വൈറൽ മ​ല​യാ​ളി വ്ലോ​ഗ​ർ ഫ്രം കൊൽക്കത്ത

മ​റു​നാ​ട്ടി​ൽ​നി​ന്ന് ജോ​ലി അ​ന്വേ​ഷി​ച്ച് കേ​ര​ള​ത്തി​ലെ​ത്തു​ന്ന തൊ​ഴി​ലാ​ളി​ക​ൾ ഒ​രു​പാ​ടു​ണ്ട് കേ​ര​ള​ത്തി​ൽ. എ​ന്നാ​ൽ, അ​വ​രി​ൽ​നി​ന്ന് വ്യ​ത്യ​സ്ത​മാ​യി മ​ല​യാ​ളി​യെ​പ്പോ​ലെ മ​ല​യാ​ളം പ​റ​ഞ്ഞ് വൈ​റ​ലാ​വു​ക​യാ​ണ് ഒ​രു കൊ​ൽ​ക്ക​ത്ത​ൻ യു​വാ​വ്. ദെ​ലു​യ​ർ ഹു​സൈ​ൻ സെ​ഖ് എ​ന്ന വ്ലോ​ഗർ മു​ബാ​റ​ക് ആ​ണ് ഇ​ൻ​സ്റ്റ​ഗ്രാ​മി​ലൂ​ടെ ത​രം​ഗ​മാ​വു​ന്ന​ത്. മ​ല​യാ​ള​വും മ​ല​യാ​ളി​ക​ളെ​യും ഒ​ത്തി​രി ഇ​ഷ്ട​മു​ള്ള മു​ബാ​റ​കി​നെ അ​റി​യാം.

കൊ​ൽ​ക്ക​ത്ത ടു കേ​ര​ളം

കൊ​ൽ​ക്ക​ത്തയിലെ മു​ർ​ഷി​ദാ​ബാ​ദാ​ണ് സ്വ​ദേ​ശം. മു​മ്പ് മുംബൈയി​ലെ ബ​ാന്ദ്ര​യി​ലാ​യി​രു​ന്നു. പൂ​ഴി​യെ​ടു​ക്ക​ലാ​യി​രു​ന്നു ജോ​ലി. 18ാം വ​യ​സ്സി​ലാ​യി​രു​ന്നു അ​ത്. ബു​ദ്ധി​മു​ട്ടു​ള്ള ജോ​ലി​യാ​യി​രു​ന്നു. കൈ​യി​ലെ തോ​ലൊ​ക്കെ പോ​കും. തീ​രെ പ​റ്റു​ന്നി​ല്ല എ​ന്ന് ക​ണ്ട​പ്പോ​ൾ ബ​ന്ധു​ക്ക​ളോ​ട് കാ​ര്യം പ​റ​ഞ്ഞു. ഫോ​ണി​ൽ റീ​ചാ​ർ​ജ് ചെ​യ്യാ​നു​ള്ള പൈ​സ പോ​ലും ഉ​ണ്ടാ​യി​രു​ന്നി​ല്ല. അ​വ​ർ ത​ന്ന 80 രൂ​പ​യും കീ​ശ​യി​ലി​ട്ട് പു​ല​ർ​ച്ചെ ഒ​രു മ​ണി​ക്ക് എ​ല്ലാ​വരും ഉ​റ​ങ്ങി​യ നേ​ര​ത്തി​റ​ങ്ങി.

