Begin typing your search above and press return to search.
proflie-avatar
Login
exit_to_app
exit_to_app
onion
cancel
Homechevron_rightSocial Mediachevron_rightസവാളയുടെ പുറത്തെ...

സവാളയുടെ പുറത്തെ കറുത്ത പാളി ബ്ലാക്ക്​ ഫംഗസിന്​ കാരണമാകുമോ? വാസ്​തവം അറിയാം

text_fields
bookmark_border

ന്യൂഡൽഹി: കൊറോണ വൈറസിനൊപ്പം ​പേടിപ്പെടുത്തുന്ന ഒന്നാണ്​ ബ്ലാക്ക്​ ഫംഗസ്​. രാജ്യത്ത്​ ബ്ലാക്ക്​ ഫംഗസ്​​ കേസുകൾ റിപ്പോർട്ടുചെയ്യുന്നതിനേക്കാളേറെ ഇപ്പോൾ റിപ്പോർട്ട്​ ചെയ്യുന്നത്​​ ഇതുമായി ബന്ധപ്പെട്ട വ്യാജവാർത്തകളാണ്​. ബ്ലാക്ക്​ ഫംഗസുമായി ബന്ധപ്പെട്ട ഏറ്റവും അവസാനത്തെ ഇര സവാളയും ഫ്രിഡ്​ജുമാണ്​.

സവാളയും ഫ്രിഡ്​ജുമാണ്​ ബ്ലാക്ക്​ ഫംഗസിന്​ കാരണമെന്ന തരത്തിൽ ഹിന്ദിയിൽ എഴുതിയ ഒരു ഫേസ്​ബുക്ക്​ പോസ്​റ്റ്​ സമൂഹമാധ്യമങ്ങളിൽ വൻതോതിൽ പ്രചരിച്ചുകഴിഞ്ഞു. 'ആഭ്യന്തര ബ്ലാക്ക്​ ഫംഗസിനെതിരെ ജാഗ്രത പാലിക്കാം. അടുത്ത തവണ നിങ്ങൾ സവാള വാങ്ങു​േമ്പാൾ, അതി​െൻറ പുറത്തെ കറുത്ത പാളി ശ്രദ്ധിക്കണം. ശരിക്കും, അതാണ്​ ബ്ലാക്ക്​ ഫംഗസ്​. റഫ്രിജറേറ്ററിനക​െത്ത റബ്ബറിൽ കാണുന്ന കറുത്ത ഫിലിമും ബ്ലാക്ക്​ ഫംഗസിന്​ കാരണമാകും. ഇത്​ അവഗണിച്ചാൽ, ഫ്രിഡ്​ജിലും മറ്റും സൂക്ഷിച്ചിരിക്കുന്ന ഭക്ഷണ പദാർഥങ്ങളിലൂടെ ബ്ലാക്ക്​ ഫംഗസ്​ നിങ്ങളുടെ ശരീര​ത്തിലെത്തും' -ഇതാണ്​ ഫേസ്​ബുക്കിൽ പടർന്നുപിടിക്കുന്ന സന്ദേശം.

തുടർന്ന്​, ഇന്ത്യ ടുഡെ നടത്തിയ വിവരശേഖരത്തിൽ ഇവ ബ്ലാക്ക്​ ഫംഗസിന്​ കാരണമാകില്ലെന്ന്​ കണ്ടെത്തി. റഫ്രിജറേറ്റിനുള്ളി​ലെ തണുത്ത പ്രതലത്തിൽ ചില ബാക്​ടീരിയകളും സൂക്ഷ്​മാണുക്കളുമുണ്ടാകും. ഇവ ബ്ലാക്ക്​ ഫംഗസിന്​ കാരണമാകില്ല. എങ്കിലും ചില രോഗങ്ങൾക്ക്​ കാരണക്കാ​രായേക്കാം. അതിനാൽ ഇത്​ നീക്കം ചെയ്യുന്നതാണ്​ ഉത്തമമെന്ന്​ ന്യൂഡൽഹി ഇൻറർനാഷനൽ സെൻറർ ഫോർ ജെനറ്റിക്​ എൻജിനീയറിങ്​ ആൻഡ്​ ബയോടെക്​നോളജിയിലെ ശാസ്​ത്രജ്ഞനായ നസീം ഗൗർ പറയുന്നു.

മണ്ണിലുണ്ടാകുന്ന ചില ഫംഗസുകൾ കാരണമാണ്​ ഉള്ളിയുടെ പുറമെ കറുത്ത പാളിയുണ്ടാകുന്നത്​. അപൂർവ സന്ദർഭങ്ങളിൽ ഇത്​ ചില ഫംഗസ്​ അണുബാധക്ക്​ കാരണമാകും. ബ്ലാക്ക്​ ഫംഗസിന്​ കാരണമാകില്ലെങ്കിലും ഉപയോഗിക്കുന്നതിന്​ മുമ്പ്​ സവാള നന്നായി കഴുകണമെന്ന്​ ശാസ്​ത്രജ്ഞനായ ​ഡോ. ശേഷ്​ ആർ. നവാംഗെ പറഞ്ഞു.

പരിസ്​ഥിതിയിൽ സ്വാഭാവികമായി കാണപ്പെടുന്ന മ്യൂക്കോമിസൈറ്റുകൾ എന്നറിയപ്പെടുന്ന ഒരു കൂട്ടം പൂപ്പലുകളാണ്​ ബ്ലാക്ക്​ ഫംഗസിന്​ കാരണം. പ്രമേഹം, രോഗപ്രതലിരോധ ശേഷി കുറഞ്ഞവർ തുടങ്ങിയവരിലാണ്​ ഇത്​ പ്രധാനമായും ബാധിക്കുക. ഇത്തരം വ്യക്തികളുടെ സൈനസുകളിൽ അല്ലെങ്കിൽ ശ്വാസകോശത്തിൽ ഫംഗസ്​ പ്രവേശിക്കുന്നതുവഴി രോഗബാധയു​ണ്ടാകും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:OnionrefrigeratormucormycosisBlack Fungus
News Summary - Fungi inside refrigerators and on onions are not the ones causing mucormycosis
Next Story