അ​നു​വാ​ദ​മി​ല്ലാ​തെ പൂ ​പ​റി​ച്ചു; വീ​ട്ടു​കാ​രോ​ട് മാ​പ്പു​ചോ​ദി​ച്ച വി​ദ്യാ​ർ​ഥി​നി​യു​ടെ ക​ത്ത് വൈ​റ​ൽ

ചാ​വ​ക്കാ​ട്: അ​നു​വാ​ദ​മി​ല്ലാ​തെ മ​റ്റൊ​രാ​ളു​ടെ വീ​ട്ടി​ൽ​നി​ന്ന് പൂ​ക്ക​ൾ പ​റി​ച്ച​തി​ന് വീ​ട്ടു​കാ​രോ​ട് മാ​പ്പു​ചോ​ദി​ച്ച് സ്കൂ​ൾ വി​ദ്യാ​ർ​ഥി​നി എ​ഴു​തി​യ​ക​ത്ത് സോ​ഷ്യ​ൽ മീ​ഡി​യ​യി​ൽ ഹൃ​ദ​യ​ങ്ങ​ൾ കീ​ഴ​ട​ക്കു​ന്നു. എ​ട​ക്ക​ഴി​യൂ​ർ ക്യു​വ​ർ ഫാ​ർ​മ​സി ഉ​ട​മ നൗ​ഫ​ലി​ന്റെ വീ​ടി​ന്റെ സി​റ്റൗ​ട്ടി​ൽ നി​ന്നാ​ണ് ക​ത്ത് ല​ഭി​ച്ച​ത്. ​സീ​തി സാ​ഹി​ബ് സ്കൂ​ൾ വി​ദ്യാ​ർ​ഥി​നി ഷി​ഹാ​ന​യാ​ണ് ക​ത്തെ​ഴു​തി വെ​ച്ച​ത്. വീ​ട്ടു​മു​റ്റ​ത്തെ ചെ​മ്പ​ക മ​ര​ത്തി​ൽ​നി​ന്ന് അ​നു​വാ​ദ​മി​ല്ലാ​തെ പൂ​ക്ക​ൾ പ​റി​ച്ച​തി​ലു​ള്ള വി​ഷ​മം കാ​ര​ണ​മാ​ണ് കു​ട്ടി ക​ത്തെ​ഴു​തി​യ​ത്.

​ക​ത്തി​ന്റെ പൂ​ർ​ണ​രൂ​പം ഇ​ങ്ങ​നെ:

‘‘ഞാ​ൻ ഷി​ഹാ​ന. സീ​തി സാ​ഹി​ബ് സ്കൂ​ളി​ലാ​ണ് പ​ഠി​ക്കു​ന്ന​ത്. ഞാ​ൻ വീ​ട്ടി​ൽ വ​ന്നി​ട്ടു​ണ്ടാ​യി​രു​ന്നു. ഒ​രു​പാ​ട് ത​വ​ണ വി​ളി​ച്ചു, കോ​ളി​ങ് ബെ​ൽ അ​ടി​ച്ചു. ക​റ​ന്റ് ഇ​ല്ലാ​ത്ത​താ​ണോ എ​ന്ന​റി​യി​ല്ല, ആ​രും പു​റ​ത്ത് വ​ന്നി​ല്ല. ഞാ​ൻ ഒ​രു മൂ​ന്ന് ദി​വ​സം അ​ടു​പ്പി​ച്ച് വ​ന്നു. ആ​രെ​യും ക​ണ്ടി​ല്ല. സ​മ്മ​ത​മി​ല്ലാ​തെ ചെ​യ്യു​ന്ന​ത് തെ​റ്റാ​ണെ​ന്ന് അ​റി​യാം. എ​ന്നാ​ലും ഞാ​ൻ നി​ങ്ങ​ളു​ടെ വീ​ടി​ന്റെ മു​റ്റ​ത്തു​ള്ള ചെ​മ്പ​ക മ​ര​ത്തി​ൽ നി​ന്നും പൂ​ക്ക​ൾ പ​റി​ച്ചി​രു​ന്നു. പ​റ​യാ​തെ പ​റി​ച്ച​ത് മോ​ശ​മാ​ണെ​ന്ന് തോ​ന്നി. അ​തു​കൊ​ണ്ടാ​ണ് ഇ​ങ്ങ​നൊ​രു എ​ഴു​ത്ത് ഇ​വി​ടെ വെ​ക്കു​ന്ന​ത്’’.

ബു​ധ​നാ​ഴ്ച രാ​വി​ലെ​യാ​ണ് നൗ​ഫ​ലി​നും കു​ടും​ബ​ത്തി​നും സി​റ്റൗ​ട്ടി​ൽ​നി​ന്ന് ക​ത്ത് ല​ഭി​ക്കു​ന്ന​ത്. ക​ത്ത് ക​ണ്ട് മ​ന​സ്സ് നി​റ​ഞ്ഞ നൗ​ഫ​ൽ ക​ത്തി​ന്റെ ചി​ത്രം സോ​ഷ്യ​ൽ മീ​ഡി​യ സ്റ്റാ​റ്റ​സാ​യി പ​ങ്കു​വെ​ക്കു​ക​യാ​യി​രു​ന്നു. ‘‘ഷി​ഹാനാ... നീ ​ന​ല്ല മ​ന​സ്സു​ള്ള പെ​ൺ​കു​ട്ടി​യാ​ണ്, ഞ​ങ്ങ​ൾ ക്ഷ​മി​ച്ചി​രി​ക്കു​ന്നു’’ -എ​ന്ന അ​ടി​ക്കു​റി​പ്പോ​ടെ​യാ​ണ് അ​ദ്ദേ​ഹം ഇ​ത് പ​ങ്കു​വെ​ച്ച​ത്.