Begin typing your search above and press return to search.
exit_to_app
exit_to_app
Kovid kapoor
cancel
Homechevron_rightSocial Mediachevron_rightViralchevron_right'എ​ന്‍റെ പേര്​...

'എ​ന്‍റെ പേര്​ കോവിദ്​​, ഞാൻ വൈറസല്ല' -പേരുകൊണ്ട്​ പുലിവാല്​ പിടിച്ച്​ യുവാവ്​

text_fields
bookmark_border

2020 വരെ വെറും പേരുകൾ മാത്രമായിരുന്നു കൊറോണയും കോവിഡുമെല്ലാം. എന്നാൽ, കോവിഡ്​ മഹാമാരി ലോകമെമ്പാടും നാശം വിത​ക്കാൻ തുടങ്ങിയതോടെ കഥ മാറി. കൊറോണ, കോവിഡ്​ തുടങ്ങിയ സ്വന്തം പേരുകൊണ്ട്​ കുടുങ്ങിയവരും കുറവല്ല. അത്തരക്കാരിലൊരാളാണ്​ ഹോളിഡിഫൈ സഹസ്ഥാപകനായ കോവിദ്​​ കപൂർ.

അവസാനമായി തന്‍റെ ട്വിറ്റർ ബ​യോയിൽ 'സ്വയം വൈറസല്ല' എന്ന്​ സാക്ഷ്യപ്പെടുത്തേണ്ടിവന്നു ഈ യുവാവിന്​. 'എന്‍റെ പേര്​ കോവിദ്​​ ഞാൻ ഒരു വൈറസല്ല' എന്നാണ് നിലവിൽ​ കപൂറിന്‍റെ ട്വിറ്റർ ​ബയോ. പേര്​ ഇംഗ്ലീഷിൽ എഴുതുമ്പോൾ കോവിഡ്​ എന്ന്​ വായിക്കുന്നതാണ്​ തെറ്റിദ്ധാരണക്ക്​ കാരണം.

കോവിഡ്​ മഹാമാരിക്ക്​ ശേഷം വിദേശത്തെത്തിയപ്പോൾ തന്‍റെ പേരുമായി ബന്ധപ്പെട്ടുണ്ടായ രസകരമായ സംഭവങ്ങളും കപൂർ ട്വിറ്ററിൽ പങ്കുവെച്ചു. 'കോവിഡ്​ മഹാമാരി ആരംഭിച്ചതിന്​ ശേഷം ആദ്യമായാണ്​ ഇന്ത്യക്ക്​ പുറത്തുപോയത്​. എന്നാൽ എന്‍റെ പേര്​ കേട്ടതോടെ നിരവധി പേർ ആശ്ചര്യം പ്രകടിപ്പിച്ചെത്തി. ഇനിയുള്ള വിദേശയാത്രകൾ രസകരമായിരിക്കുമെന്ന്​ തോന്നുന്നു' -കപൂർ ട്വിറ്ററിൽ കുറിച്ചു.


കൂടാതെ, തന്‍റെ പേര്​ ഉച്ചരിക്കുന്നതിലെയും എഴുതുന്നതിലെയും രസകരമായ സംഭവങ്ങളും അദ്ദേഹം ട്വീറ്റ്​ ചെയ്തു. 30ാം ജന്മദിനത്തിന്​ 'Kovid' എന്നതിന്​ പകരം കേക്കിൽ 'Covid' എന്നാണ്​ എഴുതിയതെന്നും കേക്കിന്‍റെ ചിത്രവും അദ്ദേഹം പങ്കുവെച്ചു. സുഹൃത്തുക്കൾ​ എന്‍റെ പേര്​ തെറ്റായി എഴുതിയതാണെന്ന്​ കരുതി ബേക്കറിക്കാരൻ 'യഥാർഥ പേര്​' കേക്കിൽ എഴുതിയെന്നാണ്​ അദ്ദേഹം പറഞ്ഞത്​. കൂടാതെ ഇന്‍റർനെറ്റിൽ ജിമെയിലിലോ സമൂഹമാധ്യമങ്ങളി​ലോ തന്‍റെ പേര്​ തിരഞ്ഞാൽ ഉടൻ 'covid' എന്ന്​ തിരുത്തി ചോദിക്കുമെന്നും അദ്ദേഹം പറഞ്ഞു.

Show Full Article
TAGS:Kovid Kapoor Covid 19 
News Summary - My name is Kovid and Im not a virus Holidify Co Founder Kovid Kapoor explains
Next Story