കുണുങ്ങി കുണുങ്ങി​ ഒരു റാമ്പ്​ വാക്ക്​ റോഡിൽ, സൂപ്പർ മോഡൽ പശുവും; ക്യാറ്റ്​ വാക്ക്​ വിഡിയോ ഹിറ്റ്​

ന്യൂഡൽഹി: റാമ്പ്​ വാക്ക്​ ചില്ലറ പണിയല്ല. കൃത്യമായ പരിശീലനം നേടിയാൽ മാത്രമേ അതിൽ കഴിവ്​ തെളിയിക്കാൻ കഴിയൂ​. എന്നാൽ യാതൊരു പരിശീലനവും നേടാതെ നടുറോഡിൽ ക്യാറ്റ്​ വാക്ക്​ നടത്തുന്ന പശുവാണ്​ ഇപ്പോൾ സമൂഹമാധ്യമങ്ങളിൽ താരം.

കൃത്യമായി ചുവടു​കൾ വെച്ച്​ തലയാട്ടി, കുണുങ്ങിയാണ്​ ഈ പശുവിന്‍റെ നടത്തം. വിഡിയോയുടെ പിറകിൽ ധാരാളം പശുക്കളെ കാണാനാകുമെങ്കിലും കാമറയിലേക്ക്​ നോക്കി യാതൊരു കൂസലുമില്ലാതെയാണ്​ പശുവിന്‍റെ ക്യാറ്റ്​ വാക്ക്​.

വൻതോതിൽ പ്രചരിച്ച വിഡിയോ സന്തോഷം നിറക്കുന്നതാണെന്നായിരുന്നു ട്വിറ്ററിലെ പ്രതികരണം. കൂടാതെ സൂപ്പർ മോഡലുക​െള അതിശയിപ്പിക്കുന്ന വിധത്തിലാണ്​ പശുവിന്‍റെ നടത്തമെന്നും കമന്‍റുകൾ ഉയർന്നു.

എന്തുകൊണ്ടാണ്​ പശു ഇത്തരത്തിൽ നടക്കു​ന്ന​െതന്ന്​ വ്യക്തമല്ല. കാലുകൾക്ക്​ പരിക്കേറ്റതിനാലാകും ഈ നടത്തമെന്ന്​ ചിലർ കുറിച്ചു.