സംസ്ഥാന ടെന്നിസ് വോളിബാൾ ജൂനിയർ ടീമിനെ അഭിഷേക് കൃഷ്‌ണയും മെഹക് നൗറീനും നയിക്കും

കോഴിക്കോട്: തമിഴ്നാട്ടിലെ തിരുച്ചിറപ്പള്ളിയിൽ ഈമാസം ഏഴു മുതൽ ഒമ്പതുവരെ നടക്കുന്ന ദേശീയ ടെന്നിസ് വോളിബാൾ ചാമ്പ്യൻഷിപ്പിനുള്ള കേരള ടീമിനെ പുതുപ്പാടി ഗവ. ഹൈസ്കൂളിലെ അഭിഷേക് കൃഷ്ണയും (കോഴിക്കോട്), കൂടത്തായി സെന്റ് മേരീസ് ഹൈസ്കൂളിലെ മെഹക് നൗറീനും (കോഴിക്കോട്) നയിക്കും.

മറ്റു ടീം അംഗങ്ങൾ (ആൺകുട്ടികൾ): അദ്വൈത് വി, അദ്വൈത് പി (കാസർകോട്), അഭിരാം രാജൻ (കണ്ണൂർ), സൂര്യനാരായണൻ, അഫ്സൽ എസ് (ആലപ്പുഴ). പെൺകുട്ടികളുടെ ടീം: തേജ ലക്ഷ്മി, ദിയ കെ.പി, ഫാത്തിമ ഹിബ (കോഴിക്കോട്), ശ്രുതി (ആലപ്പുഴ), ആയിഷ ശിൽവി (മലപ്പുറം). കോച്ച്: ഋതിക് സുന്ദർ, മാനേജർ: അഖിൽ ഷാജി, വനിത മാനേജർ: കീർത്തന.