Begin typing your search above and press return to search.
exit_to_app
exit_to_app
Homechevron_rightTECHchevron_rightSciencechevron_rightപ്രണയദിനത്തിലെ ആദ്യ...

പ്രണയദിനത്തിലെ ആദ്യ വിക്ഷേപണത്തിന് പി.എസ്​.എൽ.വി C52; കൗൺഡൗൺ തുടങ്ങി

text_fields
bookmark_border
pslvc52
cancel

ശ്രീഹരിക്കോട്ട: 2022ലെ ഐ.എസ്.ആർ.ഒയുടെ ആദ്യ വിക്ഷേപണത്തിനുള്ള കൗൺഡൗൺ ശ്രീഹരിക്കോട്ടയിലെ സതീഷ് ധവാൻ സ്പേസ് സെന്‍ററിൽ തുടങ്ങി. പ്രണയദിനമായ ഫെബ്രുവരി 14ന് വിക്ഷേപിക്കുന്ന പി.എസ്​.എൽ.വി C52 റോക്കറ്റിന്‍റെ കൗൺഡൗൺ ആണ് ഇന്ന് പുലർച്ചെ 4.29ന് തുടങ്ങിയത്.

പ്രണയദിനത്തിൽ പുലർച്ചെ 5.59നാണ് എർത്ത് ഒബ്സർവേഷൻ സാറ്റലൈറ്റ് ആയ ഇഒഎസ്-04ന്‍റെ വിക്ഷേപണം നിശ്ചയിച്ചിട്ടുള്ളത്. 1710 കിലോഗ്രാം ഭാരമുള്ള ഉപഗ്രഹത്തെ 529 കിലോമീറ്റർ അകലെയുള്ള ഭ്രമണപഥത്തിലാണ് പി.എസ്​.എൽ.വി C52 എത്തിക്കുക.

കൃഷി, വനം, തോട്ടങ്ങൾ, മണ്ണിലെ ഈർപ്പം, ജലശാസ്ത്രം, വെള്ളപ്പൊക്ക മാപ്പിങ് തുടങ്ങിയ ആപ്ലിക്കേഷനുകൾക്കായി എല്ലാ കാലാവസ്ഥയിലും ഉയർന്ന നിലവാരമുള്ള ചിത്രങ്ങൾ നൽകാൻ രൂപകൽപന ചെയ്ത റഡാർ ഇമേജിങ് സാറ്റലൈറ്റാണ് ഇഒഎസ്-04. ഇഒഎസ്-04നൊപ്പം മറ്റ് രണ്ട് ഉപഗ്രഹങ്ങൾ കൂടി പി.എസ്​.എൽ.വി ഭ്രമണപഥത്തിൽ എത്തിക്കും.

കൊളറാഡോ യൂണിവേഴ്സിറ്റിയിലെ അറ്റ്മോസ്ഫെറിക് ആൻഡ് സ്പേസ് ഫിസിക്സ് ലബോറട്ടറിയുമായി സഹകരിച്ച് ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പേസ് സയൻസ് ആൻഡ് ടെക്നോളജി (ഐ.ഐ.എസ്.ടി) തയാറാക്കിയ സ്റ്റുഡന്‍റ് സാറ്റലൈറ്റ് ആയ ഇൻസ്പെയർ സാറ്റ്-1ഉം ഇന്ത്യ-ഭൂട്ടാൻ സംയുക്ത ഉപഗ്രഹത്തിന്‍റെ (ഐഎൻഎസ്-2ബി) മുന്നോടിയായ ഇസ്‌റോയുടെ ടെക്നോളജി ഡെമോൻസ്ട്രേറ്റർ സാറ്റലൈറ്റായ ഐഎൻഎസ്-2റ്റിഡിയും ആണിത്.

Show Full Article
TAGS:Isro PSLV C52 Valentines Day 
News Summary - Isro gears up for countdown of PSLV-C52 launch on Valentine’s Day
Next Story