ​സ​രം കൈ​യെ​ത്തും ദൂ​രെ ന​ഷ്​​ട​മാ​യി​രി​ക്കു​ന്നു​വെ​ന്ന് തി​രി​ച്ച​റി​ഞ്ഞു.

ഖ​ത്ത​റി​ന്റെ ഫു​ട്ബാ​ൾ ച​രി​ത്രം ഓ​രോ ഫു​ട്ബാ​ൾ പ്രേ​മി​ക്കും ഏ​റെ അ​ഭി​മാ​ന​ക​ര​മാ​ണെ​ന്നും ആ​ദി​ൽ ഖ​മീ​സ്​ പ​റ​ഞ്ഞു. 1981 യൂ​ത്ത് ചാ​മ്പ്യ​ൻ​ഷി​പ്പി​ലെ ഫൈ​ന​ലി​സ്​​റ്റു​ക​ളാ​യി​രു​ന്നു ഞ​ങ്ങ​ൾ. ബാ​ഴ്സ​ലോ​ണ ഒ​ളി​മ്പി​ക്സി​ൽ ക്വാ​ർ​ട്ട​റി​ൽ പ്ര​വേ​ശി​ച്ച ടീം, 2014​ലെ ഏ​ഷ്യ​ൻ യൂ​ത്ത് ചാ​മ്പ്യ​ൻ​ഷി​പ് നേ​ടു​ക​യും ചെ​യ്തു.

2019ൽ ​ഏ​ഷ്യ​ൻ ചാ​മ്പ്യ​ന്മാ​രാ​യി ച​രി​ത്രം ര​ചി​ച്ചി​രി​ക്കു​ക​യാ​ണ്. ഞ​ങ്ങ​ളു​ടെ ഭ​ര​ണാ​ധി​കാ​രി​ക​ളി​ൽ​നി​ന്നും നേ​താ​ക്ക​ളി​ൽ​നി​ന്നു​മു​ള്ള പൂ​ർ​ണ പി​ന്തു​ണ​യി​ൽ ഭാ​ഗ്യ​വാ​ന്മാ​രാ​ണ്. ശൈ​ഖ് ഹ​മ​ദ് ബി​ൻ ഖ​ലീ​ഫ ആ​ൽ​ഥാ​നി അ​ധി​ക ദി​വ​സ​ങ്ങ​ളി​ലും ഞ​ങ്ങ​ളു​ടെ പ​രി​ശീ​ല​ന സെ​ഷ​നു​ക​ളി​ൽ പ​ങ്കെ​ടു​ക്കാ​റു​ള്ള​ത് ഇ​പ്പോ​ഴും ഓ​ർ​ക്കു​ന്നു. ഇ​പ്പോ​ൾ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി, ശൈ​ഖ് ജാ​സിം ആ​ൽ​ഥാ​നി, ശൈ​ഖ് ജൂ​ആ​ൻ ആ​ൽ​ഥാ​നി എ​ന്നി​വ​രും അ​ക​മ​ഴി​ഞ്ഞ പി​ന്തു​ണ​യാ​ണ് ടീ​മി​ന് ന​ൽ​കു​ന്ന​ത്.

ഇ​വി​ടെ ഞ​ങ്ങ​ൾ​ക്കു​ള്ള ലോ​കോ​ത്ത​ര സൗ​ക​ര്യ​ങ്ങ​ൾ നോ​ക്കൂ, ശ​രി​യാ​യ ദി​ശ​യി​ലാ​ണ് നീ​ങ്ങു​ന്ന​തെ​ന്ന് ഉ​റ​പ്പു​ണ്ട്.

ജ​യ​ത്തോ​ടെ തു​ട​ങ്ങി​യാ​ൽ നോ​ക്കൗ​ട്ട് ഉ​റ​പ്പ്

ന​വം​ബ​ർ 20ന് ​കി​ക്കോ​ഫ് കു​റി​ക്കു​ന്ന ലോ​ക​ക​പ്പി​ലെ എ​ല്ലാ മ​ത്സ​ര​ങ്ങ​ളും ഞ​ങ്ങ​ൾ​ക്ക് ക​ഠി​ന​മാ​ണ്. എ​ന്നാ​ൽ, വി​ജ​യ​ത്തോ​ടെ തു​ട​ങ്ങു​ക​യാ​ണെ​ങ്കി​ൽ നോ​ക്കൗ​ണ്ട് റൗ​ണ്ടി​ലേ​ക്ക് പ്ര​വേ​ശി​ക്കാ​ൻ എ​ളു​പ്പ​മാ​യി​രി​ക്കും -ആ​ദി​ൽ ഖ​മീ​സ്​ പ​റ​ഞ്ഞു. മി​ക​ച്ച താ​ര​ങ്ങ​ളാ​ണ് ടീ​മി​നു​ള്ള​ത്. അ​ബ്ദു​ൽ ക​രീം ഹ​സ​നും അ​ക്രം അ​ഫീ​ഫും ഏ​റെ മി​ക​ച്ച താ​ര​ങ്ങ​ളാ​ണ്. ഏ​തൊ​രു ടീ​മി​നും ക​രു​ത്തു​റ്റ മ​ധ്യ​നി​ര അ​ത്യ​ന്താ​പേ​ക്ഷി​ത​മാ​ണ്. ഹ​സ​ൻ അ​ൽ ഹൈ​ദൂ​സും ക​രീം ബൂ​ദി​യാ​ഫും 30 പി​ന്നി​ട്ടു. അ​ത് പ്ര​ക​ട​ന​ത്തെ ബാ​ധി​ക്കു​മെ​ന്ന ആ​ശ​ങ്ക​യു​ണ്ടെ​ങ്കി​ലും ഇ​രു​വ​രും ന​ല്ല പോ​രാ​ളി​ക​ളാ​ണ് എ​ന്ന​ത് ആ​ശ്വാ​സം പ​ക​രു​ന്നു -ആ​ദി​ൽ ഖ​മീ​സ്​ പ​റ​ഞ്ഞ​വ​സാ​നി​പ്പി​ച്ചു.