മെട്രോ സ്റ്റേഷനിൽ യാത്രക്കാരൻ കുഴഞ്ഞുവീണു; സി.പി.ആർ നൽകി ജീവൻ രക്ഷിച്ച് സി.ഐ.എസ്.എഫ് ഉദ്യോ​ഗസ്ഥൻ

ഡൽ‌ഹി: മെട്രോ സ്റ്റേഷനിൽ കുഴഞ്ഞുവീണയാൾക്ക് സി.പി.ആർ നൽകി ജീവൻ രക്ഷിച്ച് സി.ഐ.എസ്.എഫ് ഉദ്യോ​ഗസ്ഥൻ. ഡൽഹി മെട്രോ സ്റ്റേഷനിലാണ് സംഭവം. 58കാരനായ യാത്രികൻ കുഴഞ്ഞുവീഴുകയായിരുന്നു.

ഇത് ശ്രദ്ധയിൽപെട്ട സി.ഐ.എസ്.എഫ് ഉദ്യോ​ഗസ്ഥനായ ഉത്തംകുമാർ ഉടനെത്തി വീണുകിടന്നയാൾക്ക് സി.പി.ആർ നൽകുകയായിരുന്നു.സി.പി.ആർ നൽകിയ ഉടൻ‌ ഉത്തംകുമാർ അയാളെ ആശുപത്രിയിലെത്തിച്ചു. സംഭവത്തിന്റെ സി.സി.ടി.വി ദൃശ്യങ്ങൾ സോഷ്യൽ മീഡിയയിൽ‌ വൈറലാണ്.