ഒക്ടോബർ മാസത്തിൽ ആകാശത്തിൽ വിസ്മയം തീർക്കാൻ ഹണ്ടർ മൂൺ; എപ്പോൾ കാണാം

ഒക്ടോബർ മാസത്തിലെ പൂർണ്ണചന്ദ്രനായ ഹണ്ടർ മൂൺ ആകാശത്ത് വിസ്മയം തീർക്കാൻ ഒരുങ്ങുന്നു. ഹാലോവീൻ ആഘോഷങ്ങൾക്ക് ദിവസങ്ങൾ മാത്രം ബാക്കിനിൽക്കെയാണ് ഈ പൂർണ്ണചന്ദ്രൻ വരുന്നത്. ഫാർമേഴ്‌സ് അൽമാനാക് കണക്കുകൾ പ്രകാരം ഒക്ടോബർ 26 തിങ്കളാഴ്ച പുലർച്ചെ 12:12-നാണ് ഹണ്ടർ മൂൺ അതിന്റെ പാരകോടിയിലെത്തുന്നത്. ഈ സമയത്തോടനുബന്ധിച്ച് ഞായറാഴ്ച രാത്രിയിലും തിങ്കളാഴ്ച രാത്രിയിലുമായി ചന്ദ്രൻ പൂർണ്ണരൂപത്തിൽ പ്രകാശപൂരിതമായി കാണപ്പെടും. പ്രാദേശിക കാലാവസ്ഥ അനുകൂലമാണെങ്കിൽ ആകാശവിസ്മയം വ്യക്തമായി ആസ്വദിക്കാനാകും.

പരമ്പരാഗതമായി ശൈത്യകാലത്തിന് മുന്നോടിയായി വേട്ടയാടലും വിളവെടുപ്പും നടത്തിയിരുന്ന കാലവുമായി ബന്ധപ്പെടുത്തിയാണ് ഈ പൂർണ്ണചന്ദ്രന് ഹണ്ടർ മൂൺ എന്ന് പേര് നൽകിയിരിക്കുന്നത്. സെപ്റ്റംബറിലാണ് ഈ വർഷത്തെ ഹാർവെസ്റ്റ് മൂൺ കടന്നുപോയത്. അതിനാൽ ഒക്ടോബറിലെ പൂർണ്ണചന്ദ്രൻ ഹണ്ടർ മൂൺ ആയി അറിയപ്പെടുന്നു. ഇതുകൂടാതെ ഡൈയിംഗ് ഗ്രാസ് മൂൺ, ട്രാവൽ മൂൺ, സാങ്ക്വിൻ മൂൺ, വേക്കിംഗ് മൂൺ എന്നീ പേരുകളിലും ഈ ചന്ദ്രൻ അറിയപ്പെടുന്നുണ്ട്:

ഒക്ടോബർ 26-ന് ഹണ്ടർ മൂൺ കടന്നുപോകുന്നതിനാൽ ഹാലോവീൻ രാത്രിയിൽ പൂർണ്ണചന്ദ്രൻ ഉണ്ടാകില്ല. അപൂർവ്വമായി മാത്രം സംഭവിക്കുന്ന ഹാലോവീൻ പൂർണ്ണചന്ദ്രൻ ഇനി ദൃശ്യമാകുക 2039-ലായിരിക്കും. ഒക്ടോബറിലെ ഹണ്ടർ മൂണിന് ശേഷം ഈ വർഷം ഇനി രണ്ട് പൂർണ്ണചന്ദ്രകൂടിയാണ് അവശേഷിക്കുന്നത്. നവംബർ 24ന് വരുന്ന ബീവർ മൂണും ഡിസംബർ 23ന് വരുന്ന കോൾഡ് മൂണുമാണിവ.