ട്വിറ്ററിന്​ പിന്നാലെ കലാപാഹ്വാനവും വ്യാജ വാർത്തകളുമായി കങ്കണ ഇൻസ്റ്റഗ്രാമിൽ; കോവിഡ്​ പോസ്റ്റ്​ നീക്കം ചെയ്​ത്​ ഇൻസ്റ്റ

മമതാ ബാനർജിക്കെതിരെ വിദ്വേഷ പരാമർശം നടത്തിയതിന് സ്വന്തം​ ട്വിറ്റർ അക്കൗണ്ടിന്​ വിലക്ക്​ കിട്ടിയെങ്കിലും, ബോളിവുഡ്​ നടിയും സംഘപരിവാർ അനുകൂലിയുമായ കങ്കണാ റണാവത്ത്​ അതുകൊണ്ടൊന്നും ത​െൻറ പതിവ്​ തെറ്റിക്കുന്ന ലക്ഷണമില്ല. ഇത്തവണ ഇൻസ്റ്റഗ്രാമിലാണ്​ താരം വിദ്വേഷ പരമാർശങ്ങളും വ്യാജ വാർത്തകളും പങ്കുവെക്കുന്നത്​. ട്വിറ്ററിൽ മമതയെ രാക്ഷസിയെന്ന്​ വിളിച്ചും നേരിട്ടല്ലാതെ വംശഹത്യക്ക്​ ആഹ്വാനം ചെയ്​തുമായിരുന്നു കങ്കണ രംഗത്തെത്തിയത്​. എന്നാൽ, ഇൻസ്റ്റഗ്രാമിൽ പോസ്റ്റ്​ ചെയ്​ത സ്​റ്റോറിയിൽ ബംഗാളിൽ ഹിന്ദുക്കളെ കൊന്നൊടുക്കകയാണെന്നും തിരിച്ച്​ ആക്രമിക്കാനുമാണ്​ ആവശ്യപ്പെടുന്നത്​.

'ബംഗാളിൽ നിരവധിയാളുകളെ കൊല്ലുകയും ലൈംഗികമായി പീഡിപ്പിക്കുകയും ചെയ്തുകഴിഞ്ഞു. എന്താണ് ഇതൊക്കെ സഹിക്കാന്‍ ഹിന്ദുക്കള്‍ ചെയ്തത്?'-എന്ന്​ കുറിച്ച കങ്കണ ഹിന്ദുക്കളോട്​ തിരിച്ച്​ ആക്രമിക്കാൻ ആഹ്വാനം ചെയയ്യുന്ന ഒരു പോസ്റ്ററും കീഴെ പങ്കുവെച്ചിട്ടുണ്ട്​. '1947ൽ കൊല്‍ക്കത്തയിൽ നടന്ന കൂട്ടക്കൊല ആവര്‍ത്തിക്കാനാണ് ഹിറ്റ്‌ലര്‍ മമതയുടെ ശ്രമം. ഇനിയും ഹിന്ദു സമൂഹത്തിന് കാഴ്ചക്കാരെ പോലെ മിണ്ടാതിരിക്കാനാവില്ല'-പോസ്റ്ററിൽ പറയുന്നു. 'നിർഭാഗ്യവശാൽ തങ്ങളെ ബാധിക്കാത്ത വിശയം എന്ന നിലയിൽ അവർ മിണ്ടാതിരിക്കുകയാണ്​.. പക്ഷെ അടുത്ത ദിവസം അത്​ അവർക്ക്​ നേരെയും സംഭവിക്കുന്നുമെന്ന്​ എല്ലാ ഹിന്ദുക്കളും തിരിച്ചറിയണം... - അതിന്​ മറുപടിയായി കങ്കണ കുറിച്ചു.

