പിണറായിക്ക് അയച്ചതെന്ന പേരിൽ അസഭ്യ കവിത എന്റെ പടത്തോടുകൂടി പ്രചരിക്കുന്നു, ഇതെന്നെ അപമാനിക്കാൻ -ജി സുധാകരൻ

ആലപ്പുഴ: തനിക്കെതിരായ സൈ​ബ​ർ ആ​ക്ര​മ​ണ​ത്തി​ന്​ പി​ന്നി​ൽ ജി​ല്ല​യി​ലെ നേ​താ​വാ​ണെ​ന്ന വെളിപ്പെടുത്തലിന് പിന്നാലെ, വീണ്ടും ഗുരുതര ആരോപണവുമായി മു​തി​ർ​ന്ന സി.​പി.​എം നേ​താ​വ് ജി. സു​ധാ​ക​രൻ. തന്റെ പേരിൽ അസഭ്യ കവിത പ്രചരിക്കുന്നുവെന്നാണ് അദ്ദേഹം ഫേസ്ബുക് കുറിപ്പിൽ പറയുന്നത്. പിണറായി വിജയന് ജി സുധാകരൻ അയച്ച കവിത വൈറലാകുന്നു എന്ന തല​ക്കെട്ടോടെ തന്റെ പടത്തോടുകൂടിയാണ് കവിത പ്രചരിക്കുന്നതെന്നും അദ്ദേഹം പറഞ്ഞു.

കുറിപ്പിന്റെ പൂർണരൂപം:

‘മുന്നറിയിപ്പ്: ജാഗ്രത !

'സ. പിണറായി വിജയന് ജി സുധാകരൻ അയച്ച കവിത വൈറലാകുന്നു' എന്നു പറഞ്ഞ് ഇപ്പോൾ ഒരു അസഭ്യ കവിത താഴെയുള്ള എന്റെ പടത്തോടുകൂടി കോഴിക്കോട്ടുള്ള ഒരു സുഹൃത്ത് ശ്രീ ബാബു ചെറിയാൻ അവരുടെ ഗ്രൂപ്പിൽ വന്നതായി അയച്ചുതന്നു. കുറച്ചുനാളായി എന്റെ പടത്തോടുകൂടി ക്രിമിനൽ സ്വഭാവമുള്ള പല പോസ്റ്റുകളും പോസ്റ്ററുകളും സോഷ്യൽ മീഡിയയിൽ സർക്കുലേറ്റ് ചെയ്യുന്നു. ഇത് മനപ്പൂർവ്വം എന്നെ അപമാനിക്കാൻ വേണ്ടിയാണ്. സൈബർ പോലീസ് ഇത് ശ്രദ്ധിച്ചാൽ കൊള്ളാം. ഗുരുതരമായ സൈബർ കുറ്റമാണിത്’

ഈ പോസ്റ്റിന് കീഴിൽ സി.പി.എം അനുകൂലികളായ നിരവധി പേരാണ് സുധാകരനെ വിമർശിച്ച് രംഗത്തുവന്നത്. ‘സാഹചര്യം താനായിട്ടുണ്ടാക്കി കൊടുത്തതാണെന്നുള്ളത് മനസ്സിലാക്കിയാല്‍ നല്ലത്’ എന്നായിരുന്നു ഒരാളുടെ കമന്റ്. ‘വ്യാജ വാർത്തയ്ക്കെതിരെ പരാതി കൊടുക്കുക. നിങ്ങൾ സർക്കാറിനെതിരെ പറയുന്ന ചില ഒളിയമ്പുകൾ എതിരാളികൾ ഉപയോഗപെടുത്തുകയാണ്. അവസരം ഉപയോഗപ്പെടുത്തി നിങ്ങൾ പറയാത്ത കാര്യങ്ങളും എതിരാളികൾ പോസ്റ്റ് ചെയ്യുന്നുണ്ട്. നിങ്ങളുടെ ഇപ്പോഴത്തെ ചില പ്രസ്താവനകൾ കാരണം. എതിരാളികൾ ഇടുന്ന വ്യാജ പോസ്റ്റുകൾ നമ്മുടെ കൂടെയുള്ളവരും വിശ്വസിച്ച് പോകുന്നുണ്ട്. സഖാവെ നിങ്ങളാണ് ഈ കാര്യത്തിൽ ജാഗ്രത പുലർത്തേണ്ടത്. നിങ്ങളാണ് അടിക്കാനുള്ള വടി ഇട്ട് കൊടുക്കുന്നത്.’ ഇങ്ങനെയായിരുന്നു മറ്റൊരാൾ അഭിപ്രായപ്പെട്ടത്. ‘മറ്റൊരു vs ആകാനുള്ള ശ്രമം ആണോ സഖാവേ. എടുത്തു ചാട്ടം നാശത്തിലെ കലാശിക്കു. ഞാൻ വലിയവൻ എന്ന ഭാവം മാറ്റി നമ്മൾ സഖാക്കൾ എന്ന വിശാല മായ കാഴ്ചപ്പാടുമായി മുന്നോട്ട് പോകാൻ സാധിക്കട്ടെ.’ എത്രയും വേഗം താങ്കൾ കോൺഗ്രെസ്സിൽ ചേരുക. എന്തിനാണ് ഇങ്ങനെ നാടകം കളിക്കുന്നത്? നിങ്ങൾക് സ്ഥാനം കിട്ടാതെ ആയ അന്ന് മുതൽ തുടങ്ങിയതാണ് നിങ്ങൾ പാർട്ടിയെ പ്രതിരോധത്തിൽ ആക്കൽ!’ ‘അമ്മാതിരി കയ്യിലിരിപ്പ് അല്ലേ കുറച്ച് നാൾ ആയി, സൈബർ പൊലീസ് ന് നിങ്ങളെ ഫോട്ടോ നോക്കി നടക്കൽ അല്ല പണി’ എന്നിങ്ങനെ പോുകന്നു കമന്റുകൾ.

