ഗോൾഡൻ മുറെ

റിയോ ഡി ജനീറൊ: ഒളിമ്പിക്​സ്​ ടെന്നീസിലെ പുരുഷ വിഭാഗം സിംഗിൾസിൽ ​​ബ്രിട്ടൻറെ ആൻറി മുറെക്ക്​ സ്വർണം. കലാശപ്പോരാട്ടത്തിൽ  എതിരാളിയും അട്ടിമറി വീരനുമായ യുവാൻ മാർട്ടിൻ ഡെൽപെട്രോ​യയെയാണ്​ മ​ുറെ തോൽപ്പിച്ചത്​. ​ലോക കായിക മാമാങ്കത്തിൽ മറെയുടെ രണ്ടാം സ്വർണ നേട്ടമാണിത്​. ലണ്ടൻ ഒളിമ്പക്​സിലും മുറെയായിരുന്നു സ്വർണമണിഞ്ഞത്​. സ്​കോർ (7-5, 4-6, 6-2, 7-5).

പ്രമുഖ താരങ്ങൾ പിൻവാങ്ങിയ  ടെന്നീസിൽ ആദ്യ റൗണ്ടിൽ പുരുഷ വിഭാഗം സിംഗിൾസിൽ സെർബിയൻ താരവും ലോക ഒന്നാം നമ്പർ  താരവുമായ നൊവാക്​ ദ്യോകോവിച്ചിനെ അട്ടിമറിച്ചായിരുന്നു ഡെൽപോട്രോയുടെ  വരവ്​. പീന്നീട്​ സ്​പെയിൻ താരം റാഫേൽ നാദാലിനെയും തോൽപിച്ച്​ പോട്രോ ടെന്നീസ്​ ആരാധകരെ ഞെട്ടിച്ചു. അർജൻറീനയുടെ സീഡില്ലാ താരമായ ​പോട്രോ 2012 ലണ്ടൻ ഒളിമ്പിക്​സിലെ വെങ്കല മെഡൽ ജേതാവ്​ കൂടിയാണ്​.