ട്രക്കിൽ 'സഞ്ചരിക്കുന്ന ക്ലാസ്​ റൂം'; നെറ്റും പുസ്​തകവുമില്ലാ​ത്തവരെ പഠിപ്പിക്കാൻ ഈ അധ്യാപിക വീട്ടിലെത്തും

കോവിഡിന്‍റെ പശ്​ചാത്തലത്തിൽ ലോകമാകെ പഠനം ഓൺലൈനിലായപ്പോൾ വെട്ടിലായത്​ ഇന്‍റർനെറ്റ്​ സൗകര്യവും പുസ്​തകങ്ങളുമില്ലാത്ത കുട്ടികളാണ്​. മെക്​സികോയിൽ പക്ഷേ, ഇത്തരം കുട്ടികൾക്ക്​ ആശങ്കയൊന്നുമില്ല. കാരണം അവരെ പഠിപ്പിക്കാൻ ടീച്ചർ നേരിട്ട്​ വീട്ടിലെത്തും.

ഒരു മിനി ട്രക്കിലാണ്​ ഈ അധ്യാപിക 'സഞ്ചരിക്കുന്ന ക്ലാസ്​ റൂം' ഒരുക്കിയിരിക്കുന്നത്​. ഒരു മേശയും രണ്ട്​ കസേരയുമാണ്​ ട്രക്കിൽ ഒരുക്കിയിരിക്കുന്നത്​. കോവിഡ്​ മാനദണ്ഡങ്ങൾ പാലിച്ച്​, ഒരു സമയം ഒരു കുട്ടിയെ മാത്രമാണ്​ പഠിപ്പിക്കുക. ഓട്ടിസം ബാധിച്ച കുട്ടികൾക്കുവേണ്ടിയാണ്​ പ്രധാനമായും ഇവർ ക്ലാസ്​ നടത്തുന്നത്​.

വ്യവസായി ഹർഷ്​ ഗോയ​ങ്കെ ആണ്​ ട്വിറ്ററിലൂടെ ഈ അധ്യാപികയുടെ സേവനത്തെ കുറിച്ചുള്ള വിവരങ്ങൾ പങ്കുവെച്ചത്​. നിരവധി പേർ​ ഇവരെ അഭിനന്ദിച്ച്​ രംഗത്തെത്തുകയും ചെയ്​തു.

In Mexico, school was cancelled because of the pandemic. This teacher turned her pick-up truck into a portable classroom. She drives 2 hrs a day to teach children with autism who don't have books or access to Internet.

Success is about the difference you make in people's lives. pic.twitter.com/Qwq7gA1NA3

— Harsh Goenka (@hvgoenka) February 3, 2021