പാൽവർണ്ണത്തിൽ മായികക്കാഴ്ചയൊരുക്കി ധൂത്​സാഗർ വെള്ളച്ചാട്ടം; മനംമയക്കി റെയിൽവേയുടെ വീഡിയോ

കാഴ്ച മറയ്​ക്കുന്ന മൂടൽമഞ്ഞിൽ നിർത്തിയിട്ടിരിക്കുന്ന ട്രെയിൻ. ഒറ്റനോട്ടത്തിൽ ഇതാണ്​ തോന്നുക. പക്ഷേ, കനത്തമഴയും നിറഞ്ഞൊഴുകുന്ന വെള്ളച്ചാട്ടവും മൂലം മുന്നോട്ട്​ നീങ്ങാനാകാതെ നിർത്തിയിട്ടിരിക്കുകയാണ്​ അതെന്ന്​ പിന്നീടാണ്​ മനസ്സിലാകുക. ബംഗളൂരു-ഗോവ റൂട്ടിലെ ധൂത്​സാഗർ വെള്ളച്ചാട്ടത്തിനരികിൽ നിർത്തിയിട്ടിരിക്കുന്ന ട്രെയിനിന്‍റെ വീഡിയോ റെയിൽവേ മന്ത്രാലയം തന്നെയാണ്​ ട്വിറ്ററിലൂടെ പുറത്തുവിട്ടത്​. ഇത്​ വൈറലാകുകയും ചെയ്​തു.

WATCH: A train passing through Doodhsagar waterfall in South Western Railway, halted due to heavy rainfall. @RailMinIndia pic.twitter.com/lrGbfPpYbd

— Prasar Bharati News Services पी.बी.एन.एस. (@PBNS_India) July 28, 2021

ഭഗ്​വാൻ മഹാവീർ സാങ്​ച്വറിയിലും പശ്​ചിമഘട്ടത്തിലെ മൊള്ളെം നാഷണൽ പാർക്കിലുമായി നിലകൊള്ളുന്നതാണ്​ ധൂത്​സാഗർ വെള്ളച്ചാട്ടം. പേര്​ സൂചിപ്പിക്കുന്നതുപോലെ നിറഞ്ഞൊഴുകു​േമ്പാൾ പാലൊഴുകും പോലെയാണ്​ ധൂത്​സാഗർ വെള്ളച്ചാട്ടം അനുഭവപ്പെടുക. പശ്​ചിമഘട്ടത്തിൽ നിന്ന്​ പനജിയി​ലേക്കുള്ള യാത്രക്കിടെ മ​​​​ണ്ഡോവി നദിയിൽ രൂപം കൊണ്ടിട്ടുള്ളതാണ്​ ധൂത്​സാഗർ. 310 മീറ്റർ ഉയരവും 30 മീറ്റർ വീതിയുമുള്ള ധൂത്​സാഗർ ഇന്ത്യയിലെ വലിയ വെള്ളച്ചാട്ടങ്ങളിൽ ഒന്നാണ്​. നിബിഡ വനത്താൽ ചുറ്റ​പ്പെട്ട വെള്ളച്ചാട്ടവും പരിസരപ്രദേശങ്ങളും ജൈവവൈവിധ്യങ്ങളുടെ കലവറ കൂടിയാണ്​.