മനുഷ്യകുഞ്ഞിന്‍റെ വലിപ്പമുള്ള തവള; ചിത്രങ്ങൾ വൈറൽ

തവളകൾ പല വലിപ്പത്തിലും ഇനത്തിലു​മുണ്ട്​. അവയുടെ വലിപ്പം ഏത്​ ഇനത്തിൽപ്പെടുന്നു​െവന്ന്​ ആശ്രയിച്ചിരിക്കും. 12.5 ഇഞ്ച്​ നീളവും 3.3 കിലോഗ്രാം ഭാരവും വരുന്ന ഗോലിയാത്ത്​ തവളയാണ്​ ഇതിൽ ഏറ്റവും വലിയ ഇനം.

എന്നാൽ, ഗോലിയാത്തിനെ കടത്തിവെട്ടുന്ന വലിപ്പമുള്ള ഒരു തവളയുടെ ചിത്രമാണ്​ സമൂഹമാധ്യമങ്ങളിൽ ഇപ്പോൾ വൈറൽ. ഒരു മനുഷ്യകുഞ്ഞിന്‍റെ ഭാരവും വലിപ്പവുമുണ്ടാകും ഈ തവളക്ക്​. സോളമൻ ദ്വീപ്​ നിവാസിയായ തടിമിൽ ഉടമ ജിമ്മി ഹ്യൂഗോക്കിനാണ്​ ഈ തവളയെ ലഭിച്ചത്​. കുറ്റിക്കാട്ടിന്​ സമീപം നായ്​ക്കൾ തട്ടിക്കളിക്കുന്നതുകണ്ടാണ്​ ചെന്നുനോക്കിയത്​. തവളയുടെ വലിപ്പം ആദ്യം കണ്ടപ്പോൾ വിശ്വസിക്കാനായില്ലെന്നും ജിമ്മി പറയുന്നു.

കുഞ്ഞിനെപ്പോലെ തവളയെ ജിമ്മി എടുത്തുനിൽക്കുന്ന ചിത്രം സമൂഹമാധ്യമങ്ങളിൽ വൻതോതിൽ പ്രചരിക്കുന്നുണ്ട്​. ഹോനിയാരയിൽ കാട്ടുപന്നിയെ വേട്ടയാടുന്നതിന​ിടെയാണ്​ ജിമ്മിക്ക്​ ഈ തവളയെ ലഭിച്ചത്​. തവളയുടെ വലിപ്പം ​ചർച്ചയായതോടെ ഗ്രാമവാസികൾ മുഴുവൻ തവളയെ കാണാൻ ജിമ്മിയുടെ സമീപ​െമത്തിയിരുന്നു.

കോർണുഫെർ ഗപ്പി ഇനത്തിൽപ്പെട്ട തവളയാണിത്​. ഭീമാകാരനായ തവളയെ കണ്ടപ്പോൾ ആദ്യം വിശ്വാസം വന്നിരുന്നില്ല. തവളയുടെ വലിപ്പം കണ്ട്​ ബുഷ്​ ചിക്കൻ എന്നാണ്​ ഗ്രാമവാസികൾ തവളയെ വിളിച്ചതെന്നും അദ്ദേഹം പറയുന്നു.