നോവായി ഒരു പിതാവിന്റെ കണ്ണീർ; മകളെ യാത്രയാക്കി യുദ്ധഭൂമിയിലേക്ക്

കി​യ​വ്: യു​ദ്ധ​ങ്ങ​ളു​ടെ ബാ​ക്കി​പ​ത്രം ഹൃ​ദ​യം നു​റു​ങ്ങു​ന്ന കാ​ഴ്ച​ക​ളും തോ​രാ​ത്ത ക​ണ്ണീ​രു​മാ​ണ്. മ​ന​സ്സി​നെ മു​റി​വേ​ൽ​പി​ക്കു​ന്ന അ​ത്ത​രം കാ​ഴ്ച​ക​ളു​ടെ ക​ണ്ണീ​ർ​ക്ക​ട​ലാ​വു​ക​യാ​ണ് യു​ക്രെ​യ്ൻ. കൂ​ട്ട​പ്പ​ലാ​യ​ന​ത്തി​നി​ടെ സ്വ​ന്തം രാ​ജ്യ​ത്തി​നാ​യി പ​ട​ന​യി​ക്കാ​ൻ പു​റ​പ്പെ​ടു​ന്ന പി​താ​വും മ​ക​ളും ത​മ്മി​ലു​ള്ള വൈ​കാ​രി​ക രം​ഗ​ങ്ങ​ളാ​ണ് ലോ​ക​ത്തെ നൊ​മ്പ​ര​പ്പെ​ടു​ത്തു​ന്ന​ത്. റ​ഷ്യ​ൻ ആ​​​ക്ര​മ​ണ​ത്തെ പ്ര​തി​രോ​ധി​ക്കാ​ൻ രാ​ജ്യ​ത്തെ 18നും 60​നു​മി​ട​യി​ൽ പ്രാ​യ​മു​ള്ള​വ​രോ​ട് യു​ദ്ധ​ത്തി​നി​റ​ങ്ങാ​നു​ള്ള യു​​ക്രെ​യ്ൻ പ്ര​സി​ഡ​ന്റ് സെ​ല​ൻ​സ്കി​യു​ടെ വാ​ക്കു​ക​ൾ ശി​ര​സാ​വ​ഹി​ച്ച പി​താ​വ് പ​ക്ഷേ, മ​ക​ളോ​ടും ഭാ​ര്യ​യോ​ടും യാ​ത്ര പ​റ​യു​മ്പോ​ൾ ദുഃ​ഖം താ​ങ്ങാ​നാ​കാ​തെ പൊ​ട്ടി​ക്ക​ര​യു​ന്ന വി​ഡി​യോ സ​മൂ​ഹ മാ​ധ്യ​മ​ങ്ങ​ളി​ൽ വൈ​റ​ലാ​ണ്.

യു​ദ്ധ​ഭൂ​മി​യി​ലേ​ക്ക് പോ​കു​ന്ന​തി​നു​മു​മ്പ് ഭാ​ര്യ​യെ​യും മ​ക​ളെ​യും സു​ര​ക്ഷി​ത കേ​ന്ദ്ര​ത്തി​ലേ​ക്ക് മാ​റ്റാ​ൻ ബ​സി​ൽ യാ​ത്ര​യാ​ക്കാ​ൻ എ​ത്തു​ന്ന രം​ഗ​ങ്ങ​ളാ​ണ് ആ​രു​ടെ​യും നെ​ഞ്ചു​ല​ക്കു​ന്ന​ത്. മ​ക​ള്‍ യാ​ത്ര പ​റ​യ​വെ അ​വ​ളെ കെ​ട്ടി​പ്പി​ടി​ച്ച് ആ​ലിം​ഗ​നം ചെ​യ്യു​ന്ന അ​ദ്ദേ​ഹം അ​വ​ൾ ധ​രി​ച്ച തൊ​പ്പി ശ​രി​യാ​യ രീ​തി​യി​ല്‍ വെ​ച്ചു​കൊ​ടു​ക്കു​ന്ന​തും ഇ​രു​വ​രും പൊ​ട്ടി​ക്ക​ര​യു​ന്ന​തു​മാ​ണ് കാ​ഴ്ച. ആ​ളു​ക​ൾ വീ​ടും സ്വ​ത്തു​വ​ക​ക​ളും വ​ള​ർ​ത്തു​മൃ​ഗ​ങ്ങ​ളും മ​റ്റും ഉ​പേ​ക്ഷി​ച്ച് ഭൂ​ഗ​ർ​ഭ മെ​ട്രോ​ക​ളി​ലും ഭൂ​മി​ക്ക​ടി​യി​ലു​ള്ള സു​ര​ക്ഷി​ത സ്ഥാ​ന​ങ്ങ​ളി​ലും അ​ഭ​യം തേ​ടു​ന്ന കാ​ഴ്ച​യാ​ണ് യു​ക്രെ​യ്നി​ലെ പ​ല​ മേ​ഖ​ല​ക​ളി​ലും.