ക്രിസ്ത്യാനികൾക്കെതിരെ വിവാദ പ്രസ്താവനയുമായി സംവിധായകൻ രാമസിംഹൻ: ‘വയനാട്ടിലെ പണിയ വിഭാഗം 90 ശതമാനം പെന്തകോസ്ത് ആയി’

തിരുവനന്തപുരം: മ​നു​ഷ്യ​ക്ക​ട​ത്തും നി​ർ​ബ​ന്ധി​ത മ​ത​പ​രി​വ​ർ​ത്ത​ന​വും ആ​രോ​പി​ച്ച് ഛത്തീ​സ്ഗ​ഡി​ൽ മലയാളി കന്യാസ്ത്രീകളെ ജയിലിലടച്ചതിൽ പ്രതിഷേധം പടരുന്നതിനിടെ വിവാദ പ്രസ്താവനയുമായി ബി.ജെ.പി മുൻ സംസ്ഥാന സമിതി അംഗം സംവിധായകൻ രാമസിംഹൻ. വയനാട്ടിലെ പണിയ വിഭാഗം 90 ശതമാനവും പെന്തകോസ്ത് ആയതായാണ് രാമസിംഹന്റെ കുറിപ്പ്. മുൻ ഡി.ജി.പിയും ബി​.ജെ.പി നേതാവുമായ ടി.പി. സെൻകുമാറിന്റെ ക്രൈസ്തവ വിരുദ്ധ ഫേസ്ബുക് പോസ്റ്റിന് കീഴിലാണ് ഇയാളുടെ പ്രതികരണം.

എല്ലാ മിഷനറി പ്രവർത്തനവും ഹിന്ദു ഭൂരിപക്ഷ മേഖലകളിലാണെന്നും ഒരു മുസ്‍ലിം ആൺകുട്ടിക്കോ പെൺകുട്ടിക്കോ മിഷനറി സേവനം ചെയ്തതായി വാർത്തകൾ വന്നിട്ടില്ലെന്നുമായിരുന്നു സെൻകുമാറിന്റെ കുറിപ്പ്. ‘സേവനങ്ങൾക്കും സഹായങ്ങൾക്കും മുസ്‍ലിം ഭൂരിപക്ഷ മേഖലകളെയല്ലേ തിരഞ്ഞെടുക്കേണ്ടത് ?? അത് എന്തുകൊണ്ട് സംഭവിക്കുന്നില്ല.?’ എന്നും സെൻകുമാർ ചോദിച്ചിരുന്നു. ഇതിന് മറുപടിയായാണ് ‘സേവിച്ചു സ്വന്തമാക്കാൻ അല്ലാതെന്ത്, കയ്യിലുള്ളത് പോകാതിരിക്കാൻ ഫത്‌വ മതിയല്ലോ, വയനാട്ടിലെ പണിയ വിഭാഗം 90 ശതമാനം പെന്തകോസ്ത് ആയി’ എന്ന് രാമസിംഹൻ അഭിപ്രായപ്പെട്ടത്.

‘മതം മാറ്റുന്നവരുടെ വോട്ടിനാണ് വില. മാറി തീരുന്ന സംസ്കൃതിക്കെന്തു വില. രാഷ്ട്രീയം തകർക്കുന്ന രാഷ്ട്രം ഭാരതം’, ‘മതം മാറ്റാൻ ഭരണ ഘടന അത് തടയാൻ ചെന്നാൽ മാപ്ര ഘടന.ന്യൂന പക്ഷ ഘടന തീവ്രഘടനാ. ഹിന്ദു ശോക ഘടനാ’ -തുടങ്ങിയ കുറിപ്പികളും രാമസിംഹൻ ഫേസ്ബുകിൽ പോസ്റ്റ് ചെയ്തിട്ടുണ്ട്.

അതിനിടെ, അ​റ​സ്റ്റി​ലാ​യ മ​ല​യാ​ളി ക​ന്യാ​സ്ത്രീ​ക​ളു​ടെ ജാ​മ്യാ​പേ​ക്ഷ ദു​ര്‍​ഗ് സെ​ഷ​ന്‍​സ് കോ​ട​തി പ​രി​ഗ​ണി​ച്ചി​ല്ല. ചുമത്തപ്പെട്ട വകുപ്പുകൾ ഗുരുതരമാണെന്നും ജാ​മ്യാ​പേ​ക്ഷ പ​രി​ഗ​ണി​ക്കാ​ന്‍ സാ​ധി​ക്കി​ല്ലെ​ന്നും വ്യക്തമാക്കിയ കോടതി, കേ​സ് ബി​ലാ​സ്പൂ​ര്‍ എ​ന്‍​ഐ​എ കോ​ട​തി​യി​ലേ​ക്ക് മാ​റ്റി. ഇ​ത്ത​രം കേ​സു​ക​ള്‍ പ​രി​ഗ​ണി​ക്കു​ന്ന​ത് എ​ന്‍​ഐ​എ കോ​ട​തി​യാ​ണെ​ന്നും കോ​ട​തി ചൂണ്ടിക്കാട്ടി.

ചേ​ർ​ത്ത​ല ആ​സ്ഥാ​ന​മാ​യ അ​സീ​സി സി​സ്റ്റേ​ഴ്സ് ഓ​ഫ് മേ​രി ഇ​മ്മാ​ക്കു​ലേ​റ്റ് (ഗ്രീ​ൻ ഗാ​ർ​ഡ​ൻ​സ്) സ​ന്ന്യാ​സ സ​ഭ​യി​ലെ അം​ഗ​ങ്ങ​ളാ​യ സി​സ്റ്റ​ർ പ്രീ​തി മേ​രി, സി​സ്റ്റ​ർ വ​ന്ദ​ന ഫ്രാ​ൻ​സി​സ് എ​ന്നി​വ​രെയാണ് കഴിഞ്ഞ വെള്ളിയാഴ്ച ഛത്തീ​സ്ഗഡ് പൊലീസ് അറസ്റ്റ് ചെയ്തത്. നി​ര്‍​ബ​ന്ധി​ത മ​ത​പ​രി​വ​ര്‍​ത്ത​ന നി​രോ​ധ​ന നി​യ​മ​ത്തി​ലെ വ​കു​പ്പും സെ​ക്ഷ​ന്‍ 4, ബി​എ​ന്‍​എ​സ് 143 എ​ന്നീ വ​കു​പ്പു​ക​ളാ​ണ് ഇ​വ​ർ​ക്കെ​തി​രേ ചു​മ​ത്തി​യി​രി​ക്കു​ന്ന​ത്. പ​ത്തു​വ​ര്‍​ഷം വ​രെ ത​ട​വു ല​ഭി​ക്കാ​വു​ന്ന കു​റ്റ​ങ്ങ​ളാ​ണി​ത്. അ​റ​സ്റ്റി​ലാ​യ ക​ന്യാ​സ്ത്രീ​ക​ൾ നി​ല​വി​ൽ ദു​ര്‍​ഗ് സെ​ന്‍​ട്ര​ല്‍ ജ​യി​ലി​ൽ തു​ട​രു​ക​യാ​ണ്.