Begin typing your search above and press return to search.
exit_to_app
exit_to_app
Homechevron_rightSocial Mediachevron_rightViralchevron_rightപ്രിൻസിപ്പലാകാൻ...

പ്രിൻസിപ്പലാകാൻ അടിപിടി; അധ്യാപകനെ എടുത്തുയർത്തി നിലത്തടിച്ച്​ സഹപ്രവർത്തകയുടെ ഭർത്താവ്-വിഡിയോ വൈറൽ​

text_fields
bookmark_border
bihar school fight
cancel

പട്​ന: സ്​കൂളിൽ വിദ്യാർഥികൾ തമ്മിൽ നിസ്സാര കാര്യങ്ങളെ ചൊല്ലി അടിപിടി കൂടുന്നത്​ നമ്മൾ കണ്ടിട്ടുണ്ട്​. പക്ഷേ, ബിഹാറിൽ നടന്ന വളരെ വ്യത്യസ്​തമായ ഈ തല്ല്​​ സമൂഹ മാധ്യമങ്ങളിൽ വൈറലാകുകയാണ്​​. കാരണം, മറ്റൊന്നുമല്ല. ഈ അടിപിടി നടന്നത്​ പ്രിൻസിപ്പൽ സ്​ഥാനത്തിന്​ വേണ്ടിയാണ്​.

ബിഹാർ തലസ്ഥാനമായ പട്‌നയില്‍ നിന്ന് 150 കിലോമീറ്റർ അകലെയുള്ള മോത്തിഹാരിയിലെ വിദ്യാഭ്യാസ വകുപ്പിന്‍റെ ജില്ലാ ഓഫിസിലാണ്​ ഇൗ അടി നടന്നത്​. ശിവ്ശങ്കർ ഗിരി എന്ന അധ്യാപകനും സഹ അധ്യാപിക റിങ്കി കുമാരിയുടെ ഭർത്താവുമാണ് പരസ്പരം അടികൂടുന്നത്. ആദാപുർ പ്രൈമറി സ്കൂളിലെ പ്രിൻസിപ്പൽ സ്ഥാനത്തിന് വേണ്ടി ശിവ്​ശങ്കർ ഗിരിയും റിങ്കി കുമാരിയും തമ്മിൽ തർക്കം നിലനിൽക്കുന്നുണ്ട്​. കഴിഞ്ഞ മൂന്ന് മാസമായി ഇരുവരും പ്രിൻസിപ്പൽ സ്ഥാനത്തിന് വേണ്ടിയുള്ള വാക് തർക്കങ്ങൾ തുടരുകയാണ്​. ആർക്കാണ്​​ പ്രിൻസിപ്പൽ ആകാൻ കൂടുതൽ യോഗ്യത, ആരാണ്​ സീനിയർ തുടങ്ങിയ വിഷയങ്ങൾ ഉന്നയിച്ചാണ്​ തർക്കമെന്ന്​ വിദ്യാഭ്യാസ ഓഫിസിലെ ഉദ്യോഗസ്ഥർ പറയുന്നു.

തുടർന്ന്​ മൂന്ന്​ ദിവസത്തിനകം ഇരുവരും യോഗ്യതകൾ തെളിയിക്കുന്ന രേഖകൾ വിദ്യാഭ്യാസ വകുപ്പിന്‍റെ ജില്ലാ ഓഫിസിൽ ഹാജരാക്കണമെന്ന് അധികൃതർ ആവശ്യപ്പെട്ടു. ഇരുവരും ഒരേ ദിവസമാണ്​ രേഖകൾ സമർപ്പിക്കാൻ എത്തിയത്​. തുടർന്ന്​ ആര്​ ആദ്യം രേഖകൾ സമർപ്പിക്കും എന്നത്​ സംബന്ധിച്ച്​ തർക്കം നടക്കുകയും അത്​ ​ശിവ്ശങ്കർ ഗിരിയും റിങ്കി കുമാരിയുടെ ഭർത്താവും തമ്മിലുള്ള അടിപിടിയിൽ കലാശിക്കുകയുമായിരുന്നു.

റിങ്കി കുമാരിയുടെ ഭർത്താവ്​ ശിവ്​ശങ്കറിനെ എടുത്തുയർത്തി നിലത്ത്​ ഇടുന്നതും തലയിൽ ലോക്ക്​ ഇട്ട്​ ഇടിക്കുന്നതും ദൃശ്യങ്ങളിൽ കാണാം. വിദ്യാഭ്യാസ ഓഫിസിലെ ജീവനക്കാർ ഇരുവരെയും പിടിച്ചുമാറ്റാൻ ശ്രമിക്കുന്നുമുണ്ട്​. സംഭവത്തെ കുറിച്ച്​ അന്വേഷണം നടത്തുമെന്ന്​ ബ്ലോക്ക്​ എജുക്കേഷൻ ഓഫിസർ ഹരി ഓം സിങ്​ പറഞ്ഞു.

Show Full Article
TAGS:viral videos fight for principal's post 
News Summary - Visuals of two men punching each other at a state education department office in Bihar gone viral
Next Story