'സംപൂജ്യനായി' മോദി ബോണ്ട്​; ഇൗ പടം വമ്പൻ ഫ്ലോപ്പെന്ന്​ ഡെറിക്​ ഒബ്രിയാൻ

പ്രധാനമന്ത്രി ​നരേന്ദ്ര മോദിക്കെതിരേ മീം ആക്രമണവുമായി തൃണമൂൽ എം.പി ഡെറിക്​ ഒബ്രിയാൻ. സമൂഹമാധ്യമത്തിൽ പങ്കുവച്ച ചിത്രത്തിലൂടെയാണ്​ അദ്ദേഹം മോദിയുടെ പൊള്ളത്തരം തുറന്നുകാട്ടിയത്​. മോദിയുടെ ചിത്രം പിടിപ്പിച്ച ജെയിംസ്​ ബോണ്ട്​ പോസ്​റ്ററിൽ സീറോ സീറോ സെവനും അടയാളപ്പെടുത്തിയിട്ടുണ്ട്​. പക്ഷെ ഇൗ സീ​േറാ സീറോ സെവൻ വേറെയാണെന്നുമാത്രം. പൂജ്യം വികസനം, പൂജ്യം സാമ്പത്തിക വളർച്ച, സമ്പദ്​വ്യവസ്​ഥ ദുരുപയോഗം ചെയ്​ത ഏഴ്​ വർഷങ്ങൾ എന്നാണ്​ 'മോദി ബോണ്ടി'​െൻറ സീറോ സീറോ സെവൻ അർഥമാക്കുന്നത്​.

ഈ വർഷം ആദ്യം മോദി അധികാരത്തിൽ ഏഴ് വർഷം പൂർത്തിയാക്കിയിരുന്നു. ഇതിനെയാണ്​ തൃണമൂൽ ട്രോളിന്​ ഉപയോഗിച്ചത്​.​ നോട്ട് നിരോധനവും ചരക്ക് സേവന നികുതി പ്രാബല്യത്തിൽ വരുത്തിയത്​ രാജ്യത്തി​െൻറ സമ്പദ്​വ്യവസ്​ഥയുടെ നടുവൊടിച്ചിരിക്കുകയാണ്​. നിലവിൽ, പെട്രോൾ, ഡീസൽ വില വർധിപ്പിച്ചാണ്​ രാജ്യത്തി​െൻറ നിത്യച്ചിലവുകൾ കഴിഞ്ഞുപോകുന്നത്​. ഇതോടെ ഇന്ധനവില രാജ്യം കണ്ട എക്കാലത്തെയും ഉയർന്ന നിരക്കിലെത്തുകയും ചെയ്​തു.

നിലവിൽ ലോകത്തെ സാമൂഹിക നിലവാര പട്ടികകളിലെല്ലാം രാജ്യം ഏറെ പിന്നിലാണ്​. ലോക പട്ടിണി സൂചികയിൽ ഏഴ്​ വർഷംകൊണ്ട്​ ഇന്ത്യ 61ൽനിന്ന്​ 101ലേക്ക്​ കൂപ്പുകുത്തി. ഇന്ത്യയുടെ പാസ്​പോർട്ട്​ റേറ്റിങ്​ 74ൽ നിന്ന്​ 90ലേക്കും, ഹാപ്പിനസ്​ ഇൻഡക്​സിൽ 111ൽ നിന്ന്​ 139ലേക്കും ജനാധിപത്യ നിലവാരത്തിൽ 33ൽ നിന്ന്​ 53ലേക്കും ഇക്കാലയളവിൽ ഇന്ത്യ താഴ്​ന്നിട്ടുണ്ട്​. ഇതുകൂടാതെ ലിംഗ അസമത്വത്തിൽ 114ൽ നിന്ന്​ 140ലേക്കും മാധ്യമസ്വാതന്ത്ര്യത്തിൽ 140ൽ നിന്ന്​ 142ലേക്കും രാജ്യത്തി​െൻറ സ്​ഥാനം മോദി ഭരണത്തിൽ ഇടിഞ്ഞു. പോസ്​റ്റർ സമൂഹമാധ്യമങ്ങളിൽ വൈറലായി. പോസ്​റ്ററിനെപറ്റി ബി.ജെ.പി ഇതുവരേയും പ്രതികരിച്ചിട്ടില്ല.