Begin typing your search above and press return to search.
proflie-avatar
Login
exit_to_app
exit_to_app
Cooking
cancel
Homechevron_rightSocial Mediachevron_rightഒളിവിൽ കഴിയുന്നതിനിടെ...

ഒളിവിൽ കഴിയുന്നതിനിടെ ഭാര്യക്കൊപ്പം മുഖം മറച്ച്​ പാചക വിഡിയോ യുട്യൂബിലിട്ട്​ മാഫിയ അംഗം; ടാറ്റൂ ചതിച്ചു

text_fields
bookmark_border

റോം: ഒളിവിൽ കഴിയുന്നതിനിടെ മുഖം കാണിക്കാതെ പാചക വിഡിയോ തയാറാക്കി യുട്യൂബിലിട്ട മാഫിയ അംഗം അറസ്റ്റിൽ. ഇറ്റാലിയൻ മാഫിയ അംഗമായ മാർക്​ ഫെറെൻ ക്ലോഡെ ബയാർട്ടാണ്​ ഡൊമിനിക്കൻ റിപബ്ലികിൽനിന്ന്​ പിടിയിലാകുന്നത്​.

2014 മുതൽ ഇറ്റാലിയൻ അധികൃതരിൽനിന്ന്​ ഒളിച്ചോടി കരീബിയൻ പ്രദേശമായ ബോക്ക ചിക്കയിൽ ഒളിവിൽ കഴിയുകയായിരുന്നു ബയാർട്ട്​. ഇറ്റലിയിലെ പ്രമുഖ മാഫിയ സംഘമായ എൻട്രാൻഗെറ്റയുടെ ഒരു അംഗത്തിനായി നെതർലൻഡിലേക്ക്​ കൊക്കെയ്​ൻ കടത്തിയതിനാണ്​ ബയാർട്ടിനെതിരെ കേസ്​. തുടർന്ന്​ ഇയാൾ ബോക്ക ചിക്കയിലേക്ക്​ കടക്കുകയായിരുന്നു.

വർഷ​ങ്ങൾക്ക്​ ശേഷം യുട്യൂബിൽ ഇറ്റാലിയൻ പാചക കുറിപ്പുകൾ പങ്കുവെക്കുന്ന ഒരു വിഡിയോ പൊലീസിന്‍റെ ശ്രദ്ധയിൽപ്പെടുകയായിരുന്നു. മുഖം മറച്ച്​ ഭാ​ര്യക്കൊപ്പമായിരുന്നു വിഡിയോ. എന്നാൽ വിഡിയോയിൽ ഒരു ടാറ്റൂ കാണാമായിരുന്നു. ടാറ്റൂ തിരിച്ച​റിഞ്ഞതോടെ പൊലീസ്​ ബയാർട്ടാണെന്ന്​ ഉറപ്പിക്കുകയായിരുന്നു.

ബുധനാഴ്ച ഡൊമിനിക്​ റിപബ്ലിക​ിന്‍റെ തലസ്​ഥാനമായ സാ​ൻഡോ ഡൊമി​ങ്കോയിൽവെച്ച്​ ഇയാളെ പൊലീസ്​ പിടികൂടി. തുടർന്ന്​ വടക്കൻ ഇറ്റലിയിലെ മിലൻസ്​ മാൽപെൻസ വിമാനത്താവളത്തിലെത്തിച്ചതായി പൊലീസ്​ അറിയിച്ചു.

കലാബ്രിയയിലെ തെക്കൻ മേഖലയിലെ പ്രധാന മാഫിയ സംഘമാണ്​എൻട്രാൻഗെറ്റ. യൂറോപ്പിൽ മയക്കുമരുന്ന് സംഘങ്ങളെ നിയന്ത്രിക്കുന്നത്​ ഇവരാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:YouTubeCaribbeanItalian mobstercooking videoMarc Feren Claude Biart
News Summary - Italian mobster caught in Caribbean after posting cooking videos on YouTube
Next Story