യാസ്​ ചുഴലിക്കാറ്റിന്​ പിന്നാലെ തെരുവ്​ കീഴടക്കി ഭീമൻ ഉടുമ്പ്​; വിഡിയോ വൈറൽ

കൊൽക്കത്ത: ബംഗാൾ തീരത്ത്​ യാസ്​ ചുഴലിക്കാറ്റ്​ കനത്ത നാശം വിത​ച്ചതിന്​ പിന്നാലെ കൊൽക്കത്തയിലെ വെള്ളക്കെട്ടിൽ ഇഴഞ്ഞുനീങ്ങുന്ന ഭീമൻ ഉടുമ്പി​െൻറ ദൃശ്യങ്ങൾ പുറത്ത്​. കൊൽക്കത്തയിലെ ബാ​​േങ്കാർ അവന്യൂവിലാണ്​ സംഭവം.

കനത്ത മഴയെ തുടർന്ന്​ കനാലിൽ വെള്ളം നിറഞ്ഞതോടെ ഉടുമ്പ്​ തെരുവിൽ ഇറങ്ങിയാതെന്നാണ്​ നിഗമനം. ഐ.എഫ്​.എസ്​ ഒാഫിസറായ പ്രവീൺ അങ്കുസ്വാമിയാണ്​ വിഡിയോ ട്വിറ്ററിൽ പങ്കുവെച്ചത്​. ഇത്തരത്തിൽ ഏതെങ്കിലും വന്യജീവികളെ തെരുവുകളിൽ കാണുകയാണെങ്കിൽ ഉടൻ വനംവകുപ്പിനെ അറിയിക്കാനും അദ്ദേഹം നിർദേശം നൽകി.

അതേസമയം പ്രചരിക്കുന്ന വിഡിയോ പഴയതാകാമെന്നാണ്​ അധികൃതരുടെ അഭി​പ്രായം. വിഡിയോ പ്രചരിച്ചതോടെ അധികൃതർ സ്​ഥലത്തെത്തിയെങ്കിലും ഉടുമ്പിനെ കണ്ടെത്താൻ സാധിച്ചില്ലെന്നും അധികൃതർ പറയുന്നു.

വിഡിയോ പങ്കുവെച്ച്​ നിമിഷങ്ങൾക്കകം നിരവധിപേരാണ്​ വിഡിയോ കണ്ടത്​.