പാമ്പുകൾക്ക് 'റോബോട്ടിക് കാലുകൾ' നൽകി യൂട്യൂബർ; വൈറലായി വിഡിയോ
text_fieldsപാമ്പുകൾക്ക് കാലുകൾ ഉണ്ടാവുന്നതിനെക്കുറിച്ച് ചിന്തിച്ചിട്ടുണ്ടോ? എന്നാൽ പാമ്പുകളെ നടക്കാൻ സഹായിക്കുന്നതിനായി റോബോട്ടിക് കാലുകൾ നിർമിച്ച യൂട്യൂബറാണ് ഇപ്പോൾ സമൂഹികമാധ്യമങ്ങളിൽ വൈറലാവുന്നത്. അലൻ പാൻ എന്ന യുവാവാണ് പാമ്പുകൾക്കായി റോബോട്ടിക് കാലുകൾ നിർമിച്ചത്. താൻ പുതുതായി നിർമിച്ച റോബോട്ടിക് കാലുകളുടെ സാങ്കേതിക വശങ്ങൾ തന്റെ യുട്യൂബ് ചാനലിലൂടെ അലൻ പാൻ വിശദീകരിക്കുകയായിരുന്നു.
പാമ്പുകൾക്ക് അവരുടെ കാലുകൾ തിരിച്ച് നൽകുന്നു എന്നാണ് വിഡിയോ പങ്കുവെച്ചുകൊണ്ട് യുവാവ് കുറിച്ചത്. തനിക്ക് പാമ്പുകളോടുള്ള സ്നേഹം തെളിയിക്കാനാണ് ഇത്തരമൊരു ശ്രമമെന്നും അദ്ദേഹം പറഞ്ഞു. ജൈവപരമായി പാമ്പുകൾക്ക് നിഷേധിച്ച കാലുകൾ നിർമിച്ച് നൽകുകയാണ് താൻ ചെയ്തതെണെന്നും യുവാവ് പറയുന്നു.
video courtesy Allen Pan
രണ്ട് മില്യൺ ആളുകളാണ് വിഡിയോ കണ്ടത്. വിഡിയോ വൈറലായതോടെ പ്രതികരണവുമായി നിരവധിപേർ രംഗത്തെത്തി. ചിലർ പാമ്പുകൾക്ക് കാലില്ലെന്ന് ശാസ്ത്രീയമായി വിശദീകരിച്ചപ്പോൾ പാമ്പുകൾക്ക് കാലുകൾ നൽകാൻ ആരെങ്കിലും ഉണ്ടായല്ലോ എന്ന് മറ്റൊരാൾ കമന്റ് ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.