മുടി വെട്ടി കളർ ചെയ്യാൻ വാങ്ങിയത്​ 1.44 ലക്ഷം; പുതിയ ഐ ഫോണിന്​ ഈ വില ഇല്ലെല്ലോയെന്ന്​ നെറ്റിസൺസ്​

കാലിഫോർണിയ: മുടി വെട്ടാനും കളർ ചെയ്യാനും നമ്മൾ പരമാവധി എത്ര രൂപ ചിലവാക്കും. ചിലപ്പോൾ സലൂണിന്​ അനുസരിച്ചും ഹെയർസ്​റ്റൈലിസ്​റ്റി​െൻറ നിരക്കനുസരിച്ചും സംഖ്യ മാറ്റം വരാം. എന്നാൽ അമേരിക്കയിലെ ഒരു ഹെയർസ്​റ്റൈലിസ്​റ്റ്​ ഒരു ഉപയോക്താവിൽ നിന്ന്​ വാങ്ങുന്ന നിരക്ക്​ കേട്ടാൽ ഏവരും ഞെട്ടും.

കാലിഫോർണിയ സ്വദേശിനിയായ ജാസ്​മിൻ പോളികാർപ്പോ മണിക്കൂറിന്​ 150 ഡോളറാണ് (11,100 രൂപ​ ഈടാക്കുന്നത്​ ). അമേരിക്കയിലല്ലേ അത് അത്ര കൂടുതലല്ലെല്ലോ എന്ന്​ ചിന്തിക്കാൻ വര​ട്ടേ. ജാസ്​മി​െൻറ അടുത്ത്​ എത്തുന്ന ആളുകൾ പരമാവധി 13 മണിക്കൂർ ചെലവഴിക്കേണ്ടി വരും. അപ്പോൾ ചെലവ്​ വരുന്നത്​ 1950 യു.എസ്​ ഡോളർ. ഏകദേശം 1.44 ലക്ഷം ഇന്ത്യൻ രൂപ.

അടുത്തിടെയാണ്​ ജാസ്​മിൻ ത​െൻറ കസ്​റ്റമറുടെ രൂപമാറ്റത്തി​െൻറ വിഡിയോ പങ്കുവെച്ചത്​. നീളമേറിയ തവിട്ട്​ നിറത്തിലുണ്ടായിരുന്ന മുടി യുവതി തോളറ്റം വെച്ച്​ മുറിക്കുകയായിരുന്നു. മുടി ചാര നിറത്തി​േലക്ക്​ മാറ്റി നല്ല സ്​റ്റൈലാക്കിയിട്ടുണ്ട്​. ഏതായാലും വിഡിയോ വൈറലായി മാറി. പിന്നാലെ ഇവരുടെ കഴുത്തറുപ്പൻ നിരക്കിനെതിരെ നിരവധിയാളുകൾ രൂക്ഷ പ്രതികരണവുമായെത്തി.

ആപ്പിൾ ഐ ഫോണി​െൻറ പുതിയ മോഡലിന്​ ഇതിലും വില കുറച്ച്​ കൊടുത്താൽ മതിയല്ലോ എന്നായിരുന്നു ഒരാൾ കമൻറ്​ ചെയ്​തത്​. ഇതിലും നന്നായി ഞാൻ 300 ഡോളറിന്​ ചെയ്​തുവെന്ന്​ ഒരാൾ എഴുതി.

ജാസ്​മിനെ പിന്തുണച്ചും ചിലയാളുകൾ രംഗത്തെത്തി. അവരുടെ ഉപയോക്താക്കൾക്കില്ലാത്ത എന്ത്​ ബുദ്ധിമുട്ടാണ്​ ഇത്​ വായിച്ച്​ വിമർശിക്കുവർക്കെന്നാണ്​ ചിലർ ചോദിക്കുന്നത്​. മുടിയുടെ സ്വഭാവ സവിശേഷതകൾ, നീളം, ഉപഭോക്താവ്​ ആഗ്രഹിക്കുന്ന നിറത്തിലെ മാറ്റം എന്നിവയെ ആശ്രയിച്ചാണ്​ സമയം എടുക്കുകയെന്ന്​ ജാസ്​മിൻ വ്യക്തമാക്കി. ത​െൻറ ഉപയോക്താക്കൾക്ക്​ ഇതിന്​ എത്രമാത്രം പ്രയത്​നം ആവശ്യമാണെന്ന്​​ അറിയാമെന്നും അതിനാൽ തന്നെ അവർക്കാർക്കും ഒരു പരാതിയുമില്ലെന്നും ജാസ്​മിൻ പറഞ്ഞു.