20 കി​ലോ മീ​റ്റ​ർ ന​ട​ന്നു. രാ​ത്രി​യാ​യ​തി​നാ​ൽ വ​ണ്ടി​യു​മി​ല്ല. വ​ഴി​യി​ൽ ലൈ​റ്റും ഉ​ണ്ടാ​യി​രു​ന്നി​ല്ല. ഒ​രു​പാ​ട് നാ​യ്ക്ക​ളും. ന​ട​ന്ന് ന​ട​ന്ന് രാ​വി​ലെ​യാ​ണ് ​െറ​യി​ൽ​വേ സ്റ്റേ​ഷ​നി​ലെ​ത്തി​യ​ത്. അ​വി​ടന്നൊ​രു പ്ലാ​റ്റ്ഫോം ടി​ക്ക​റ്റെ​ടു​ത്തു. ബാ​ക്കി 70 രൂ​പ പി​ന്നെ ഒ​ന്നി​നും ഉ​പ​യോ​ഗി​ച്ചി​ല്ല. കേ​ര​ള​ത്തി​ലേ​ക്കു​ള്ള ട്രെ​യി​നി​ൽ കേ​റി. തൃ​ശൂരി​ലാ​ണ് ആ​ദ്യം എ​ത്തി​യ​ത്. തു​ട​ക്ക​ത്തി​ൽ ബു​ദ്ധി​മു​ട്ടാ​യി​രു​ന്നു. അ​വി​ടെ ചി​ല സു​ഹൃ​ത്തു​ക്ക​ളു​ടെ സ​ഹാ​യ​ത്തോ​ടെ ജോ​ലിചെ​യ്യാ​ൻ തു​ട​ങ്ങി. പി​ന്നെ മ​ല​പ്പു​റ​ത്തെ​ത്തി.

ഇ​ൻ​സ്റ്റ​ഗ്രാ​മി​ലേ​ക്ക്

ടി​ക് ടോ​ക് ഉ​ള്ള സ​മ​യ​ത്ത് അ​തി​ൽ വിഡി​യോ ചെ​യ്യാ​നും വൈ​റ​ൽ ആ​വാ​നു​മൊ​ക്കെ ന​ല്ല ആ​ഗ്ര​ഹ​മു​ണ്ടാ​യി​രു​ന്നു. എ​ന്റെ നാ​ട്ടി​ലു​ള്ള​വ​ർ എ​നി​ക്ക് ഭ്രാ​ന്താ​ണെ​ന്നും മ​ണ്ട​നാ​ണെ​ന്നു​മൊ​ക്കെ ക​ളി​യാ​ക്കാ​ൻ തു​ട​ങ്ങി. ഞാ​ൻ അ​തൊ​ന്നും കേ​ട്ടി​ല്ല. വീ​ണ്ടും വിഡി​യോ​ക​ൾ ചെ​യ്തു. ടി​ക്‌ ടോ​ക് ഇ​വി​ടെ നി​രോ​ധി​ച്ച​പ്പോ​ൾ സ​ങ്ക​ടമു​ണ്ടാ​യി​രു​ന്നു. എ​ന്നി​ട്ടും ഞാ​ൻ നി​ർ​ത്തി​യി​ല്ല. വേ​റെ​യും ആ​പ്പു​ക​ളി​ൽ വി​ഡി​യോ ചെ​യ്തു​കൊ​ണ്ടി​രു​ന്നു. പി​ന്നെ കേ​ര​ള​ത്തി​ൽ വ​ന്ന​ശേ​ഷ​മാ​ണ് യൂ​ട്യൂ​ബ് ചാ​ന​ൽ തു​ട​ങ്ങി​യ​ത്.

ഭാ​ര്യ​യു​മാ​യൊ​ക്കെ ആ​ലോ​ചി​ച്ച് ഒ​രു മ​ല​യാ​ളം ചാ​ന​ൽ ത​ന്നെ തു​ട​ങ്ങി. മ​ല​യാ​ളം പ​ഠി​ക്ക​ണ​മെ​ന്ന ആ​ഗ്ര​ഹംകൊ​ണ്ടാ​ണ് മ​ല​യാ​ള​ത്തി​ൽ ത​ന്നെ തു​ട​ങ്ങി​യ​ത്. മ​ല​യാ​ളം എ​നി​ക്ക് ന​ല്ല ഇ​ഷ്ട​മാ​ണ്. മാ​ത്ര​മ​ല്ല ഇ​വി​ടെ ത​ന്നെ താ​മ​സി​ക്കു​മ്പോ​ഴും പ​ണി​യു​ടെ ആ​വ​ശ്യ​ത്തി​നു​മൊ​ക്കെ ഈ ​ഭാ​ഷ ആ​വ​ശ്യ​മാ​ണ്. യൂ​ട്യൂ​ബി​ന്റെ കൂ​ടെ ത​ന്നെ ഇ​ൻ​സ്റ്റഗ്രാ​മി​ലും ചെ​റി​യ വിഡി​യോ​ക​ൾ ഇ​ട്ടു​തു​ട​ങ്ങി.

