ചന്ദ്രനിൽ ‘പിൻ പോയിന്‍റ് ലാൻഡിങ്ങി’നായി ജപ്പാന്‍റെ ‘സ്‍ലിം’ പേടകം; ആക്ഷാംഷയോടെ ശാസ്ത്ര ലോകം

ആദ്യ ചാന്ദ്രാ പര്യവേക്ഷണത്തിന്‍റെ ഭാഗമായി ജപ്പാൻ വിക്ഷേപിച്ച ‘സ്‍ലിം’ (സ്മാ​ർ​ട്ട് ലാ​ൻ​ഡ​ർ ഫോ​ർ ഇ​ൻ​വെ​സ്റ്റി​ഗേ​റ്റി​ങ് മൂ​ൺ) എന്ന പേടകം നാളെ ചന്ദ്രന്‍റെ ഉപരിതലത്തിൽ ഇറങ്ങുന്നതിന് കാത്തിരിക്കുകയാണ് ശാസ്ത്രലോകം. ചന്ദ്രനിൽ ‘പിൻ പോയിന്‍റ് ലാൻഡിങ്’ നടത്താൻ പേടകത്തിന് സാധിക്കുമെന്ന പ്രതീക്ഷയിലാണ് ജ​പ്പാ​ൻ ബ​ഹി​രാ​കാ​ശ ഗ​വേ​ഷ​ണ ഏ​ജ​ൻ​സി​യാ​യ ‘ജാ​ക്സ’​.

നിലവിൽ ചന്ദ്രന്‍റെ 15 കിലോമീറ്റർ ചുറ്റളവിലുള്ള ഭ്രമണപഥത്തിലാണ് ‘സ്‍ലിം’ പേടകം വലം വെക്കുന്നത്. കാ​ര്യ​ങ്ങ​ൾ ശ​രി​യാ​യ ദി​ശ​യി​ൽ പോ​വു​ക​യാ​ണെ​ങ്കി​ൽ ശനിയാഴ്ച അർധരാത്രി (ടോക്കിയോ സമയം)യിൽ 20 മിനിറ്റ് കൊണ്ട് മൃ​ദു​വി​റ​ക്കം സാധ്യമാക്കുകയാണ് ലക്ഷ്യം. ചന്ദ്രന്‍റെ ഉപരിതലത്തിൽ എവിടെ വേണമെങ്കിലും ഇറങ്ങാൻ സാധിക്കുന്ന ‘പിൻ പോയിന്‍റ് ലാൻഡിങ്’ വിദ്യയാണ് ജപ്പാൻ പരീക്ഷിക്കുന്നത്. മുൻ ചാന്ദ്രാദൗത്യ പേടകങ്ങൾ ഇറങ്ങിയത് ചന്ദ്രന്‍റെ വിവിധ ധ്രുവങ്ങൾ കേന്ദ്രീകരിച്ചായിരുന്നു.

ഷിയോലി എന്ന ചെറുഗർത്തത്തിന് സമീപത്തെ 15 ഡിഗ്രി ചരിഞ്ഞ പ്രദേശത്താണ് 200 കിലോഗ്രാം ഭാരമുള്ള ‘സ്‍ലിം’ എന്ന പേടകം ഇറക്കുക. 1969ൽ അപ്പോളോ 11 ഇറങ്ങിയ പ്രാചീന അഗ്നിപർവത പ്രവർത്തനങ്ങളാൽ സൃഷ്ടിക്കപ്പെട്ട സീ ഓഫ് ട്രാൻക്വിലിറ്റി എന്ന ചാന്ദ്ര സമതലത്തിലാണ് ഷിയോലി ഗർത്തം സ്ഥിതി ചെയ്യുന്നത്. നിലവിൽ നിശ്ചയിച്ച സ്ഥലത്ത് നിന്ന് 100 മീറ്റർ (328 അടി) പരിധിയിൽ മൃ​ദു​വി​റ​ക്കം (സോഫ്റ്റ് ലാൻഡിങ്) നടത്താനാണ് ശ്രമം. ടൂ സ്റ്റെപ്പ് ലാൻഡിങ് മെതേഡിലാകും മൃ​ദു​വി​റ​ക്കം.

ലാൻഡർ വിജയകരമായാൽ, ചന്ദ്രന്റെ ഉത്ഭവത്തെ കുറിച്ചുള്ള കൂടുതൽ വെളിപ്പെടുത്തിന് സഹായിക്കുന്ന സ്ഥലത്തെ പാറകളെ കുറിച്ച് പേടകം പഠിക്കും. പേടകത്തിൽ രണ്ട് പേലോഡുകളാണുള്ളത്. ദൗത്യം വിജയിച്ചാൽ ചന്ദ്രനിൽ ‘പിൻ പോയിന്‍റ് ലാൻഡിങ്’ നടത്തുന്ന ലോകത്തെ ആദ്യ രാജ്യമാകും ജപ്പാൻ.

സെ​പ്റ്റം​ബ​ർ ആ​റി​നാ​ണ് എ​ച്ച്-​ഐ.​ഐ.​എ 202 റോ​ക്ക​റ്റി​ൽ ‘സ്‍ലിം’ ബഹിരാകാശത്തേക്ക് കു​തി​ച്ചു​യ​ർ​ന്ന​ത്. നേ​രി​ട്ട് ച​ന്ദ്ര​നി​ലേ​ക്ക് പ​റ​ക്കു​ക​യാ​യി​രു​ന്നി​ല്ല ‘സ്‍ലിം’ ചെയ്തത്. പ​ക​രം, ചാ​ന്ദ്ര​വാ​ഹ​ന​ത്തോ​ടൊ​പ്പം റോ​ക്ക​റ്റി​ൽ ഘ​ടി​പ്പി​ച്ചി​രു​ന്ന ഒ​രു ബ​ഹി​രാ​കാ​ശ ടെ​ലി​സ്കോ​പി​നെ (എ​ക്സ്റേ ഇ​മാ​ജി​ങ് ആ​ൻ​ഡ് സ്​​പെ​ക്ടോ​സ്കോ​പി മി​ഷ​ൻ) ശൂ​ന്യാ​കാ​ശ​ത്ത് സ്ഥാ​പി​ച്ചു.

തു​ട​ർ​ന്നാ​ണ് ച​ന്ദ്ര​ന്റെ ഭ്ര​മ​ണ​പ​ഥം ല​ക്ഷ്യ​മാ​ക്കി ‘സ്‍ലിം’ കു​തി​ച്ച​ത്. ജ​നു​വ​രി 14ന് ​ചാ​ന്ദ്ര​ഭ്ര​മ​ണ​പ​ഥ​ത്തി​ലെ​ത്തി​യ ‘സ്‍ലിം’ ക​ഴി​ഞ്ഞ​ ദി​വ​സം താ​ഴ്ന്നു​ പ​റ​ക്കാ​ൻ ആ​രം​ഭി​ച്ചിരുന്നു. ഇ​തോ​ടെ, അമേരിക്ക, സോവിയന്‍റ് യൂണിയൻ, ഇന്ത്യ, ചൈന എന്നിവക്ക് പിന്നാലെ ച​ന്ദ്ര​നി​ൽ മൃ​ദു​വി​റ​ക്കം ന​ട​ത്തു​ന്ന അ​ഞ്ചാ​മ​ത്തെ രാ​ജ്യ​മാകും ജ​പ്പാ​ൻ.