കങ്കണയുടെ കോവിഡ്​ പോസ്റ്റ്​ നീക്കം ചെയ്​ത്​ ഇൻസ്​റ്റഗ്രാം

ട്വിറ്റർ വിട്ട്​ ഇൻസ്റ്റയിൽ എത്തിയ വിവാദ താരം അവിടെയും വിവാദ പോസ്റ്റുകളും വ്യാജ വാർത്തകളും പങ്കുവെക്കുന്നതിൻറെ തിരക്കിലായിരുന്നു. "ഇന്ത്യയ്ക്ക് കൂടുതൽ ഓക്സിജൻ ആവശ്യമില്ല. ഇവിടുള്ളവർക്ക്​ ദൈവഭയവും മതവുമാണ്​ ആവശ്യം. ഈ കഴുകന്മാരിരെ ഒാർത്ത്​ ലജ്ജിക്കുന്നു !!!" കങ്കണ ഒരു പോസ്റ്റിൽ കുറിച്ചു. ''ഈ രാജ്യത്ത് ധാരാളം കള്ളന്മാരുണ്ട്. ഞങ്ങൾക്ക് ഓക്സിജൻ ആവശ്യമില്ല, മനുഷ്യരാശിക്ക് സത്യസന്ധതയാണ്​ ഇപ്പോൾ ആവശ്യം. -മറ്റൊരു പോസ്റ്റ്​ ഇങ്ങനെയായിരുന്നു.

എന്നാൽ, ഇന്നലെ ഇട്ട മൂന്നാമത്തെ പോസ്റ്റിൽ ഇൻസ്റ്റ കങ്കണയെ ശിക്ഷിക്കുക തന്നെ ചെയ്​തു. തനിക്ക്​ കോവിഡ്​ ബാധിച്ചെന്ന്​ അറിയിച്ചുകൊണ്ടുള്ള പോസ്റ്റായിരുന്നു അത്​. എന്നാൽ, കോവിഡ്​ ചെറിയ പനി മാത്രമാണെന്നും അതി​ന്​ പ്രചാരണം നൽകി ​ആളുകളെ പേടിപ്പിക്കുകയാണെന്നും പോസ്റ്റിൽ പറയുന്നുണ്ട്​.

'കഴിഞ്ഞ കുറച്ചുദിവസങ്ങളായി ക്ഷീണവും തളർച്ചയും കണ്ണുകളിൽ വരൾച്ചയും അനുഭവപ്പെടുന്നുണ്ടായരുന്നു. ഹിമാചൽ പ്രദേശിലേക്ക്​ പോകുന്നതിന്​ മുന്നോടിയായി കോവിഡ്​ പരിശോധനക്ക്​ വ​ിധേയമായി. ഫലം പോസിറ്റീവാണ്​'. വൈറസിനെ പേടിക്കാൻ പാടില്ല. അത്​ നിങ്ങളെ കൂടുതൽ ഭയപ്പെടുത്തും.ഒരുമിച്ച്​ ​േകാവിഡിനെ നേരിടാം. ചെറിയ പനിയാണ്​ ഇത്. അതി​ന്​ പ്രചാരണം നൽകി ​ആളുകളെ പേടിപ്പിക്കുന്നുവെന്ന്​ മാത്രം' -കങ്കണ കുറിച്ചു. നിലവിൽ ഇൗ പോസ്റ്റ്​ ഇൻസ്റ്റയിൽ ലഭ്യമല്ല. അതോടെ ട്വിറ്ററിന്​ പിന്നാലെ മറ്റൊരു സോഷ്യൽ മീഡിയയും തന്നെ ലക്ഷ്യമിടുന്നതായി ആരോപിച്ച്​ കങ്കണയെത്തി. കോവിഡ്​ ഫാൻ ക്ലബ്​ ത​െൻറ പോസ്റ്റ്​ റിപ്പോർട്ടടിച്ച്​ ഡിലീറ്റ്​ ചെയ്യപ്പിച്ചതാകാമെന്നും അവർ ആരോപിച്ചു.

ചിലർക്ക്​ വേദനിച്ചതിനാൽ കോവിഡിനെ തകർക്കുമെന്ന്​ ഭീഷണിപ്പെടുത്തിക്കൊണ്ടുള്ള എ​െൻറ ​പോസ്റ്റ്​ ഇൻസ്റ്റഗ്രാം നീക്കം ചെയ്​തു. തീവ്രവാദികളെ കുറിച്ചും കമ്യൂണിസ്റ്റ്​ അനുഭാവികളെ കുറിച്ചും ഞാൻ ട്വിറ്ററിൽ കേട്ടിരുന്നു. എന്നാൽ, കോവിഡ്​ ഫാൻ ക്ലബ്​ അതിലേറെ അതിശയകരമാണ്​. ഇൻസ്റ്റയിൽ വന്നിട്ട്​ രണ്ട്​ ദിവസങ്ങളായി, എന്നാൽ, ഒരാഴ്​ച്ചപോലും ഇവിടെ നിലനിൽക്കാൻ കഴിയുമെന്ന്​ തോന്നുന്നില്ല. -കങ്കണ പരിഹാസരൂപേണ പറഞ്ഞു.