കെ.​പി.​സി.​സി സം​സ്കാ​ര​സാ​ഹി​തി തെ​ക്ക​ൻ മേ​ഖ​ല ക്യാ​മ്പി​ലെ സെ​മി​നാ​റി​ൽ സു​ധാ​ക​ര​ൻ പ​​ങ്കെ​ടു​ത്ത​ത്​ മു​ത​ലാ​ണ്​ അ​ദ്ദേ​ഹ​ത്തി​നെ​തി​രെ സൈ​ബ​ർ ആ​ക്ര​മ​ണം തു​ട​ങ്ങി​യ​ത്​. സൈ​ബ​ർ ആ​ക്ര​മ​ണ​ത്തി​ന്​ പി​ന്നി​ൽ ജി​ല്ല​യി​ലെ ഒ​രു നേ​താ​വാ​ണെ​ന്ന സു​ധാ​ക​ര​ന്‍റെ ആരോപണത്തിന് മറുപടിയുമായി സി.​പി.​എം ജി​ല്ല സെ​ക്ര​ട്ട​റി ആ​ർ. നാ​സ​ർ രംഗത്തെത്തിയിരുന്നു. ഫേ​സ്​​ബു​ക്കി​ൽ ജി. ​സു​ധാ​ക​ര​നെ അ​ധി​ക്ഷേ​പി​ച്ച പാ​ർ​ട്ടി പ്ര​വ​ർ​ത്ത​ക​ൻ പാ​ർ​ട്ടി​യോ​ട്​ ക്ഷ​മാ​പ​ണം ന​ട​ത്തി​യി​ട്ടു​ണ്ടെ​ന്നും അ​യാ​ളെ താ​ക്കീ​ത്​ ചെ​യ്തി​ട്ടു​ണ്ടെന്നുമായിരുന്നു അദ്ദേഹം പറഞ്ഞത്. അ​മ്പ​ല​പ്പു​ഴ എം.​എ​ൽ.​എ എ​ച്ച്. സ​ലാ​മാ​ണ്​ സൈ​ബ​ർ ആ​ക്ര​മ​ണ​ത്തി​ന്​ പി​ന്നി​ലെ​ന്ന പ്ര​ചാ​ര​ണം വെ​റു​തെ​യാ​ണെ​ന്നും അ​ക്കാ​ര്യം പ​രി​ശോ​ധി​ച്ച്​ ബോ​ധ്യ​പ്പെ​ട്ടി​ട്ടു​ള്ള​താ​ണെ​ന്നും നാ​സ​ർ വ്യക്തമാക്കിയിരുന്നു.

സു​ധാ​ക​ര​നെ ഫേ​സ്​​ബു​ക്കി​ൽ അ​ധി​ക്ഷേ​പി​ച്ചെ​ങ്കി​ൽ നി​യ​മ​പ​ര​മാ​യി പ​രാ​തി ന​ൽ​കു​ക​യാ​ണ്​ വേ​ണ്ട​തെ​ന്ന്​ എ​ച്ച്. സ​ലാം എം.​എ​ൽ.​എ​യും പ്രതികരിച്ചിരുന്നു. ‘അ​ല്ലെ​ങ്കി​ൽ പാ​ർ​ട്ടി​ക്ക്​ പ​രാ​തി ന​ൽ​കാം. അ​ത്ത​ര​ത്തി​ൽ മോ​ശം പ​രാ​മ​ർ​ശ​ങ്ങ​ൾ ന​ട​ത്തു​ന്ന​ത്​ ത​ങ്ങ​ളു​ടെ ശീ​ല​മ​ല്ല. അ​തൊ​രി​ക്ക​ലും ഉ​ണ്ടാ​കി​ല്ല. എ​ന്തു​കൊ​ണ്ട്​ ഇ​ങ്ങ​നെ പ്ര​തി​ക​ര​ണ​ങ്ങ​ൾ ഉ​ണ്ടാ​കു​ന്നു​വെ​ന്ന്​ അ​ദ്ദേ​ഹം ​ത​ന്നെ ചി​ന്തി​ക്ക​ണം. അ​ദ്ദേ​ഹം എ​ന്ത്​ പ​റ​ഞ്ഞാ​ലും പ്ര​വ​ർ​ത്തി​ച്ചാ​ലും അ​തി​ന്​ കൃ​ത്യ​മാ​യ ഉ​ദ്ദേ​ശം ഉ​ണ്ടാ​കും. അ​ത്​ ത​ങ്ങ​ൾ എ​ല്ലാ​വ​ർ​ക്കും അ​റി​യാം’ -കഴിഞ്ഞ ദിവസം സ​ലാം പറഞ്ഞു.