ടെലിഫോൺ കേബ്​ളോ അതോ ​മാലയോ? വില വെറും ഒന്നരലക്ഷം; ട്രോളിക്കൊന്ന്​ ​േസാഷ്യൽ മീഡിയ

അനുദിനം മാറിമറിയുകയാണ്​ ഫാഷൻ ലോകം. തങ്ങൾക്കിഷ്​ടമുള്ളവ മാലയായും കമ്മലായും ധരിക്കാൻ ആർക്കും മടിയുമില്ല. എന്നാൽ ഇറ്റാലിയൻ ലക്ഷ്വറി ബ്രാൻഡായ ബോട്ടിക വെനീറ്റയെ സമൂഹമാധ്യമങ്ങളിൽ ട്രോളികൊല്ലുന്നതിന് കാരണം ഇത്തരത്തിലൊരു നെക്​ലേസാണ്​.

നെക്​ലേസ്​ കണ്ടാൽ ആരും അമ്പരക്കും. വിലക്കേട്ടാൽ ഞെട്ടുകയും ചെയ്യും. കാരണം വീട്ടിലെ ടെലിഫോൺ കേബ്​ൾ മുറിച്ച്​ മാലയാക്കിയതാണെന്നേ ഒറ്റയടിക്ക്​ തോന്നൂ. എന്നിട്ട്​ വിലയോ 2000 യു.എസ്​ ഡോളറും. അതായത്​ 1,45,189 രൂപ.

ചുരുണ്ടുകൂടിയിരിക്കുന്ന ടെലിഫോൺ കേബ്​ൾ പല നിറത്തിലുള്ളത്​ മാലയാക്കിയിരിക്കുകയാണെന്ന്​ സമൂഹമാധ്യമങ്ങളിൽ നിറയുന്ന ​േ​ട്രാളുകൾ. ​പ്രമുഖ ഇൻസ്റ്റഗ്രാം പേജായ ഡയറ്റ്​ പ്രാഡയാണ്​ ആദ്യം മാലയുടെയും ടെലിഫോൺ കേബ്​ളിന്‍റെയും സാമ്യം ചൂണ്ടിക്കാട്ടി രംഗത്തെത്തിയത്​. ഒന്നരലക്ഷം രൂപയുടെ നെക്​ലേസിന്‍റെയും 362 രൂപയുടെ ടെലിഫോൺ കേബ്​ളിന്‍റെയും ചിത്രങ്ങൾ കാണിച്ചായിരുന്നു താരതമ്യം.

ഈ ചി​ത്രം ബോട്ടിക വെനീറ്റയുടെ ​ഇൻസ്റ്റഗ്രാം പേജിൽ പങ്കുവെക്കുകയും ചെയ്​തു. ഇതോടെ നിരവധി പേർ കമന്‍റുകളും ട്രോളുകളു​മായെത്തുകയായിരുന്നു. ടെലിഫോൺ കേബ്​ൾപോലെ തോന്നുന്ന ഈ നെക്​ലേസാണോ ഇത്രയും ഉയർന്ന വിലക്ക്​ വിൽക്കുന്നതെന്നായിരുന്നു നെറ്റിസൺസ്​ ഉയർത്തിയ ചോദ്യം.

എന്നാൽ ബോട്ടിക വെനീറ്റയുടെ ഈ നെക്​​േലസ്​ ചില്ലറക്കാരനല്ല. ഇനാമൽഡ്​ സ്​റ്റെർലിങ്​ സിൽവർ ഉപയോഗിച്ചാണ്​ ഇവയുടെ നിർമാണം. മൂന്ന്​ വ്യത്യസ്​ത നിറങ്ങളിലാണ്​ പച്ച, നീല, വെള്ള നിറങ്ങളിൽ ഇവ ലഭ്യമാകും.