വൈ​റ​ലാ​കു​ന്നു

ഇ​ൻ​സ്റ്റഗ്രാ​മി​ൽ ഞാ​ൻ ഒ​രു പാ​ട്ടു​പാ​ടി അ​പ്‌​ലോ​ഡ് ചെ​യ്തു. ക​ലാ​ഭ​വ​ൻ മ​ണി​യു​ടെ ‘ക​ണ്ണി മാ​ങ്ങാ പ്രാ​യ​ത്തി​ൽ’ ആ​യി​രു​ന്നു അ​ത്. പ​ണി സ്ഥ​ല​ത്തെ സു​ഹൃ​ത്തു​ക്ക​ളാ​ണ് പ​ഠി​പ്പി​ച്ചു​ത​ന്ന​ത്. വി​ചാ​രി​ക്കാ​തെ​യാ​ണ് അ​ന്ന് ഇ​ൻ​സ്റ്റഗ്രാ​മി​ൽ ആ ​പാ​ട്ട് വൈ​റ​ലാ​യ​ത്. പ​റ​ഞ്ഞ​റി​യി​ക്കാ​ൻ ക​ഴി​യാ​ത്ത​ത്ര സ​ന്തോ​ഷ​മാ​യി​രു​ന്നു. ഭാ​ര്യ​ക്കും സ​ന്തോ​ഷ​മാ​യി. പി​ന്നെ ദി​വ​സ​വും വി​ഡി​യോ ഇ​ടാ​ൻ തു​ട​ങ്ങി. ദി​വ​സ​വും പ​ണി​ക്കും പോ​വും. ആ​ഴ്ച​യി​ൽ ഒ​ന്നോ ര​ണ്ടോ ദി​വ​സം കോ​ൺ​ട്രാ​ക്ട​റോ​ട് പ​റ​ഞ്ഞ് വിഡി​യോ എ​ടു​ക്കാ​നാ​യി ലീ​വെ​ടു​ക്കും.

കേ​ര​ളം അ​ടി​പൊ​ളി​യാ​ണ്

കേ​ര​ള​ത്തി​ലേ​തു​പോ​ലെ ഞ​ങ്ങ​ളു​ടെ നാ​ട്ടി​ൽ എ​ന്നും ജോ​ലി​യൊ​ന്നു​മു​ണ്ടാ​വി​ല്ല. അ​വി​ടെ പ​ക്ഷേ, ജീ​വി​തച്ചെ​ല​വ് കു​റ​വാ​ണ്. പ​ണി ഒ​ന്നും ഇ​ല്ലാ​തി​രി​ക്കു​മ്പോൾ ടെ​ൻ​ഷ​നാവും. കേ​ര​ള​ത്തി​ൽ ജോ​ലി സാ​ധ്യ​ത​ക​ളു​ള്ള​തു​കൊ​ണ്ടാ​ണ് ഇ​ങ്ങോ​ട്ടു വ​ന്ന​ത്. ഇ​വി​ടെ ന​ല്ല ഇ​ഷ്ട​മാ​യി. കേ​ര​ള​ത്തി​ലെ ആ​ൾ​ക്കാ​ർ വ​ള​രെ ന​ല്ല​താ​ണ്. ഭ​ക്ഷ​ണ​വും ഇ​ഷ്ട​മാ​ണ്. സാ​മ്പാ​റാ​ണ് കൂ​ടു​ത​ലി​ഷ്ടം. മ​ല​യാ​ള ന​ട​ന്മാ​രി​ൽ മോ​ഹ​ൻ​ലാ​ലി​നെ​യും ന​ടി​മാ​രി​ൽ അ​നി​ഖ സു​രേ​ന്ദ്ര​നെ​യു​മാ​ണി​ഷ്ടം. ക​ലാ​ഭ​വ​ൻ മ​ണി​യു​ടെ പാ​ട്ടു​ക​ളും ന​ല്ല ഇ​ഷ്ട​മാ​ണ്.

