ഈജിപ്​ത്തിൽ പാമ്പുകൾക്ക്​ മാളം മാത്രമല്ല; സ്​പായും ഉണ്ട്- പാമ്പുകളുടെ മസാജ്​ കാണാം

ശരീരത്തിന്​ ഉൻമേഷം ലഭിക്കാൻ മസാജ്​ നല്ലതാണ്​. മസാജ്​ ചെയ്യുന്നത്​ പക്ഷേ, പാമ്പുകൾ ആയാലോ! ഈജിപ്ത്തിലെ കെയ്റോയിലുള്ള ഒരു സ്പായിലാണ്​ പാമ്പുകളെ ഉപയോഗിച്ച്​ മസാജ്​ ചെയ്യുന്നത്​. ഇതിന്‍റെ വിഡിയോ വൈറലാകാൻ അധികനേരം​ വേണ്ടി വന്നുമില്ല.

പെരുമ്പാമ്പ്​ ഉൾപ്പെ​െട വിഷമില്ലാത്ത 28 ഇനം പാമ്പുകളെയാണ്​ മസാജിനായി ഉപയോഗിക്കുന്നത്​. ആദ്യം കസ്റ്റമറുടെ ശരീരത്തിൽ എണ്ണ തേച്ച്​ പിടിപ്പിക്കും. പിന്നാലെ പല ഇനം പാമ്പുകളെ ശരീരത്തിലേക്ക്​ കയറ്റിവിടും. ഇവ ഇഴഞ്ഞുനീങ്ങിയാണ്​ മസാജ്​ ചെയ്യുന്നത്​. അരമണിക്കൂറാണ്​ മസാജിന്‍റെ ദൈർഘ്യം. ഇതിന്​ ആറ്​ ഡോളറാണ്​ ഈടാക്കുന്നത്​.

പാമ്പ്​ മസാജിലൂടെ സന്ധികളിലെയും പേശികളിലെയും വേദന മാറുമെന്നും ആശ്വാസവും ഉന്മേഷവും ലഭിക്കുമെന്നാണ് സ്പാ ഉടമ സഫ്​വത്​ സെദ്​കി അവകാശപ്പെടുന്നത്​. ശരീരത്തിലെ രക്​തയോട്ടം കൂടാനും ഇത്​ കാരണമാകും. ശാരീരികവും മാനസികവുമായ ഉൻമേഷവും ഇതിലൂടെ ലഭിക്കുമെന്ന്​ അദ്ദേഹം പറയുന്നു.

'പാമ്പുകളെ ശരീരത്തിലേക്ക്​ കയറ്റി വിട്ടപ്പോൾ ആദ്യം എനിക്ക്​ ഭയങ്കര പേടി തോന്നി. പക്ഷേ, ​േപടിയും ടെൻഷനും എല്ലാം ക്രമേണ മാറുകയും ഞാൻ അത്​ ആസ്വദിക്കുകയും ചെയ്​തു' -മസാജിന്​ ശേഷം ദിയാ സെയ്​ൻ എന്നയാൾ പറഞ്ഞ വാക്കുകളാണിത്​. എന്തായാലും അൽപം മനക്കരുത്ത്​ ഇല്ലാത്തവർ ഈ പണിക്ക്​ പോകേണ്ടയെന്നാണ്​ സമൂഹ മാധ്യമങ്ങളിൽ ഭൂരിഭാഗം പേരും അഭിപ്രായപ്പെടുന്നത്​.

This massage at a Cairo spa is not for the faint-hearted pic.twitter.com/YWAsHrHn1e

— Reuters (@Reuters) December 29, 2020