സല്യൂട്ട്​ സിരിഷ- യാചകന്‍റെ മൃതദേഹം ആരും തിരിഞ്ഞുനോക്കിയില്ല; രണ്ട്​ കിലോമീറ്റർ ചുമന്ന്​ നടന്ന്​ പൊലീസ്​ ഉദ്യോഗസ്​ഥ

ശ്രീകാകുളം (ആന്ധ്ര): പാടത്തിനരികിൽ തിരിഞ്ഞുനോക്കാനാരുമില്ലാതെ കിടന്ന യാചകന്‍റെ മൃതദേഹം രണ്ട്​ കിലോമീറ്ററോളം ചുമന്ന്​ നടന്ന വനിത പൊലീസ്​ ഉദ്യോഗസ്​ഥക്ക്​ ബിഗ്​ സല്യൂട്ട്​ നൽകി സോഷ്യൽ മീഡിയ. ആന്ധ്രപ്രദേശിലെ ശ്രീകാകുളം ജില്ലയിലെ കാശിബുഗ്​ഗ പൊലീസ്​ സ്​റ്റേഷൻ പരിധിയിലാണ്​ സംഭവം. കാശിബുഗ്​ഗ സബ്​ ഇൻസ്​പെക്​ടർ കെ. സിരിഷയാണ്​ എൺപതു വയസോളം തോന്നിക്കുന്ന അജ്​ഞാത യാചകന്‍റെ ചേതനയറ്റ ശരീരം ചുമന്ന്​ നടന്നത്​. ലളിത ചാരിറ്റബിൾ ട്രസ്റ്റിന്​ കൈമാറിയ മൃതദേഹം സംസ്​കരിക്കുന്ന ചടങ്ങിലും സിരിഷ പ​ങ്കെടുത്തു.

മൃതദേഹം ചുമന്ന്​ പാടത്തിലൂടെ നടന്നുവരുന്ന സിരിഷയുടെ വിഡിയോ സമൂഹ മാധ്യമങ്ങളിൽ വൈറലാണ്​. 'ഞാൻ ചുമന്നോളാം മാഡം' എന്ന്​ ഒരാൾ പറയുന്നതും 'അത്​ സാരമില്ല' എന്ന്​ സിരിഷ മറുപടി നൽകുന്നതും വിഡിയോയിലുണ്ട്​. സിരിഷയുടെ നന്മ നിറഞ്ഞ പ്രവൃത്തിയെ ഡി.ജി.പി ഗൗതം സാവങ്​ അഭിനന്ദിച്ചു.

പാടത്ത്​ കണ്ട മൃതദേഹം ആര​ുടേ​െതന്ന്​ അറിയാത്തതിനാലാണ്​ നാട്ടുകാർ എടുത്തുമാറ്റാൻ തയാറാകാഞ്ഞത്​. തുടർന്ന്​ വിവരമറിഞ്ഞെത്തിയ സിരിഷ ഒരു നാട്ടുകാരന്‍റെ സഹായത്തോടെ താത്​കാലികമായി തയാറാക്കിയ സ്‌ട്രച്ചറിൽ മൃതദേഹം ചുമന്ന്​ നടക്കുകയായിരുന്നു. 25 മിനിറ്റോളമാണ് പാടവരമ്പിലൂടെ മൃതദേഹവുമായി സിരിഷ നടന്നത്​. ​ 'മരിക്കുമ്പോൾ ഏതൊരാൾക്കും കിട്ടേണ്ട ആദരം മാത്രമാണ് ഞാൻ ചെയ്തത്​. ഇത് എന്‍റെ കടമയാണ്​'- സിരിഷ പറയുന്നു.

AP Police cares: DGP Gautam Sawang lauds the humanitarian gesture of a Woman SI, K.Sirisha of Kasibugga PS, @POLICESRIKAKULM as she carried the unknown dead body for 2 km from Adavi Kothur on her shoulders & helped in performing his last rites.#WomanPolice #HumaneGesture pic.twitter.com/QPVRijz97Z

— Andhra Pradesh Police (@APPOLICE100) February 1, 2021