ജോ​ലി വേ​ണം

ചെ​റു​പ്പം മു​ത​ലേ വീ​ട്ടി​ൽ എ​ല്ലാ ​ജോ​ലി​യും ഞാ​നാ​ണ് ചെ​യ്തു​കൊ​ണ്ടി​രു​ന്ന​ത്. നാ​ല് സ​ഹോ​ദ​രി​മാ​രു​ണ്ട്. അ​വ​രെ​ല്ലാ​വരും എ​ന്നെ​ക്കാ​ൾ ചെ​റു​താ​ണ്. അ​ച്ഛ​ൻ മുംബൈയി​ൽ ജോ​ലിസ്ഥ​ല​ത്താ​യി​രി​ക്കും. എ​ല്ലാം ചെ​യ്യേ​ണ്ട​ത് എ​ന്റെ ഉ​ത്ത​ര​വാ​ദി​ത്ത​മാ​യി​രു​ന്നു. പി​ന്നെ എ​ന്റെ ശ​രീ​ര​വും പ​ണി​യെ​ടു​ത്ത് ഫി​റ്റാ​യി വ​ന്നു. എ​ത്ര ബു​ദ്ധി​മു​ട്ടു​ണ്ടെ​ങ്കി​ലും എ​ല്ലാം നോ​ക്ക​ണം. വീ​ട്ടി​ൽ ബു​ദ്ധി​മു​ട്ട് കൂ​ടി​യ​പ്പോ​ഴാ​ണ് പ​തി​നെ​ട്ടാം വ​യ​സ്സി​ൽ മുംബൈക്ക് പോയത്. പി​ന്നെ കേ​ര​ള​ത്തി​ലു​മെ​ത്തി. നാ​ല് സ​ഹോ​ദ​രി​മാ​രു​ടെ​യും ക​ല്യാ​ണം ന​ട​ത്തി.

‘ജാ​സ്തി’ ഇ​ഷ്ടം

ഞാ​ൻ കൂ​ടു​ത​ൽ ഉ​പ​യോ​ഗി​ക്കു​ന്ന വാ​ക്കാ​ണ് ജാ​സ്‌​തി. ഞാ​ൻ ആ​ദ്യം പ​ഠി​ച്ച വാ​ക്കാ​ണ​ത്. അ​തു​കൊ​ണ്ട് അ​ത് ഉ​പ​യോ​ഗി​ച്ച് ശീ​ല​മാ​യി. എ​ന്ത് പ​റ​യു​മ്പോ​ഴും അ​തി​ൽ ‘ജാ​സ്തി’ ഉ​ണ്ടാ​കും. കേ​ര​ള​ത്തി​ൽ സ്ഥി​രതാ​മ​സ​മാ​ക്കാ​നാ​ണ് ആ​ഗ്ര​ഹം. കേ​ര​ളം അ​ടി​പൊ​ളി​യാ​ണ്. കൂ​ടു​ത​ൽ ഇ​ഷ്ടം മ​ല​പ്പു​റ​മാ​ണ്. മ​ല​പ്പു​റ​ത്ത് സ്ഥ​ലം വാ​ങ്ങി വീ​ടു​െവ​ച്ച് അ​വി​ടെ ത​ന്നെ മ​രി​ക്കാ​നാ​ണ് ആ​ഗ്ര​ഹം.

കേ​ര​ള​ത്തി​ൽ വ​ന്നി​ട്ട് പ​ത്ത് വ​ർ​ഷ​മാ​കു​ന്നു. മ​ല​പ്പു​റ​ത്ത്‌ താ​മ​സ​മാ​ക്കി​യി​ട്ട് അ​ഞ്ചു വ​ർ​ഷം. എ​ട​വ​ണ്ണ​പ്പാ​റ​യി​ലാ​ണ് ഇ​പ്പോ​ൾ. കു​ടും​ബ​ത്തെ​യും ഇ​വി​ടേ​ക്ക് കൊ​ണ്ടു​വ​ന്നു. മൂ​ന്നാം ക്ലാ​സു​കാ​രി മ​ക​ൾ ഇ​വി​ടത്തെ സ്കൂ​ളി​ലാ​ണ് പ​ഠി​ക്കു​ന്ന​ത്. കേ​ര​ള​ത്തി​ലെ വി​ദ്യാ​ഭ്യാ​സം വ​ള​രെ ന​ല്ല​താ​ണ്. ന​ല്ല അ​ധ്യാ​പ​ക​രു​മാ​ണ്. എ​ല്ലാ​രും ന​ല്ല​വ​രാ​ണ്. മ​ക​ളും ന​ന്നാ​യി മ​ല​യാ​ളം പ​റ​യും.

.